mikudagur 18. mai 2016síða 34

Lýsingablað frá Miðlahúsinum 2 Lagt til rættis: Terji Nielsen Skrivað: Terji Nielsen, Neli Heldarskarð, Tróndur Arge og Flogbóltssamband Føroya Lýsingar: Frida Mellemgaard og Terji Nielsen Grafiskt snið: Pætur Eyðunsson Jensen Umbróting: Sosialurin Myndir: Álvur Haraldsen o.o. Altjóða flogbóltur aftur í Føroyum! T að er altíð ómetaliga spenn­andi at leika landsdystir, og tað er forkunnugt. Vit vita ikki, hvussu mótstøðan verð­ur, men frá undanfarnum dystum vita vit, at ser­ liga Liktinstein og Kýpros hava sum oftast lið heilt í toppinum. Írland hevur saman við Skotlandi havt stóra fram­ gongd, síðan OL var í London 2012, tá ið Bretland slapp at hava felags lið. Sostatt lata vit dyrnar upp fyri kapping millum 4 lond, ið vita lítið um hvørt annað, og sum øll hava møgu­leikan at leika seg víðari. Føroyar fáa harða mótstøðu og hava brúk fyri øll­um tí stuðli, ið bara heimaáskoðarar kunnu geva. EM-kapping í Føroyum í 2008 Øll árini síðan stovnanina í 1980, hevur Flogbóltssamband Føroya lagt seg eftir at hava miðvíst landsliðs­arbeiði. Frá teimum smáu til tey eldru. Á Oyggja­leikum, í Norðurlendskum kapp­ingum og í EM-kappingum, har vit nú eisini hava U19 og U20 landslið. Altíð við dreyminum og dirvinum at skipa fyri í Føroyum. Eftir nógva umhugsan gjørdi táverandi nevnd í Flogbóltssambandi Føroya í 2007 av at leggja inn umsókn til CEV – Evropeisku flogbólts­sam­gong­una at hýsa einum bólki í EM-kapp­ingini hjá kvinnum. Vit høvdu satt at siga ikki hóming av, hvat tað var, vit vóru farin undir. Og tað er helst ikki ring­asta útgangsstøðið, tí kendu vit øll krøvini og allar avbjóðingarnar áðrenn, høvdu vit ikki droymt um at bjóð­að okkum fram tá, og so vóru vit ikki her, vit eru nú og aftur bjóða okkum fram. Og vit høvdu heldur ikki havt ta breidd ella ta dygd í flog­bólt­inum, vit nú hava, um ikki so nógv varð lagt fyri. Vegurin til HM/EM Við teimum royndum, vit nú høvdu, løgdu vit inn okkara boð um at skipa fyri í 2016. CEV tók væl undir við um­sókn okkara, og kappingin vit nú hava fingið, er umframt at vera ein undan­ kapping til EM eisini ein undan­kapping til HM. Bólkurin, ið leiktur verður í Føroy­um, er annar av undanbólkunum til EM-finalurnar fyri smátjóðir, sum verða leiktar í 2017. Fyri at koma til finalurnar skulu vit í minsta lagi enda nr. 2 í okkara bólki, og megna vit at vinna okkara bólk, eru vit eisini í bólka­spælinum til HM, sum byrjar í 2017. Hetta er fyrstu ferð, at vit hava møgu­leikan at leika við í HM. Skuldi tað hent, at vit enda nr. 1 ella 2 í okkara bólki, so skulu kvinn­ur­nar í kapping aftur í 2017, og bestu lið­ini í finalunum kunnu so taka stigið longur upp og leika ímóti sterkaru lond­unum. Fyrst mugu vit tó hugsa um bólka­spælið í Føroyum og allar helst gera tað, ið vit ongantíð hava megn­að fyrr – vinna bólkin. Miðvíst arbeiði gevur úrslit Okkara støðuga og miðvísa altjóða virksemi hevur sín avgerandi og stóra leiklut í teirri menning, føroyskur flog­bóltur hevur havt. Hetta er søgan um góð evni, ídni, gott ar­beiði í flog­bólts­ feløg­unum, væl skipað og mið­víst ung­dóms­arbeiði og A-lands­ liðs­arbeiði í Flog­bólts­sam­band­inum og føroyskar leikarar í bestu donsku deildunum. Alt tað til samans hevur gjørt, at vit føroyingar kunnu siga, at vit nú eiga eitt A-landslið hjá kvinnum, sum er á stigi við danska A-landsliðið. Og vit eiga besta leikaran í kvinnuflogbólti í øll­um kongs­ríkinum. Hon er Sofía Purkhús, og hon er á vøllinum saman við øll­um hinum fantastisku kvinn­ unum hjá okkum. Ungdómslandslið Hesar føroysku kvinnurnar hava at kalla allar verið á yngru landsliðum okk­ara. Teirra menning er nógv grund­að á hesar kappingar, tí í júst hesum al­tjóða kappingunum er tað, at evnini at standa seg ímóti sterkari mótstøðu og spæla undir høgum trýsti verða ment. Tað eru hesi evnini ið mugu til, um føroysk ítróttafólk skulu vinna seg heil fram ímillum tey fremstu, og tað eru hesar dygdirnar, ið skulu koma til sjóndar, skal tað eydnast okkum at vinna okkum víðari úr kappingini í Føroyum. Altjóða virksemi má verða raðfest serstakt Flogbóltsfamiljan í Føroyum er sera sterk, og stóðu vit ikki øll saman um hesa kappingina, so bar hon als ikki til. Og sum í 2008 er Tórshavnar Komm­una aftur hesaferð til reiðar at taka á seg heilt stóran leiklut. Skjóta handfaringin hjá kommununi var av­ger­andi fyri arbeiði okkara í Flogbólts­sam­bandi Føroya við hesi kappingini. Almenni politiski myndugleikin má raðfesta altjóða virksemið hjá allari før­oysku ítróttini serstakt og hægri enn nú. Vit høvdu í 2015 serstaka al­tjóða pulju, sum kom ómetaliga væl við – serliga hjá teimum, ið tá skip­aðu fyri kapping í Føroyum. Tað eru slíkar skipanir, ið eru neyðugar, so tað gerst møguligt áhaldandi at vera við á altjóða stigi og ikki minst bjóða kapp­ingar sum hesa og tær í fjør fram her í Føroyum. Tí tað er drúgt og dýrt at vinna seg fram ímillum tey bestu, men tað er bæði stríðið og pengarnar vert. Serliga tá ið vit nú kunnu leika á heima­vølli, og vit merkja gleðina hjá leikarum og avvarandi og tann holla stuðul, vit fáa innanhýsis og frá komm­unum og stuðlum. Tað er tjóðar­bygging! Koyrið á Føroyar! Eg skal nýta hetta høvið at bjóða Írlandi, Kýpros og Liktinstein væl komin til Føroyar, nú vit aftur skipa fyri altjóða flogbóltskapping Magnus Tausen Formaður Flogbóltssamband Føroya