mikudagur 18. mai 2016síða 38

Lýsingablað frá Miðlahúsinum 6 Menninir royndu seg í Luxembourg Terji Nielsen Tað var eitt ógvuliga blandað føroyskt lið, sum mikudagin í farnu viku fór úr Føroyum við kós móti Luxembourg at kappast í HM/EM- undankapping. Við í hópinum, sum Bárður Bendix Mikkelsen, lands­liðs­ venjari, hevði tikið út, vóru fleiri sera royndir leikarar so sum Rúni Weihe, Thorvald Danielsen og Suni Juul Petersen, men samstundis vóru eisini fleiri nýggir og blaðungir leikarar í hópinum, sum ongan landsdyst høvdu spælt undan kappingini farna vikuskifti. Gysari móti norðurírum Fyrri dysturin hjá føroyska lands­lið­ num var móti Norðurírlandi fríggja­ dagin, og her gjørdist talan um ein sannan gysara. Í fyrsta settinum gekk rættiliga javnt á, men norðurírar høvdu at kalla alt settið ein lítlan mun, og teir vunnu eisini settið 25-21. Men í øðrum setti var gongdin ein heilt onnur. Okkara vóru nú nógv meiri klárir, og vit fingu eina góða byrjan uppá settið og løgdu okkum nakrar bóltar fram um norðurírar. Men so kom stígur í hjá okkara eina løtu, og norðurírar tóku leiðsluna. Okkara vóru tó skjótir at svara aftur, og so gekk ógvuliga javnt á heilt fram til teir avgerandi bóltarnar. Tað stóð á jøvnum bæði 21-21 og 24-24, men so tóku okkara leikarar av­ger­andi stigini og vunnu settið 26-24. Hevði annað sett verið ein gysari, so gjørdist triðja settið ikki minni spenn­andi. Ikki tí, okkara leikarar vóru greitt omaná fyrstu løtuna av settinum og vóru eisini á odda við bæði fýra og fimm stigum, men tá ið settið fór at halla, tóku norðurírar inn á Føroyar aftur, og so gekk púra javnt á. Føroyingarnir høvdu tveir sett­ bóltar, men megnaðu ikki at fáa avgerandi stigið, og ístaðin vóru tað norður­írar, sum eftir eitt sindur av togan aftur og fram, endaðu við at vinna settið 29-27. Marginalarnir vóru ikki við føroyska liðnum í dystinum móti Norður­írlandi, og tað kom eisini til sjóndar í fjórða setti. Tí talan var enn eina­ferð um eitt sera tætt sett, har tað gekk ómetaliga javnt á, men tá ið avtornaði, so vunnu norðurírar settið 26-24 og harvið dystin 3-1. Greitt tap fyri vertunum Sunnudagin var so dystur móti verts­landinum Luxembourg, og her gjørdist talan um eitt greitt tap. Heima­liðið vann dystin 3-0 eftir sett­úrslitini 25-19, 25-13 og 25-10. Luxembourg vann eisini dystin móti Norðurírlandi 3-0, og tí gjørdust vertirnir greiðir vinnarar av kappingini á heimavølli. Hjá føroyska liðnum og venjar­ unum var tó nógv gott at taka við heim aftur eftir kappingina í Luxembourg. Ikki minst kundi man fegnast um, at av teimum 13 leik­ arunum í føroyska hópinum vóru ikki færri enn fimm blaðungir leikarar, sum fingu sín fyrsta landsdyst í kapp­ing­ini í Luxembourg. Teir fimm leikararnir eru: Niels Niclasen úr Fleyr, Uni Jacobsen úr Fleyr, Jóhan Arni Elisson Wang úr Fleyr, Kasper Lorenzen úr SÍ og Dávið Hentze úr Fleyr. terji@sosialurin.fo Farna vikuskifti var føroyska manslandsliðið í flogbólti til HM/EM-undankapping í Luxembourg, har mótstøðuliðini vóru Norðurírland og Luxembourg Føroyska manslandsliðið í flogbólti