mikudagur 18. mai 2016síða 40

Lýsingablað frá Miðlahúsinum 8 Vit hava góðar vónir Neli Heldarskarð Venjari á føroyska flogbólts­lands­ lið­num hjá kvinnum er sørvingurin, Jóhan Petur á Stongum, ið flogbólts­ áhugað eisini kenna sum leikara hjá besta mansliðnum hjá SÍ. Hann hevur ikki verið høvuðsvenjari hjá før­oyska flogbóltslandsliðnum hjá kvinnum áður, men varð hann settur sum venjari undan hesari kapp­ing­ini. Talan er tó um ein mann, ið hevur venjararoyndir saman við føroyska kvinnulandsliðnum. Í 2009 var Jóhan Petur hjálpar­ venjari á tí lands­lið­num, ið vann gull­ heiðurs­merki á oyggjaleikum í Álandi hetta árið. Ta ferðina var Kristian Mikkelsen høvuðsvenjari hjá føroysku kvinnunum, men í ár hava flog­bólts­ harrarnir báðir býtt um leiklut, tí at í dag er tað Kristian Mikkelsen, sum er hjálpar­venjari hjá teimum føroysku flog­bólts­kvinn­unum. Vónirnar eru góðar Fýra flogsbóltslandslið dystast í døgunum 23.-25. mai í høllini á Hálsi. Føroyar kunnu spæla seg víðari til endaumfar í bæði HM- og EM- kappingini við at enda nummar eitt, meðan eitt endapláss sum nummar tvey viðførir víðari luttøku til enda­ umfarið í EM-kappingini. Føroyski landsliðsvenjarin hevur góðar vónir til komandi kappingina. Eisini fegnast hann um, at slík kapping kann blíva fyriskipað í Føroyum. – Vónirnar eru góðar. Vit hava heimavøll, og tað er ein sjálvsagdur fyrimunur. Eg ivist ikki í, at vit fara at fáa góðan stuðul, og tað fer av­gjørt at hjálpa liðnum. Tað gevur eitt sindur eyka. Ein slík kapping hevur verið fyrr í 2008, men tað er heilt framúrskarandi, at tað ber til at fáa tílíka kapping til Føroya. Tað er als ikki á hvørjum degi, at før­oyska flogbóltslandsliðið spælir á heima­ vølli, sigur Jóhan Petur á Stongum í samrøðu við Sosialin. Kýpros verður stóra avbjóðingin Mótstøðuliðini hjá Føroyum í komandi kappingini eru Írland, Liktinstein og Kýpros. Her er føroyski venjarin sannførdur um, at dysturin ímóti Kýpros verður tann stóra av­ bjóð­ingin fyri føroyska liðið. – Kýpros er óivað sterkasta liðið, ið vit skulu spæla ímóti.  Um hugt verður eftir hagtølunum, so hevur Kýpros ikki tapt ein dyst síðani 2011, og kýpriotiska liðið vann kappingina, sum vit luttaka í nú, í 2011, 2013 og 2015. Serliga er tað dysturin ímóti Írlandi, sum í størstan mun er tann, ið føroysku kvinnurnar eiga at vinna. – Ímóti Írlandi burdu vit havt munin. Eg kenni lítið til írska liðið, men eg kenni venjara teirra, ið er úr Bermuda. Sum eg havi fingið fortalt frá hesum venjaranum, so eru nógvir ungir leikarar á hesum írska liðnum, og hesum liði skulu vit helst vinna ímóti, greiðir Jóhan Petur á Stongum frá. Tann dysturin, sum nokk kann væntast at blíva tann mest spenn­ andi hjá føroyingum, er tann ímóti Liktinstein. Hetta er eitt lið, sum Føroyar bæði hava vunnið og tapt ímóti í nýggjari tíð. – Í 2014 vóru vit í líknandi, inn­ leiðandi bólkaspæli við Liktinstein. Liðini í bólkinum vóru Ísland, Liktinstein og Luksemburg, og varð hendan kappingin eisini hildin í Íslandi. Tá vunnu Føroyar 3-1 ímóti Liktinstein. Føroyar vunnu allar hesar dystir og komu víðari, sigur Jóhan Petur á Stongum og leggur síðani afturat: Í 2015 var finaluumfarið frá hesari kappingini. Tá endaðu Føroyar nummar fýra av fimm og taptu ímóti bæði Kýpros og Liktinstein. Fyrimunur at leikarar spæla niðri Spurdur um, hvussu hetta flogbólts­ landsliðið stendur mát við tey mongu føroysku kvinnulandsliðini, ið hava vunnið alskyns heiðursmerki á oyggja­leikum, letur landsliðsvenjarin væl at. Her heldur hann, at tað er ein fyri­munur, at fleiri av leikarunum, sum spæla við í dag, eisini vóru við í kapp­ingini í Íslandi í 2014. – Nógvir av teimum somu leik­ arunum, sum luttóku í seinastu kapp­ing, eru við aftur hesaferð. Mun­ urin er tann, at nú eru leikararnir tað eldri, og eisini eiga vit fleiri leik­arar í dag, sum spæla í donsku kapp­ingini. Hetta er sera mennandi fyri spæl­ arar­nar, tí at støðið er nógv hægri niðri. Fýra av leikarunum hava spælt í bestu deildini í ár og vunnið bronsu (Sofía Purkhús, Elisabeth Purkhús, Eina Kalsø og Birgit Guttesen úr Amager VK). Tvær hava eis­ini spælt í næstbestu deildini (Urd T. Traðará og Eyð G. Magnussen) og eru nú fluttar upp í bestu deildina. Vónin er, at liðið er blivið betri við øktu rutinuni á liðnum, sigur Jóhan Petur á Stongum. Landsliðsvenjarin vísir eisini á, at tær á flogbóltslandsliðnum hava eina betri hædd, enn føroysk flog­ bólts­landslið hjá kvinnum hava havt áður. – Ein annar fyrimunur við liðinum hjá okkum í dag er, at vit hava eina góða miðalhædd. Hetta ger, at vit standa sterkari í blokkinum. Áður hevur hæddin hjá kvinnuleikarunum ikki verið líka góð, sum hon er júst nú. At enda varð føroyski venjarin spurdur um málið fyri komandi kappingina, ið verður hildin í høllini á Hálsi. –  Málið er fyrst og fremst at koma víðari. Enn betri, um vit fáa fyrsta plássið, men næsta plássið er eisini góðtikið, vóru seinastu orðini frá Jóhan Peturi á Stongum. neli@sosialurin.fo – Málið er fyrst og fremst at koma víðari. Enn betri, um vit fáa fyrsta plássið, men næsta plássið er eisini góðtikið. Hetta sigur Jóhan Petur á Stongum, venjari hjá føroysku flogbóltskvinnunum, undan stóru kappingini í høllini á Hálsi í komandi viku Jóhan Petur á Stongum, venjari hjá føroysku flogbóltskvinnunum Landsliðsvenjarin: