mikudagur 18. mai 2016síða 44

Lýsingablað frá Miðlahúsinum 12 HM/EM lands­liðið kroysti Danmark Høvdu Danmark á knøunum Føroyska kvinnulandsliðið var herfyri á venjingarlegu í Danmark í sambandi við HM/EM kappingina, sum verður í Tórshavn 23. - 25. mai 2016, og í tí sam­bandi spældi landsdyst ímóti danska flogbóltslandsliðnum. Og ikki kann sigast annað, enn at føroyska liðið gjørdi ein sanniligan vørr í Keypmannahavn tann 7. Mai. Sum tað eisini sæst á settúrslit­ unum, so vóru settini ógvuliga jøvn, og í seinasta og 5. settinum vóru tað bert smáir marginalar, sum avgjørdu dystin. Tá liðini skiftu síðu í 5. settinum, vóru Føroyar á odda 8 - 5, men kláraðu ikki at standa ímóti stóra servi­trýst­inum í seinasta partinum av sett­inum. Hetta viðførdi at føroyska liðið tapti 15 – 12.   Stoltur landsliðsvenjari Føroyski venjarin Jóhan Petur á Stongum hevði næstan bert rósandi orð til leikararnar. Hann segði millum annað, at sæð í ljósinum av, at hetta var fyrsti dystur, sum liðið spælir saman, so var úrslitið eitt super úrslit – tað besta nakrantíð hjá einum føroyskum flogbóltslandsliði. – Vit hava super servutrýst, fan­tast­iskan blokk og fantastiskt verju­spæl. Vit megna ikki at standa ímóti servunum hjá DK; tær hava 18 servu­ess. Hetta vistu vit ádrenn, tí at Svøríki hevði somu trupuleikar í gjár, tá Danmark var á vitjan í Svøríki, segði Jóan Petur á Stongum eftir dystin. Anja vísti stórspæl Víðari segði landsliðsvenjarin, at álopið hjá okkara liði var ógvuliga skilagott. – Vit vistu at Danmark fekk nógv upp aftur, men vit megna at halda høvdið kalt og bíða til rætta støðan kemur. Álopið hjá okkum var imponer­andi, og til seinast má eg nevna Anju S. Danielsen, sum spældi sín lívs dyst – hon vinnur 18 bóltar í smash, og tað er imponerandi, segði Jóan Petur á Stongum at enda. Liðið hevur havt fleiri venjingar síðani dystin í Danmark, og Jóan Petur á Stongum segði eftir dystin í Danmark, at fram til HM/EM- kapping­ina í Tórshavn 23. – 25. mai, verður serliga arbeitt við at betra um mót­tøkur­nar. Liðini, sum føroyska landsliðið skal spæla ímóti eru Kýpros, Liktinstein og Írland. Kappingin er ein kombinerað EM/HM kapping. Nr. 1 í bólkinum kemur beinleiðis víðari í HM kappingini, meðan nr. 1 og 2 koma víðari í EM kappingini. Danmark – Føroyar: 3-2 (25-23, 21-25, 25-22, 24-26, 15-12) Anja Danielsen við FM-steypinum, sum hon vann við Fleyr í ár. Hon spældi sín lívs dyst, tá ið Føroyar høvdu Danmark á knøunum í venjingardysti herfyri Mynd: Álvur Haraldsen