mánadagur 11. apríl 2016síða 14

Mánadagur 11. apríl 2016 · Nr. 41 14 Sosialurin Hugskot og viðmerkingar – send sms til 225000 HONDBÓLTUR MEIRA ENN GÓЭK Føroya U20-manslandsliðið í hondbólti var um vikuskiftið bara marginalar frá at vinna teir báðar fyrstu dystirnar, sum hevði verið nóg mikið til at komið við í EM-endaspælið í summar. – Talan er um ein serstakliga góðan árgang, ið kann menna seg enn meira, sigur landsliðsvenjarin, Kári Nielsen – Politikararnir gera av, um vit skulu hava landsliðsvirksemi á jøvnum føti við onnur, sigur Hallur Danielsen frá Hondbóltssambandinum, ið heldur almennan stuðul vera sera umráðani og neyðugan, skal føroyskur hondbóltur framhaldandi mennast Hilmar Jan Hansen Tey løgdu ordiliga merki til Føroyar í sveisiska Schaffhausen um viku­skiftið, nú føroyska U20-lands­lið­ ið hjá monnum var har og spældi EM-undan­kapping við Sveis, Makedonia og Montenegro sum mót­støðu­ lið­um. Eftir onkrar av dyst­ un­um komu bæði lokalir hond­bólts­fjepparar og fólk frá hinum londunum og fregnaðust, um tað veruliga passaði, at tað bara búðu 50.000 fólk í Føroyum og at hetta vóru alt føroyingar, ið mannaðu liðið. Jú, kundu føroyingarnir vátta, at gamaní eru Føroyar ikki nakað stórveldi í fólka­ tali, men tó eru tað nógv, ið spæla hondbólt, og talent­ massin er stórur og bara økist. Stuttligt, at fremm­ anda­fólkini vóru so hug­tikin av Føroyum og føroyska hond­bólts­spælinum, men enn eitt dømi um, at góð føroysk avrik í ítrótti geva Føroyum nógva og positiva umrøðu, ið ikki fæst annars. U20-menninir løgdu fyri við at spæla javnleik ímóti Montenegro fríggja­dagin, tá tað leingi sá út til at enda við einum greiðum sigri. Eitt skifti vóru Føroyar á odda 24-21, men so kom av álvara stíg­ur í, so Montenegro kundi fara framum 25-24, men í evstu løtu eydnaðist at javna til 25-25! Leygardagin var Make­ donia mót­støðu­liðið, og her stóð púra fast frá byrjan, tí meira enn níggju minuttir gingu, áðrenn Føroyar fingu mál, og tá var Makedonia longu á odda 3-0. Í tí dyst­ in­um var tað ikki bara make­donska mót­støðan, ið spælararnir høvdu at stríðast við, tí dómararnir úr Kosovo vóru bart út sagt beistagtigir og dømdu støðugt til fyri­ muns fyri Make­donia. Tá so føroyska liðið ímóti endanum kundi tikið tað mista inn­ aftur, var fokuseringin fokin og neyv­leikin ikki longur til staðar, og dysturin endaði við 17-21 tapi. Nógv at arbeiða við Sunnumorgunin vann Make­ donia so 36-24 á Montenegro, og tá var greitt, at tað fóru at blíva Sveis og Makedonia, ið komu við til EM-endaspælið. Vónir um annað enn eitt heiðurligt úrslit ímóti Sveis, sum er fimtbest í heiminum í hesum aldursbólkinum, vóru ikki, men eydnaðist at halda tapinum niðan fyri 19 mál, so endaðu Føroyar ikki aftast. – Á liðnum hjá Sveis vóru nakrar ordiligar kempur, og teir hava eina ótrú­liga sterka verju, sum for­klárar, hví vit bara ellivu mál, hóast vit hava møguleikar til eini fimm ella seks aftrat. Men eg haldi, at tað er fínt, at vit blíva triðfremst, og tað hava vit eisini uppiborið, tí vit hava spælt ímóti fínum liðum og góðum spælarum, og tá vit so eisini sóu hini liðini spælt ímóti hvørjum øðrum, verður okkara avrik sett í perspektiv og kann bara góðkennast, sigur Kári Nielsen, landsliðsvenjari, ið fegnast um, at liðið megnaði at fáa eitt triðjapláss, tí her er nógv at arbeiða víðari við. – Talan er um ein ser­ stakliga góðan árgang, ið kann menna seg enn meira. Og frá hesi kappingini er eisini nógv, vit kunnu taka við okkum heimaftur og nógv at arbeiða meira við. Her gekk sjón fyri søgn, at vit eru ikki nóg væl fyri til at spæla eina kapping, tí spælararnir orka ikki nóg væl at renna og maktast ov skjótt. Okkara spælarar eru sterkir, men makta allíkavæl ikki at fullføra dystirnar, so tað mugu vit arbeiða við. Samstundis síggja vit, at toppspælararnir hjá hinum koyra akkurát tað sama í síðsta sum í fyrsta minutti, men tað klára vit tíverri ikki. Mugu halda fram Júst tað, at talan í hesum føri er um ein serstakliga góðan árgang av spælarum, ger eisini, at her má arbeiðast miðvíst og framhaldandi, so hesin góði endin ikki verður sleptur. Potentialið er stórt og møguleikarnir avgjørt til staðar fyri at røkka allan vegin í eini slíkari kapping, so tað kann enda við plássi í einum EM- ella HM-enda­ spæli. Spælararnir, sum á besta hátt hava umboðað Føroyar og føroyskan hondbólt í Sveis um vikuskiftið, kunnu longu aftur í januar mánaði fáa møgu­leika at spæla eina sama slag kapping, tá talan verður um HM-undan­ kapping við einum bólki við fýra londum, sum so spæla tríggjar dystir hvørt á einum staði, akkurát sum nú. Enn hevur Hond­bólts­ sam­bandið ikki meldað liðið til, men vónandi fæst rokni­stykk­ið at ganga upp, so menningin av fram­ tíðar hond­bólts­spælar­ um okkara ikki steðgar óneyðugt, men sleppur at halda fram, so vit kunnu sleppa at síggja, hvat veruliga kann fáast burtur úr tí góða tilfeingi, ið er. Sum nevnt aðrastaðni, krevur tað, at allir partar spæla við – og serliga al­ mennu myndug­leik­arnir – so Føroyar ikki skulu enda sum eftir­bátur, nú tað langt um leingi er eydnast at fáa fatur í rætta endanum. Og skuldi alt gingið so Hilmar Jan Hansen Nú EM-undankappingin í Schaffhausen er av og Føroyar endaðu nummar trý í sínum bólki, er eitt gjøgnumgangandi nøgdsemi at hóma millum tey, ið varða av føroyska liðnum, hóast øll eru greið yvir, at um alt bara vildi eitt lítið sindur øðrvísi til, var liðið komið eitt fitt petti longri. – Sjálvandi eru vit væl­ nøgd við, at U20-menn­ in­ir eru so tætt uppá at enda millum 16 tey bestu lands­liðini í Europa og at koma við til eitt endaspæl. Og bara tað, at so lítið restar í, fortelur nakað um tilfeingið og møguleikarnar í føroyskum hondbólti, um vit kunnu varðveita eitt regluligt og støðugt landsliðsvirksemi í hondbóltinum, sigur Hallur Danielsen frá Hond­bólts­ sambandinum, ið sjálvur var við á ferðini og frá fyrstu parkett sá føroyska avrikið á vøllinum. – At vit kunnu vera so ómetaliga nær við at koma víðar til eitt endaspæl, sóu vit longu í mars í fjør, tá okkara U17- kvinnur vóru líka nær við í undankappingini, tær spældu í Føroyum. Eingin ivi er um, at føroyskum hond­bóltur hevur eina øgiliga spennandi framtíð, og vit mugu bara staðfesta, at fáa vit tey ítróttarligu og fíggjarligu viðurskiftini at koyra optimalt, fáa vit nøkur framúr góð úrslit at síggja innan langa tíð. Hallur Danielsen vísir á, at nakað, sum enn restar í, eru royndirnar, ið bara koma við regluligum og áhaldandi arbeiði, og har vísir hann á, hvussu nógv tað hevur at siga, at venjingarnar verða optimeraðar, frá tí at børnini byrja at spæla hondbólt seks, sjey ella átta ára gomul. – Vit arbeiða við at gera ein føroyskan leist, har vit siga, at vit vilja skapa hond­ bóltsspælarar, sum kunnu hetta og hatta, og tað ætla vit at gera so og so. Nú er tað, at vit mugu halda fast og skap eitt framhaldandi arbeiði, ið vónandi kann tað hjálpa bæði feløgunum og okkum í Hondbóltsambandinum at skapa nakrar øgiliga góðar A-landsliðsspælarar tey næstu nógvu árini, sigur hann. Stuðul má til Samstundis vísir hann á, at arbeiðið hjá hondbóltinum hevur trý bein at standa á, sum eru tað, HSF sjálvt kann skapa við sínum virksemi, áskoðarainntøkum og øðrum, og síðani eru tað privatu stuðlarnir, ið hava givið menningini í hondbóltinum ans og hava bæði víst stóran áhuga og verið stinnir at stuðla. – Og so er tað tað al­ menna, men har hevur verið ALMENNU FØROYAR MUGU SPÆLA VIÐ