mánadagur 11. apríl 2016síða 18

Mánadagur 11. apríl 2016 · Nr. 41 18 Sosialurin Hugskot og viðmerkingar – send sms til 225000 HB EIGUR NÓGVAR GULLSTREINGIR AT SPÆLA UPPÁ Nýggi álopsspælarin brúkti bara trý korter at skjóta hattrikk, og eisini Páll A. Klettskarð og Klæmint A. Olsen vóru hesaferð fleirfaldir málskjúttar Jóannes Hansen Eftir 4-0 sigurin í Fuglafirði í gjár er himinin klárur í Klaksvík, og tað kitlar í KÍ oyrun­um, tá ið hag­tøl­ ini verða løgd á borðið. Í fjør eydnaðist tað ongan­ tíð teimum bláu og hvítu at vinna tvær ferðir á rað og samstundis at syrgja fyri, at einki mál fór ígjøgnum. Síðst hetta eydnaðist var í 2014, tá ið KÍ tvey umfør á rað tók tveir stórar skøltar við 1-0 sigrum – 1-0 ímóti B36 í Gundadali 24. august ella sjálvan 110 ára føðingardagin og 1-0 ímóti HB í Klaksvík 14. september. KÍ sigurin á ÍF var tann størsti ímóti fugl­ firðing­um síðani 27. juni í 2004, tá ið klaksvíkingar fóru úr Fløtugerði við 6-1 sigri. Páll A. Klettskarð var tví­faldur KÍ mál­skjútti. Hann hevur skorað fýra av teimum tíggju málun­um, sum klaksvík­ing­ar higar­til hava skorað. ÍF hevur tvær tær seinastu ferðirnar lagt rygg til saman­talt 1-10 tap! Tað man vera rár hending. Nú eru steinar í B36 skónum Tá ið dómarin bríksl­aði fyri síðstu ferð í Gunda­dali í gjár, vísti mál­talv­an 0-0. Heim­ alegan var sum sligin á nevið, og gestirnir av Tvøroyri stór­ fegnaðust. Frá fyrsta bríksli vísti TB fínan góðan hug­burð, og allan fyrra hálv­leik bjóðaði TB av frammarlaga á vøllinum. Enn einaferð var tað Albert Adu, sum skaraði fram­úr. Sum seinni hálvleikur leið, varð TB dags­skrá­in alt meiri at verja, og síðsta korterið vóru TBarnir sjáldan framman­fyri mið­ strikuna. B36 trýsti, og bólt­ ur­in dansaði fleiri ferðir framman­fyri mál­strikuna, men alt segði tað sama. – Eg eri ógvuliga væl nøgdur við hug­burðin og av­ rikið. Vit vilja fegnir vera við til at mynda fótbóltsspæl, men í dag vóru vit noyddir í seinna hálvleiki at spæla við longum send­ing­um, vit stríddust fyri hvørjum centimetri, og tað eydnaðist at vinna eitt stig í Gunda­dali. Tað munnu tey flestu vera nøgd við, og tað eru vit eisini, sigur TB venjarin Robert F. Roelofsen. B36 málverjin Tórður Thomsen var saman við lið­ feløgun­um vónbrotin: – Marginalirnir eru ikki við okkum. Áður hevur tað ofta verið stong inn, og nú er tað stong út. Bólturin trillaði fleiri ferðir dygst framvið strikuni, vit misnýttu risa møgu­leikar, og TB málverjin hevði einar fýra framúr bjargingar, staðfestir B36 málverjin, og hann heldur fram: – Eg haldi, at vit kundu havt vunnið fýra ferðir, um vit høvdu marginalirnar við okkum, meðan vit vóru hepnir at vinna ímóti AB, men vit vita, at allir dystirnir eru tor­førir, sigur B36 mál­ verjin. Broddur og tyngd í hjá HB Røðin av stórum mál­skjútt­ um í HB er long, síðani HB vann fyrsta av mongu FM heitunum í 1966: Eivind Dam, Kári Helmsdal, Heri Nolsøe, John Eysturoy, Beiggin, Suni Jacobsen, Erling Jacobsen, Gunnar Mohr og Uni Arge skoraðu regluliga og ofta. Síðstu árini hevur verið longri millum stór­skjúttar­ nar í HB. Tað var smeitur, at Arnbjørn Hansen, sum í fjør var ætlaður at lyfta arvin, varð illa skaddur og framvegis ikki er førur fyri at spæla. Síðani kappingarbyrjan er HB liðið styrkt við eitt nú Fróða Benjaminsen. Leygar­ dagin var Øssur Dalbúð fyri fyrstu ferð á listanum. Jan C. Dam hevði hann á beinkinum frá dystarbyrjan. Tá ið tað fram­vegis var málleyst eftir fyrra hálvleik, hóast HB ofta hevði verið tætt við í Skála brotsteiginum, so varð nýggi maðurin skiftur inn, og Øssur kom, sá og sigr­aði. Hann skoraði reint hatt­rikk og undir­strik­aði harvið, at hann er nýggjur gull­strongur í sigurs­vanda felagnum. Øssur Dalbúð var fegin og nøgdur: – Eg flutti heim úr Keyp­ manna­havn miku­dagin. Eg vandi fyrstu ferð í HB miku­kvøld­ið og so aftur hós­ kvøldið. Eg kenni meg at vera væl fyri, tí eg havi vant nógv niðri síðani ársskiftið, og sjálvandi var hetta hugaligt. Talan var um fínt lið­avrik, og lagið er gott á liðnum, sigur Øssur Dalbúð. Dygdirnar hjá Øssuri Dal­ búð eru fleiri – bæði í saman­ spælinum og framman­fyri málið. Málini skoraði hann við at vera á rætta staðnum í røttu løtuni í málteiginum ella har á leið. Tað fyrsta var eftir flatt inn­legg úr vinstru frá Magnusi Egilsson, sum var vong­verji í vinstru, tað næsta eftir fram­úr uppspæl í høgru og út­frá sending frá Teit Jacobsen, og í síðsta førinum puffaði hann bóltin inn um strikuna, eftir at Andras Gango hevði hálv­ bjargað, tá ið væl upplagdi Fróði Benjaminsen royndi seg av brotsteigarmarkinum. Skála var væl við í fyrra hálv­leiki. Verjuspælið var væl skipað, og skálamenn høvdu fleiri góðar støður. Spurningurin er, hvussu tað hevði tørnað út, um reyða kortið hevði verið á lofti, tá ið Álvur F. Christiansen varð steðgaður í gjøgnum­broti á brots­teigar­markin­um, tá ið støðan var 1-0. Men dómarin var ikki samdur við heima­ liðnum í, at Magnus Egilsson nýtti neyðbremsuna. Víkingur dumpaði í síðstu løtu Inntil tað bara restaði ein hálvur minuttir av teimum fýra, sum dómarin hevði lagt aftrat, vísti mál­talvan á Argjum, at Víkingur var frammanfyri 2-1. Í desperat­ ari roynd at javna, eydnaðist tað mið­verjanum Dmitrije Jankovic at til­tuska heima­ liðnum horna­spark. AB mál­ verjin Heðin Stenberg var í Víkinga brots­teigin­um, tá ið bólturin varð lagdur inn­ fyri. Hann fekk høvdið á, men víkingarnir bjargaðu í fyrstu atløgu á strikuni. Eftir nakrar ferðir aftur og fram var tað innskifti Árni G. Nielsen, sum javnaði til 2-2. Eingin ivi var um, at AB vann eitt stig, og at Víkingur tapti tvey stig. – Eg eri ógvuliga vón­ brotin. Tað er eingin orsøk til, at vit geva teimum eitt horna, tá ið tað resta nøkur sekund. Tað var eitt mis­tak, at vit ikki í staðin fyri at leypa á heldur trillaðu bóltin millum okkara, tá ið tað var so lítið av tíð eftir, sigur Víkinga venjarin Sámal Erik Hentze, og hann heldur fram: – Í løtum spældu vit væl, FRÓÐI ÓLASON OLSEN AB Double up í stigum. Burdu havt vunnið handan dystin. Enn einaferð spæla vit fult upp móti FM kandidatum. Nú eru vit so ikki rosinan í pylsuendanum longur. KRISTIAN JOENSEN KÍ Munur er a dukkufretum og kanónsløgum!! Nú lukturin í Fuglafiðrið er vekk, lukta vit Europa… Koyr á KÍ!! Tiki taka. SÆBJØRN LEITI ÍF KÍ A vann á KÍ B í dag, men vit høvdu ein fínan fyrra holvleik, men tað var slett ikki nokk Koyr á ÍF ALLAN ENGHAMAR HB »The wheels on the bus go round and round...« - tađ koyrir bara! Klassa debut frá Øssur, hatta sær bara gott út. LISSI MOURITSEN B36 Grønir menn frá Pluto … Komi ikki aftur til havnar! MEN heilt erligt – hvussi gott hava vit ikki klára okkum undanfarnu árini »FØROYAMEISTARAR« Vit eru her og vit verða her ! Einaferð og Altíð B36 JAN B. ANTHONIUSSEN NSÍ Har var ongantíð nakar ivi. Har var bara eitt lið á vøllinum, og 5-0 var í minna lagið. Kanska grannarnir burdu umhugsað, ikki at møtt upp, næstu ferð vit møtast. So høvdu teir hóast alt bara tapt 3-0! ;) Góðir! FÓTBÓLTUR