mánadagur 11. apríl 2016síða 26

VINNUBLAÐIÐ HJÁ MIÐLAHÚSINUM 2 Apríl 2016 3 Útgevari: Sosialurin (11. apríl 2016) Ábyrgd: Eirikur Lindenskov eirikur@sosialurin.fo Prent: Prentmiðstøðin Lýsingar: Frida Mellemgaard lysing@sosialurin.fo tel. 231826 Snið og layout: Pætur Eyðunsson Jensen Myndir: Álvur Haraldsen o.o. Árni Gregersen Í sjey-átta ár hevur føroyska fyritøkan Amplexa arbeitt við genkanningum í Danmark. Fyritøkan hevur arbeitt tætt saman við sjúkrahúsinum Filadelfia í Dianalund, sum hevur epilepsi sum serfrøði. Amplexa hevur gjørt kanningar fyri sjúkrahúsið, sum hevur gjørt sjúkra­húsið ført fyri at veita eina meira málrættaða viðgerði av epilepsi-sjúklingum. Hendan menningin hevur givið Amplexa eitt stórt herðaklapp og eitt stórt framstig fyri fyritøkuna, tí nú er hon komin í samstarv við Skejby Sjúkrahús í Århus og við kenda Kings College-sjúkrahúsið í London: – Talan er um eina Strategic Partner­ship Agreement (SPA), ið Amplexa Genetics og enska sjúkra­ hús­ið og granskingarstovnurin, King’s College London, hava undir­ skriv­að, sigur Hans Atli Dahl, stjóri í Amplexa. Amplexa Genetics er parta­ felag, og høvuðseigarar eru Norðoya Íløgufelag/Føroya­ grunn­urin og Framtaksgrunn­ ur Føroya. Fyritøkan heldur til í Odense í Danmark. – Eg eri ómetaliga fegin um, at vit hava fingið hesa viður­kenning. Í London vóru vit vald út millim fleiri aðrar veitarar, so fyri okkum er tað sera stórt, at eitt so stórt og kent sjúkrahús vil hava lut í tí vitan, sum vit hava skapt, sigur hann. Í Danmark hevur fyritøkan arbeitt saman við Filadelfia í Dianalund, men nú er eisini ein avtala gjørd við stóra Skejby Sjúkrahús í Århus. – Tað er sanniliga eisini eitt herða­klapp, tí danir hava ikki vilja brúkt okkum. Alt slíkt er vanliga í al­ mennum skipanum, men royndirnar, sum donsku sjúkrahúsini hava tikið eru vanliga sendar til Hollands. Nú fáa tey svarini munandi skjótari og úr Danmark, sigur Hans Atli Dahl. Var tungt Amplexa er ein sjey ára gomul fyri­ tøka. Hon heldur til í Odense, men fyrstu árini hevur raksturin verið tung­ur. Í løtuni arbeiða átta fólk í fyri­ tøk­uni – har ímillum ein pHd.lesandi, sum arbeiðir á Inova í Havn. Í løtuni verður arbeitt við at lesa arvastreingin hjá sild. Hetta er eitt arbeiðið, sum verður mett sera spennandi millum granskarar og tey sum samráðast um rættindini til at fiska sild. – Tað er umráðandi at fáa at vita um øll sild er av sama stovni – ella talan er um fleiri stovnar i til dømis norð­havs­sildini. At fáa vitan um hetta hevur alstóran týdning, tá ið veiðu­rættindi skulu býtast og tá ið stovs­metingar verða gjørdar, sigur Hans Arni Dahl. Hann sigur, at vitanin um, hvussu arbeaeginleikarnir eru, kann gera, at vísinda­fólk annars betur kunnu stýra veið­uni eftir sild og tryggja, at partar av stovnum ikki verða ovurfiskaðir. Talan er í veruleikanum um eina verk­ætlan, sum verður gjørd á Inova í Føroyum. Hendan verkætlanin fer at kosta einar tríggjar milljónir krónur og peningurin er fingin til vega. Peningurin er skaffaður til vega frá privatum og almenn­ um grunnum. – Seinastu pengarnir komu frá danska Innovations-grunn­ inum og at pengar koma hað­ ani kennavit eis­ini sum eina viður­ kenning,s igur Hans Arni Dahl. Inova er ein granskingarstovnur, sum heldur til við Hoyvíksvegin í Havn. Vinnan er ein stórur partur av stovn­inum og serliga er tað felagið Nótaskip, sum hevur sett pening í fel­agið. Við Hoyvíksvegin eru fleiri starvs­ stovur, sum Inova leigar út, men Sunnvør í Kongsstovu er tann, sum tekur sær av at lesa arvastreingin hjá sildini. Hon er samstundis pHd. les­andi. – Eg má siga, at eg eri ómetaliga fegin í dag. Viðurkenningin telur ómeta­liga nógv og í fjør vaks um­ setn­ingurin til tað dupulta og tað fer hann helst eisini at gera í dag, sigur Hans Atli Dahl. FØROYSKA FYRITØKAN HEVUR FINGIÐ VIÐURKENNANDI SÁTTMÁLA VIÐ KINGS COLLEGE SJÚKRAHÚSIÐ Í LONDON OG VIÐ SKEJBY SJÚKRAHÚS Genkanningar Amplexa fær stórar viðurkenningar Tað er sanniliga eisini eitt herðaklapp, tí danir hava ikki viljað brúkt okkum Hans Atli Dahl (tv) saman við umboði fyri Kings College eftir at avtalan var undirskrivað Sunnvør í Kongsbø skal greina arvastreingin hjá sildini. Hon arbeiðir á Inova í Havn