mánadagur 11. apríl 2016síða 36

VINNUBLAÐIÐ HJÁ MIÐLAHÚSINUM 12 Apríl 2016 3 Eyðfinn Reyðberg Mest samtakið hevði í 2015 140 miljónir krónur í lønum til tey 312 starvs­fólkini í 2015. Hetta gevur eina meðal ársløn uppá 447.000 krón­ ur í part. Hetta svarar til eina meðal mánaðarløn hjá teimum 312 starvs­ fólkunum uppá 37.000 krónur. Í 2014 var samlaði lønar­kostn­ aðurin hjá Mest samtakinum, sum telur Mest og PAM Offshore, 156 milljónir krónur. Tá vóru 353 fólk í starvi, so Mest hevur sagt 40 fólkum upp í 2015. Avlopið tóðnað Avlopið hjá Mest var í 2015 21 milljónir krónur áðrenn skatt. Hetta er fýra milljónir krónur minni enn í 2014, tá avlopið var 25 milljónir krónur. Orsøkin til at úrslitið er heldur verri er, at PAM Offshore bert gav eitt avlop uppá tvær milljónir krónur í 2015 ímóti einum metavlopi uppá 10 milljónir krónur í 2014. Betri grundrakstur Sjálvur grundraksturin hjá skipa­ smiðj­uni Mest er harafturímóti bøttur og umsetningurin er somuleiðis hækk­aður. Umsetningurin hjá Mest hækkaði við 50 milljónum krónum í 2015 upp til 227 milljónir krónur. Hetta svarar til ein vøkstur í umsetningi uppá heili 28 prosent eftir einum ári. Bert eina ferð áður hevur Mest havt so høgan umsetning, tað var í 2008, tá umsetningur felagsins var 297 milljónir krónur. Lægstur var um­setningurin í 2009, tá var hann 132 milljónir krónur. Krúnborg yvirtikið Felagið Krúnborg, sum einkjan eftir Eiler Jacobsen, Beinta, eigur saman við teimum trimum synunum Petur, Eiler og Sámal, keyptu skipa­smiðju­ samtakið í juli 2014. Longu nú gevur Mest so mikið gott úrslit, at felagið hevur útgoldið tilsamans 32 milljónir krónur í vinn­ ings­býti til keypararnar. Talan er um vinningsbýti uppá 20 milljónir krónur fyri roknskaparárið 2014 og nú 12 milljónir krónur fyri roknskaparárið 2015. Keyptu fyri 62 milljónir Krúnborg samtakið keypti Mest í juli 2014 fyri 62 milljónir krónur. Longu nú kann staðfestast, at gongdin hiðartil hevur verið nøktandi, tí Mest hevur goldið eigarunum 32 milljónir krónur í vinningsbýti. Við hesum er helmingurin av íløguni longu vunnin innaftur, og Mest hevur havt 40 milljónir krónur í av­lopi eftir skatt hesi bæði seinastu árini 2014 og 2015. Sterkur grundrakstur Mest hevur ein sterkan grundrakstur. EBITDA var 29 milljónir krónur bæði í 2014 og 2015. Tá er inntøkan frá offshore virkseminum í PAM Offshore ikki tikið við. EBITDA margin í 2014 var 16 prosent. Í 2015 fall EBITDA margin til 13 prosent. Felagið hevur høgan lønar­kostn­ að, sum er úttrykk fyri at talan er um spesialiserað arbeiði. Rentuberandi skuldin hjá Mest og PAM Offshore er 64 milljónir krónur, sum svarar til tvær ferðir EBIDTA. Talan er soleiðis um avmarkaða skuld í mun til inn­ tjening felagsins. Soliditeturin í samtakinum er 32 prosent. post@sosialurin.fo EFTIR FLEIRI ÁR VIÐ VAKSANDI STARVSFÓLKATALI, SO MISTU 40 FÓLK ARBEIÐI HJÁ MEST Í 2015. ARBEIÐI Í OFFSHOREVINNUNI ER MINKAÐ NÓGV, OG TAÐ KOSTAÐI NÓGV ARBEIÐSPLÁSS. ÁRSÚRSLITIÐ GJØRDIST EISINI LAKARI Í 2015 ENN Í 2014 Greining 40 fólk mistu arbeiði hjá Mest Mest var selt fyri 62 milljónir. Síðan juli 2014 hevur Mest goldið sínum eigarum 32 milljónir í vinningsbýti Mourits Mohr hevur verið stjóri í Mest síðani august 2010. Síðan 2011 hevur Mest havt avlop í roknskapinum á hvørjum ári. Seinastu trý árini hevur Mest havt tilsamans 55 milljónir krónur í avlopi eftir skatt Mynd: Álvur Haraldsen PAM Offshore P/f 2015 2014 Broyting Bruttovinningur 80.099 108.345 -26% Starvsfólkakostnaður 77.126 96.706 -20% EBITDA 2.973 11.639 -74% Avskrivingar - - Fíggjarpostar netto -822 -1.878 -56% Úrslit áðrenn skatt 2.151 9.761 -78% Skattur 388 1.759 -78% Ársúrslit 1.763 8.002 -78% Støðisogn 1 1 0% Ogn í umferð 13.839 31.293 -56% Ogn tilsamans 13.840 31.294 -56% Eginpeningur 4.288 2.525 70% Skuld 9.552 28.769 -67% Skyldur tilsamans 13.840 31.294 -56% Rentuberandi skuld - - Tøkur peningur 4.608 4.967 -7% Starvsfólk 132 171 -23% Mest P/f 2015 2014 Broyting Bruttovinningur 91.846 88.297 4% Starvsfólkakostnaður 62.457 59.662 5% EBITDA 29.389 28.635 3% Avskrivingar 6.808 7.020 -3% Fíggjarpostar netto -1.217 3.539 -134% Úrslit áðrenn skatt 21.364 25.154 -15% Skattur 3.535 3.097 14% Ársúrslit 17.829 22.057 -19% Støðisogn 111.202 110.269 1% Ogn í umferð 99.149 75.081 32% Ogn tilsamans 210.351 185.350 13% Eginpeningur 67.936 62.107 9% Skuld 142.415 123.243 16% Skyldur tilsamans 210.351 185.350 13% Rentuberandi skuld 63.924 70.178 -9% Tøkur peningur 1.707 2.246 -24% Starvsfólk 179 182 -2%