mánadagur 11. apríl 2016síða 42

VINNUBLAÐIÐ HJÁ MIÐLAHÚSINUM 18 Apríl 2016 3 Eyðfinn Reyðberg Sølan hjá samtakinum Vónin hevur verið í støðugari framgongd seinastu mongu árini. Á hvørjum ári síðani 2008 hevur tað eydnast at selja meir enn árið frammanundan. Sølan var 160 milljónir krónur í 2008. Í 2009 kom sølan upp á 288 milljónir krónur. Størsta orsøkin til stóra lopið frá 2008 til 2009 var at Vónin yvirtók ein stóran norskan kapp­ingar­neyta, sum samstundis gjørd­ist ein av eigarunum í Vónini. Síðan 2009 er umsetn­ ingurin hækkaður á hvørjum ári har hann í 2014 var komin uppá 378 milljónir krónur. Umsetningurin er sostatt hækk­aður við 90 milljónum krónum eftir fimm árum. Hetta svarar til ein saml­aðan umsetningsvøkstur uppá 31 pro­sent. Í 2015 var umsetningurin sambært børsfráboðan frá Hampiðjan 442 milljónir krónur. Hetta svarar til ein umsetningsvøkstur í 2015 uppá 17 prosent í mun til 2014. Starvsfólktatalið støðugt Hóast umsetningurin er hækkaður ár um ár, so er starvsfólkatalið ikki hækkað tilsvarandi. Talið av starvsfólki í samtakinum hevur støðugt ligið um 200 fólk, har tað í 2011 vóru 190 fólk og í 2014 vóru 220 fólk. Sølan fyri hvørt starvsfólk var í 2008 788.000 krónur. Í 2014 var sølan fyri hvørt starvsfólk komin uppá 1.718.000 krónur um árið. Hetta merkir at sølan fyri hvørt starvsfólk er meir enn tvífaldað, og at Vónin er vorðin munandi betri til at tjena pengar til sínar eigarar, sam­ stundis sum kappingarførið er bøtt munandi. Inntjeningin betri At støðugt fokus hevur verið á inn­ tjening hjá felagnum er eyðsæð. Frá at hava eina grundinntjening uppá 14 milljónir krónur í 2008, er grundinntjeningin komin uppá 52 milljónir krónur í 2015. Talan er um inntjening áðrenn avskrivingar, fíggjar­postar og skatt, ella EBITDA. Verður hugt nærri eftir EBITDA inn­tjeningini sæst tíðuliga, at hesi koma í periodum. Frá einum EBITDA uppá 14 milljónir krónur í 2008, hækkaði inn­tjeningin uppá 30 milljónir krónur í 2009 og helt sær á hesum støð­ inum í trý ár, fyri síðan at hækka upp á 44 milljónir krónur í 2012. Hendan inn­tjening helt sær bæði í 2013 og 2014. Í fjør eydnaðist tað Vónini at lyfta inntjeningina enn longur upp, tá hon á fyrsta sinni fór uppum 50 milljónir krónur. Leiðslan væntar eisini at hend­an inntjening kemur at halda sær í ár, og enntá kemur at hækka. Verður hugt eftir avlopinum áðr­ enn skatt, so er talan um úrslit sein­ astu árini, ið hava ligið ímillum 10 og 20 milljónir krónur. Vert er at geva gætur, at upp­skriv­ingar vóru gjørdar í 2006-2008, sum geva hægri niður­ skrivingar, og hetta er eisini við til at minka um enda­liga ársúrslitið. Meðalhøga skuld Rentuberandi skuldin hjá sam­tak­ inum Vónin hevur seinastu árini síð­ an 2008 ligið millum 150 og 200 milljónir krónur, og er skuldin sum so ikki niðurgoldin nakað serligt. Við einum EBITDA uppá góð­ ar 50 milljónir krónur, so er rentu­ ber­andi skuldin tríggjar ferðir EBITDA, sum verður at rokna sum meðalhøg skuld. Verður hugt eftir keyp­ara­ num av Vónini, Hampiðjan í Íslandi síggja vit, at skuldin hjá Hampiðjan uppá seg er lægri, og eginognin er hægri enn hjá P/f Von. Tá talan er um eina børs­ skrá­setta fyritøku sum Hampiðjan, við høgari egin­kapitals­fígging, gevur hetta møgu­leikar at keypa. Ein møguleiki Vónin eisini kundi havt, var fyritøkan børs­skrásett. post@sosialurin.fo ØLL LYKLATØL BENDA Á EITT VIRKI Í STØÐUGARI MENNING. HETTA ER NIÐURSTØÐAN TÁ ROKNSKAPAR- OG LYKLATØL HJÁ P/F VÓNIN Í FUGLAFIRÐI VERÐA GREINAÐ. TAÐ ER IKKI UTTAN ORSØK AT VÓNIN TVINNANDA FERÐIR ER KOSIÐ SUM ÁRSINS VIRKI Í FØROYUM Vónin Altjóða virki í støðugari framgongd Frá privatogn til íløgufelag FYRI 10 ÁRUM SÍÐANI VÓRU TAÐ FLEIRI PRIVATIR EIGARAR AV P/F VÓNIN. HESIR VÓRU KEYPTIR ÚT OG FELAGIÐ GJØRDIST PARTUR AV EINUM ÍLØGUFELAG Um hugt verður eftir eigaraskaranum av felagnum Vónin sæst, at stórar broyt­ingar eru hendar hesi árini síð­ an felagið var stovnað í 1969. Upprunaliga vóru tað í høvuðs­ heit­um eigarar, sum arbeiddu hjá felag­num og bygdu felagið upp. Seinni eru hesi partabrøv seld og størri íløgufeløg tóku yvir. Sambært roknskapinum í 2006 vóru átta eigarar, sum áttu meir enn 5 prosent av partabrøvunum í P/f Vónin. Talan var um Olaf Olsen av Glyvrum, sum framvegis situr í nevnd felagsins, Otto C. Dam á Argjum, Janus av Reyni, Tórshavn, Sámal G. Jakobsen, Fuglafjørður, Philip K. Muinde úr Aberdeen, Sp/f R.M. hjá Rúna M. Hansen, P/f Palli hjá Mariannu hjá Kristian Martin Rasmussen og synir í Klaksvík og íløgu­felagið P/f Tjaldur í Tórshavn. Bert tveir stórir eigarar Eftir umleggingina í 2008 var talið á eigarum komið niður á tríggjar eig­ arar, sum áttu meir enn fimm pro­ sent í felagnum. Talan var um P/f Tjaldur, P/f TF Holding og Frøystad Fiskevegn í Noregi. Í 2010 keypti Norðoya Íløgu­ felag, sum er íløgufelag hjá Føroya­ grunn­inum frá 1971, ognarlutin hjá TF Holding, og í 2011 keypti norska felagið Havila ognarlutin hjá Frøystad Fiskevegn. Fyri stuttum keypti íløgufelagið Tjaldur ognarlutin hjá Havila. Talan var sostatt um at P/f Vónin á fyrsta sinni í nógv ár var á føroyskum hondum, har tvey før­ oysk íløgufeløg áttu 95 prosent av parta­brøvunum. Nú hevur íløgufelagið Tjaldur selt øll síni partabrøv til Hampiðjan, og Hampiðjan sigur, at tey hava bjóðað Norðoya Íløgufelag at keypa teirra partabrøv. Norðoya Íløgufelag eigur 21 prosent. Velur Norðoya Íløgufelag at selja, kann væntast, at P/f Vónin sum sjálv­støðugt felag fer endaliga í søguna. post@sosialurin.fo Selur Norðoya Íløgufelag so fer Vónin í søguna Kundi eisini keypt Hampiðjan, var Vónin børsskrásett Sølan hjá samtakinum Vónin hevur verið í støðugari fram­- gongd seinastu mongu árini Savnsmynd: Álvur Haraldsen