mánadagur 18. apríl 2016síða 42

VIKA 16 • 18. APRÍL 2016 18 ÓKEYPIS LÝSINGARBLAÐ TEMA Suðuroy Vilmund Jacobsen T á Vikublaðið vitjaði í Suðuroy í síðstu viku, hittu vit borgar­stjór- an, Delmar Tausen, í skúlanum í Hovi, har Hovs kommuna hevur sína skriv­stovu. Hóast skúlin ongar næmingar hevur havt í eini sjey ár ella so, er skúla­bygningurin tó eitt gott aktiv hjá bygd­ini og teimum, sum vilja leiga seg inn her. Skúlin hevur eisini ein stóran og góðan skúlagarð, har øll, sum koma til bygdina, eru vælkomin at stytta sær stundir. Her er eisini ymiskt til børnini, eitt nú reiggjur, klatriveggur, onkrar vippur og annað. Meðan vit eru við børnini, kann eisini nevnast, at skamt oman fyri skúla­garðin í Hovi standa nøkur smá- bygd hús ella lítlar smáttur, sum børn­ini elska at spæla í. – Sjálvandi er tað keðiligt, at skúlin í Hovi ikki verður brúktur sum skúli. Vit hava einar sjey fólkaskúlanæmingar í bygdini, og hesi ganga í stóran mun í skúla, har foreldrini – ella annað av foreldrunum – arbeiða. Tað er sjálv­ andi spell, at børnini eru spjadd ymsa- staðni, tí tað ger, at tey koma ikki at fylgjast og kennast á sama hátt, sum um tey øll gingu í sama skúla. Delmar Tausen sigur, at skúlin í Hovi er í góðum standi og er tøkur sum skúli, men tá skúlin fyrst er vorð­in tómur fyri næmingar, verður iva­leyst trupult at byrja aftur. – Tað er soleiðis, at heilt frá tí, at børnini eru heilt smá, fara tey av bygdini, og her hava vit samstarv við aðrar kommunur í oynni um barna­ ansing – og aftur her í stóran mun eftir, hvar foreldrini arbeiða. Byggja nýggjan køk Í Hovs skúla, sum er bygdur í 1983, eru tvær vanligar skúlastovur, og her er serstova og smíðstova umframt ein lítil fimleikarhøll. – Í skúlanum er eingin veruligur køk­ur. Her eru tveir gamlir komfýrar og tvey vask. So, nú ætla vit at byggja skúlan út við nýggjum og góðum ídnaðarkøki. Skúlin verður bygdur út vestur úr fimleikarhøllini, har líka sum eitt tómt »rúm« er vestanfyri. Tað hevur drigið eitt sindur út við at gera hetta arbeiði, men nú hava vit so samtykt at byggja rúm til nýggjan køk, og ætlanin er at gera hetta arbeiði í summar. Delmar Tausen sigur, at skúlin er vælegnaður til veitslur, og í fimleikar­ høll­ini kunnu eini 120 fólk sita til borðs. Veggurin millum báðar skúla­ stovurnar kann eisini dragast sundur. – Her hava verið hildnir nógvir føð­ ingardagar, ervi og veitslur av ymisk­ um slag, og kommunan hevur altíð ver­ið lagalig, tá ræður um at lána skúla út til tiltøk í Hovi. Grundstykki eru tøk Eins og hjá fleiri øðrum kommunum í Suðuroy, hevur eisini afturgongd verið í fólkatalinum í Hovi. – Onkur einstøk sethús eru bygd seinnu árini, og onkur fyrispurningur er um grundstykki. Fólk eru hjartaliga vælkomin at byggja her. Vit hava fimm grundstykki tøk, sum altíð kunnu selj­ ast, harav tvey eru planerað og klár at byggja á. Hesi grundstykki liggja Við Grind, sum vit rópa tað. Delmar Tausen vísir á, at grund­ stykkini, sum Hovs kommuna eigur, verða seld bíliga, og tað er tískil ikki prísurin á byggilendinum, sum heldur nøkrum aftur í at byggja. – Øll grundstykkini liggja væl fyri og tey, sum ikki eru útgrivin og planer­ að, er lætt atkomilig og løtt at grava út og planera, sigur borgarstjórin. Haldast við líka Sum bygd er Hov í góðum standi, og kommunan er eisini komin undir land við kloakviðurskiftunum. Hetta er eitt arbeiði, sum er gjørt yvir nøk-ur ár, og kommunan hevur boðað myndug­ leikunum frá, at spilli­vatns­ætlanin nú er framd í verki. – Við árunum hevur kloakkarbeiðið kostað kommununi nakrar miljónir, men nú er hetta arbeiðið gjørt. Delmar Tausen sigur, at kommunan ikki hevur tær villu ætlaninar í hesum fíggjarárinum. – Okkara lutur er í fyrsta lagi at halda bygdina og ognirnar hjá komm­ ununi við líka. Vit eru í holt við at skifta gøtupelarnar, og hetta arbeiðið byrjaði fyri nøkrum árum síðan. Teir gomlu træpelarnir, sum hava stað­ið uppi síðan seinna helming av fimmti­ árunum, verða so við og við skiftir út við stálpelar og nýggjar lyktir. Borgarstjórin sigur, at íbúgvarnir í Hovs kommunu hava gott drekkivatn, og her hevur kommunan gjøgnum árini gjørt stórar íløgur í vatnveitingina. Eingin kommunuskuld Skattainntøkurnar hjá Hovs kommunu higartil í ár liggja á júst sama støði sum í fjør, kanska eitt lítið vet hægri, tó at talið av íbúgvum er minkað sein­ asta árið. – Ein álíkning hjá okkum liggur um 3,2 miljónir kónur. Fíggjarliga gongur væl í mun til støddina á kommununi, sum eigur meira á bók, enn hon skyld­ ar, sigur Delmar Tausen. – Sjálvandi er tað keðiligt, at skúlin ikki verður brúktur sum skúli. Næmingarnir ganga í stóran mun í skúla, har foreldrini – ella annað av foreldrunum – arbeiða. At børnini eru spjadd ymsastaðni, ger, at tey koma ikki at fylgjast og kennast á sama hátt, sum um tey øll gingu í sama skúla, sigur Delmar Tausen, borgarstjóri í Hovs kommunu Hov skal haldast við líka Skattainntøkurnar hjá Hovs kommunu higartil í ár liggja eitt lítið vet hægri enn í fjør, tó at talið av íbúgvum er minkað seinasta árið Mynd: Birgir W. Høgnesen - Nú alt tað kravda er gjørt, leggja vit okkum í fyrsta lagi eftir at halda bygdina viðlíka, sigur Delmar Tausen, borgarstjóri í Hovs kommunu Mynd: Vilmund Jacobsen