mánadagur 18. apríl 2016síða 46

VIKA 16 • 18. APRÍL 2016 22 ÓKEYPIS LÝSINGARBLAÐ TEMA Suðuroy Vilmund Jacobsen H óast kommunan er lítil í fólka­ tali við sínum 306 íbúgvum, er hon kortini ikki hin fámentasta í Suðuroynni. Sambært fólkatalslista hjá Hag­ stovu Føroya búðu 306 fólk í Porkeris kommunu hin 1. februar í ár, og tað eru fýra fólk fleiri enn somu tíð í fjør. Munurin svarar til ein vøkstur á 1,3 prosent, ið er meira enn aðrar kommunur í Suðuroy kunnu vísa á í sama tíðarskeiði. Hetta er annað skeiðið á rað, at Mikkjal Sørensen er borgarstjóri í Porkeris kommunu. Umvæla skúlan Størstu íløgurnar hjá Porkeris komm­unu í hesum fíggjarári fara til umvæling av skúlanum og til bingju­ plássið niðri á bryggjuni. – Í fjør fóru vit í holt við at umvæla skúlan, og hildið hevur verið fram við hesum arbeiði í ár. Í fjør brúktu við um­leið 1,4 miljónir krónur, og í ár koma vit at brúka umleið 400.000 krónur. Tilsamans verður hetta ein íløga, sum fer at tátta í tvær miljónir. Mikkjal Sørensen vísir á, at takið í forhøllini í skúlanum, sum fyri ein stóran part er ein glaskonstruktión, hevur likið, og nú er hetta skift. – Flagið er eisini tikið av skúla­ tekjuni annars, og her eru nýggjar plátur og flag lagt á aftur. Tað vísti seg, at plátur undir flagnum vóru turr­ modnaðar. Umvælingarnar av skúlanum í Por­ keri eru nú við at verða undir landi. Porkeris kommuna hevur eisini gjørt av, at skúlin skal málast í summ­ ar. Tað eru nøkur ár síðan, at skúlin varð málaður seinast, og nú verð­ur hann so málaður aftur. Mikkjal Søren­ sen sigur, at í barna­skúlanum í Porkeri ganga 25 næm­ingar, og tá farið verður í skúla aftur eftir summarfrítíðina, verða børnini 28 í tali. – Trý børn byrja í skúlanum til heyst­ar, og í ár fer eingin næmingur úr 7. flokki og víðari til Vágs í fram­ halds­skúla, sigur borgarstjórin sum heldur, at fólk í kommununi eru fegin um skúlan í bygdini. Nýtt bingjupláss Í Porkeri er opið bingjupláss niðri á bryggjuni, og í ár hevur kommunan sett sær fyri at loysa hetta mál á ein hóskandi hátt. Borgarstjórin ásannar, at bingju- pláss­ið er einki at reypa sær av. Hetta er eitt mál, sum ongantíð er loyst, men nú skal hetta so gerast. – Vit hava sett eina hálva miljón krónur av til hetta arbeiði, og eg vóni, at arbeiðið kann verða klárt at bjóða út um ein mánaða ella so. Her skal planerast, stoypast og hegnast, eins og økið skal hava vatn og kloakk. Eg vóni, at vit á nýggja bingjuplássinum eisini í størri mun fara at skilja ruskið meira, sigur hann. Mikkjal Sørensen vísir á, at komm­ unan var so heppin í fjør at fáa umleið 800.000 krónur meira inn í skatti enn mett í fíggjarætlanini fyri 2015. – Higartil í ár eru vit eisini framm­ an­fyri árið í fjør, tá ræður um per- sóns­skattainntøkur. Fyrstu tríggjar mán­aðirnar í ár vóru vit umleið 127.000 krónur frammanfyri. Roknað yvir árið, kann talan gerast um eina hálva miljón krónur, men enn er alt ov tíðliga at siga nakað um tað. Borgarstjórin sigur, at kommunan í ár í fyrsta lagi hevur valt at raðfesta liðugtgerðina av skúlanum og at gera nýtt bingjupláss. Grundøki eru tøk Hóast kommunan eigur fleiri grund­ stykki, sum eru klár at byggja á, eru eini 2-3 ár síðan, at seinastu sethúsini vórðu bygd í Porkeri. – Vit hava fleiri grundstykki tøk Á Hólinum og Á Fløttinum. Onkrir fyrispurningar eru, men í løtuni eru eingi nýggj sethús í gerð. Mikkjal Sørensen vísir á, at grund­ stykkini, sum kommunan eigur, liggja væl fyri og verða seld lutfalsliga bí­ liga. – Grundstykkini eru matrikulleraði sundur, og her er klárt at keypa og fara í holt við grevstur, planering og bygging. Skattaprosentið í Porkeris komm­ unu er 21, og barnadrádrátturin er 6.500 krónur. – Vit samstarva við hinar komm­ un­urnar um eldraøkið, og vit hava eina vælvirkandi dagrøkt til børnini í kommununi, sigur borgarstjórin. Í Porkeri er eitt sera snotuligt bygdarhús – húsið Við Á – sum er sett í besta stand og er karmur um nógv ymisk tiltøk í bygdini. Í húsinum, sum er í tveimum hæddum, er góður og nútímans ídnaðarkøkur, og her er wc og brúsa, ið eisini er atkomilig í rullustóli. – Her hevur nógv ymiskt verið á skránni, sum bygdarfólkið hevur skip­ að fyri, og húsið verður eisini leigað út til bólkar og til ymiskt fundarvirksemi. Eg haldi, at bygdarfólkið rættiliga hevur tikið húsið til sín, sigur Mikkjal Sørensen, borgarstjóri í Porkeris kommunu. – Skúlin er umvældur fyri slakar tvær miljónir krónur, og nú fara vit at byggja nýtt bingjupláss, sum fer at kosta umleið eina hálva miljón, sigur Mikkjal Sørensen, borgarstjóri í Porkeris kommunu Porkeri raðfestir skúla og bingjupláss Porkeri eigur eitt sera snotuligt og vælvirkandi bygdarhús, sum verður brúkt bæði av bygdarfólki og øðrum Hetta er annað skeiðið á rað, at Mikkjal Sørensen er borgarstjóri í Porkeris kommunu sum telur stívliga 300 íbúgvar Seinastu tvey árini hevur Porkeris kommuna umvælt skúlan í bygdini, og í summar verður skúlin málaður