mánadagur 18. apríl 2016síða 58

VIKA 16 • 18. APRÍL 2016 34 MIÐLAHÚSIÐ ÓKEYPIS LÝSINGARBLAÐ Endurnýtsla er ein partur av mær Anita Hermansen og Søren Olsen Í Føroyum finnast ongi almenn hag­ tøl yvir, hvussu nógv føroyingar keypa og selja í endurnýtslu um árið. Tó siga tøl frá Reyða Krossi og Bláa Krossi, at hesir báðir felagsskapirnir taka ímóti umleið 140 tonsum av brúkt-um klæðum um árið. 20 prosent av hesum verða seld aftur, og restin verður send av landinum. Harafturat koma aðrir felagsskapir, sum savna sam­an klæðir, møblar og brúkslutir, um­framt at nógvar møguleikar at keypa og selja á alnetinum. Elin Lindenskov úr Havn hevur drúgv­ar royndir í at arbeiða við end- ur­nýtslu. Alt sítt lív hevur hon á ein ella annan hátt endurnýtt, bæði tá tað kemur til klæðir, men eisini brúks­lutir og annað. Elin undirvísir á Háskúl-an- um í Havn, og har brúkar hon eisini endur­nýtslu í undirvísingini. – Hetta við endurnýtslu er lagt í meg frá barnsbeini. Eg eri uppvaksin við, at alt skuldi endurnýtast. Bæði frá ommu og mammu míni, tí tað var ein onnur tíð tá, har tað ikki bar til at fáa fatur á tilfari á sama hátt sum í dag, sigur Elin Lindenskov. Endurnýtsluhugburðurin er so­ statt vorðin ein lívsstílur hjá Elini Lind­en­skov, sum heldur velur at fara í goymslurnar ella í náttúruna at leita eftir tilfari, sum hon skal brúka. Hóast Elin undirvísir í endurnýtslu, hevur egið virkið og selur í Østrøm, lønar tað seg ikki fíggjarliga. Men tað vón­ar hon, at tað fer at gera í fram- tíðini – Dreymurin er at liva av tí, sigur Elin Lindenskov, Besta broytingingin fyri framtíðina, tá hugsað veðrur um endurnýtslu, heldur Elin Lindenskov, er, at ídnað­ ur­in eisini fer at hugsa meira í endur- nýtslu. – Vit mugu hugsa um at seta krøv til veitarar innanfyri ídnaðin eitt nú til súrevnisútlát hjá maskinum, last­ bilum, gravkúm o.ø. Hetta krevur, at land og kommunur ganga á odda fyri at fáa fólkið við. Vit noyðast øll at geva okkara íkast fyri, at tað skal verða pláss til eftirkomararnar, sigur Elin Lindenskov at enda. Keypir tú endur­ nýtslu? Rigmor Dam, Tórshavn Eg keypi mest frá Tinghúsinum, tá tað kemur til endurnýtslu. Møblar og brúkslutir. Tað geri eg, tí tað er eitt gott mið. Eg keypi ikki har so nógv longur, men fyrr, tá tíðin var til tað, dámdi mær væl at keypa og seta í stand sjálv. Eg lati eisini sjálv ymiskt til endurnýtslu. Eyðgunn Samuelsen, Klaksvík Eg keypi mest frá Dals.fo og Rótikassanum á Facebook. Tað seinasta, eg keypti, var eitt skáp, men eg keypi eisini klæðir. Tað er ójavnt, hvussu nógv eg keypi. Onkuntíð er tað nógv, og so kann tað eisini vera langt ímillum. Eg lati inn til Reyða Kross og Dals. Mogens Lützen, Tórshavn Eg keypi smálutir, møblar og súkklur frá Reyða Krossi og Bláa Krossi. Eg keypti nógv meira fyrr, tá børnini vóru minni. Nú vilja tey bara hava merkivørur, so tað er ikki so nógv longur. Tað er praktiskt fyri meg og gevur mær gleði í sálina at kunna endurnýta. Rasmus Nolsøe, Tórshavn Eg keypi eitt sindur, og tað er mest á netinum. Tað seinasta, eg keypti, var ein Playstation til sonin, sum er so lítil, at honum nýtist ikki at hava tað nýggjasta. Eg selji eisini sjálvur tað víðari, sum eg ikki brúki meira. FÓLK Á GØTUNI Elin Lindenskov (myndin) hevur arbeitt við endurnýtslu alt sítt lív. Hennara vón er, at alt samfelagið, tað vil siga bæði land, kommunur og borgarar gerast meira tilvitað um endurnýtslu YVIRLIT YVIR NAKRAR ENDURNÝTSLUHANDLAR Blákrossbúðin, Kongagøta 10, 100 Tórshavn. Blákrossbúðin, Heiðavegur 32, 600 Saltangará Blákrossbúðin, Jatnavegur 39, 370 Miðvágur Endurnýtslan á Glyvrum, Bakkavegur 3, 625 Glyvrar Endurnýtslan í Miðvági, Jatnavegur 28, 370 Miðvágur Reyði Krossur, Bryggjubakki 10, 100 Tórshavn Reyði Krossur, Stiðjagøta 6, 100 Tórshavn Reyði Krossur, Vágsvegur, 900 Vágur Itkys, Niels Winthersgøta 9, 100 Tórshavn Dals.fo, Klaksvíksvegur 63, 700 Klaksvík Dugni á Kambsdali, 535 Fuglafjørður Tinghúsið, á Hjalla 5, 188 Hoyvík Gamalt/nýtt, Klaksvíksvegur 68, 700 Klaksvík Torgerð Suðuroy, Niels Finsensgøta, 100 Tórshavn