mánadagur 25. apríl 2016síða 22

Mánadagur 25. apríl 2016 · Nr. 47 22 Sosialurin Hugskot og viðmerkingar – send sms til 225000 FÓTBÓLTUR Jóannes Hansen Tað gekk soleiðis, sum tað kundi roknast við, tá ið fyrsta umfar í kappingini um løgmanssteypið var á skránni í fyrradagin og í gjár. Kanska var tað eitt sindur óvæntað, at tað leygardagin eydnaðist Giza/Hoyvík í næst­bestu deildini á niðara vølli í Gundadali at vinna 2-0 á B68, sum er botnlið í bestu deild­ini. Bæði málini vórðu skor­að eftir deyðbóltar. Bogi Hermansen setti hol á við beinleiðis frísparki, og Leivur Holm Joensen økti um mun­ in, tá ið hann stútaði bóltin í málið eftir horna frá Boga Hermansen. Í fjør var Giza/Hoyvík framm­an­fyri 1-0 ímóti HB fyrsta tíman. Tá vann HB 4-1, men nú gekk betri ímóti B68. Frankie Jensen er venjari hjá Giza/Hoyvík: – Spælararnir vóru í fjør spentir at spæla ímóti HB, og nú vóru teir sera spentir av bjóða B68 av. Vit kvíddu fyri, at orkan skuldi ganga undan, men vit vóru klókir og runnu lítið, meðan teir tuskaðu nógv. Vit fingu úrtøku úr møgu­leikunum, sum vit spældu okkum til, og tá ið vit øktu um leiðsluna, kendu vit tað soleiðis, at vit høvdu tak á støðuni. Nú hava vit einki ímóti aftur at spæla ímóti HB. Vit eru betri fyri nú, enn vit vóru fyri einum ári síð­ani, so tað hevði verið av­bjóð­ing at sæð, um vit nú eru førir fyri at standa ímóti teim­um í meiri enn ein tíma, sigur Frankie Jensen. Stóri dramatikkurin NSÍ var gestur hjá TB í gjár, og longu mikudagin verður TB aftur vertur og NSÍ gestur við Stórá í Trongisvági. Í gjár var tað í steypa­ kapp­ingini, og mikudagin verð­ur tað í landskappingini. Tað er greitt, at tað verður ikki Símun Rógvi Hansen, sum miku­dagin fer at verja NSÍ mál­ið. Hann varð rikin av vøll­inum í gjár, tá ið bara nøkur sekund restaðu av min­utt­unum, sum dómarin hevði lagt aftrat, og tískil verður hann leikbannaður í ovur­morgin. Lars Müller bríksl­aði fyri brotssparki og togaði reyða kortið úr reyva­lumm­anum, tá ið NSÍ mál­verjin tók beinini undan Albert Adu, sum var um at hava opið mál og tískil risa møgu­leika at javna til 2-2. So vóru góð ráð dýr hjá NSÍ, tí teir gulu og svørtu høvdu skift tríggjar ferðir út. Tað endaði við, at Klæmint A. Olsen smoygdi bláu mál­ mans­troyggjuna niður um høvdið: – Eg havi onkuntíð vart málið til stuttleika, men eg eri ikki málverji. Tað var neyð­ugt, at onkur av úti­ spæl­arunum fór í málið at standa, og tað tók eg so á meg, staðfesti Klæmint A. Olsen, tá ið dramatikkurin var lið­ugur, og NSÍ við 2-1 sigri hevði tryggjað sær pláss í fjórð­ings­finaluni. Albert Adu tók avbjóð­ inga at avgreiða brotssparkið á seg. Hann sendi bóltin til vinstru fyri seg sjálvan, men Klæmint A. Olsen lúrdi hann av, tveitti seg bar­lang­an til høgru fyri seg sjálv­an og megnaði í fínum mál­verju­ stíli at stýra bóltin út um stólpan, og so bríkslaði dóm­ arin dystin av! Tað var ikki ætlanin, at besti málskjúttin í Føroyum í ár og trý tey undanfarnu ár­ ini skuldi fáa so stóran leik­ lut ígjár. NSÍ venjarin, Anders Gerber, hevði tríggjar av eyð­sýndastu útispælarunum higar­til í ár á beinkinum frá byrj­an í gjár. Petur Knudsen varð settur inn beinanvegin eftir steðgin, tá ið støðan var 1-0 til TB (Eirikur Ellendersen skor­aði einsamalla málið und­an steðginum). Árni Frederiks­berg varð settur á vøllin miðskeiðis í seinna hálv­leiki, tá ið støðan var 1-1 – mið­verjin Per Langgaard javn­aði eftir horna – og eitt korter undan leikloki, tá ið støðan framvegis var 1-1, varð Klæmint A. Olsen skiftur inn. Petur Knudsen, Árni Frederiksberg og Klæmint A. Olsen eru allir ætlaðir lykla­ leiklut, tá ið NSÍ mikudagin fer aftur um Suðuroyarfjørð. Tá verður leikluturin hjá Klæminti øðrvísi, enn hann var síðstu sera dramatisku løtuna ígjár. Avgreiðslusigrar HB vann 9-1 á B71 í Gunda­ Størsti dramatikkurin í steypaumfarinum var í Trongisvági, tá besti málskjúttin nógvu tey seinastu árini læt seg í málmanshandskarnar og í yvirtíðini bjargaði TB brotssparki LØGMANSSTEYPIÐ TOPPSKJÚTTIN BJARGAÐI BROTSSPARKI