týsdagur 26. apríl 2016síða 4

Mikudagur 27. apríl 2016 · Nr. 48 4 Sosialurin Hugskot og viðmerkingar – send sms til 225000 SPÝTA 50 MILLIÓNIR AFTURAT Í TÓRSVØLL TÓRSVØLLUR Áki Bertholdsen Tað er alt sum bendir á, at hesi næstu árini skal Tórs­ havnar Kommuna brúka einar 50 milliónir afturat upp á Tórsvøll. Tórshavnar býráð hevur nevniliga samtykt at játta Tórs­vølli fimm milliónir krónur. Men samstundis varð gjørt greitt, at hetta er bara fyri at vísa ein góðan vilja, og nógv meiri peningur skal játtast hesi næstu árini. Higartil eru suðursíðan og eystursíðan gjørd liðug, og eftir tí, vit hava fingið upp­lýst, kostaði tað tilsam- ans einar 90 milliónir krónur, harav Tórshavnar Kommuna hevur goldið helvtina. Síðani hevur kommunan eisini brúkt 60 milliónir upp á at gera norðaru síðuna, har eisini fimleikarhøllin, FIMI er. Men nú er ætlan at gera vestursíðuna á Tórsvølli, so at hann verður heilt liðugur. Tað er eitt arbeiði, sum táttar í 100 milliónir, og tað, sum nú liggur í kortunum, er, at kommunan skal rinda helvtina, ella útvið 50 milli- ónir. Gongst sum ætlað, hevur Tórshavnar Kommuna so- statt brúkt yvir 150 milliónir krónur tilsamans upp á Tórs- vøll. Skeiv mannagongd Men fyri at fáa vestursíðuna lidnað, hevur Tórshavnar Býráð fyribils játtað fimm milliónir krónur. Tað er bara fyri at vátta fyri Fót­bólts­ sambandinum, at Komm­ unan er sinnað at vera við til at gera vestursíðuna lidna. Men tað eru ikki allir býráðslimir, sum taka und­ ir við, at kommunan í for­ hond játtar Tórsvølli fimm milliónir, og sostatt eisini bindur seg til at rinda 50 milliónir til at gera vestur­ síðuna lidna fyri. Jógvan Arge helt, at bý­ ráðið eigur ikki at binda seg til nakað sum helst við­víkjandi Tórsvølli, fyrr­ enn ein greið avtala er við Fótbóltssambandið, FSF, um, hvussu tær 100 milli­ ón­irnar, tað kostar at vera vestursíðuna lidna, skulu být­ast ímillum FSF og Komm­ununa. – FSF veit, at kommunan er áhugað at vera við, men spurningurin er, um út­ reiðslurnar skulu býtast øðr­ vísi, sigur Jógvan Arge. Tí er hann ikki sinnaður at játta FSF meiri pengar til Tórsvøll, fyrrenn ábyrgd­ar­ býtið er greitt. FSF skal orna tað sjálv Jógvan Arge vísir á, at suð­ ursíðan og eystursíðan vórðu gjørd í eini samanhangandi verkætlan, har kommunan og FSF rindaðu hvør sína helvt. Og nú heldur hann somu­ leiðs, at eisini vestursíðan og norðursíðan skulu gerast í eini samanhangandi verk­ ætlan. Men í hesum sambandi skal tað takast við í rokni- stykkið, at kommunan longu hevur brúkt 60 milliónir upp á norðursíðuna. Og skal býtið framvegis vera helvt um helvt, heldur Jógv­an Arge, at nú skal FSF at kalla einsamalt fíggja vestur­ síðuna. – Kommunan skal gera norðursíðuna lidna og so má FSF orna vestursíðuna, sigur Jógvan Arge. Annfinn Brekkstein, bý­ ráðs­limir er partvís samdur. Hann tekur undir við at játta fimm milliónir til Tórsvøll fyri at vísa, at býráðið er sinn­að at vera við at gera Tórs­vøll lidnan. Men hann ger greitt, at hann bindur seg ikki til at játta eina krónu afturat til Tórsvøll, fyrrenn ein greið avtala er við FSF um, hvussu útreiðslurnar skulu býtast sundur ímillum kommununa og FSF. Annars staðfesti Ann­ finn Brekkstein, at sum bý­ ráðslimur er hann stoltur av at vera við til at gera Tórs­ vøll lidnan. Rinda í 10 ár Sjúrður Olsen, býráðslimur staðfestir, at fótbóltur er størsta sosiala tiltak í land­ in­um, og tí skal kommunan vera við til at gera Tórsvøll lidnan. Heðin Mortensen, borg­ ar­stjóri, sigur, at enda­málið við at játta fimm milli­ónir krón­ur nú, er fyri at vísa, at bý­ráðið er sinnað at vera við at vera við til at gera okkara tjóð­leik­vøll lidnan. Men peningurin skal ikki játtast í einum, tí tað, sum liggur í kortunum, er, at komm­unan skal játta fimm milliónir krónur um árið hesi næstu 10 árini til tað ar­ beiðið, sum er eftir at gera á Tórsvølli. – Men tað er neyðugt hjá FSF at vita um um býráðið er við, tí tað er ein fortreyt fyri at kunna søkja FIFA um stuðul til verkætlanina, sigur borgarstjórin. Tí má FSF fáa eina greiða fráboðan frá kommununi um at hon er sinnað at vera við, og tað ger kommunan við at játta hesar fimm milli­ ónirnar, sigur borgarstjórin. Greið avtala Hinvegin eru býráðslimir sum heild samdir um, at ein greið avtala skal fáast við FSF um, hvussu útreiðsl­ur­ nar skulu býtast ímillum kommununa og FSF. Men Jákup Dam, legði dent á, at hann hevði aldrin játtað fimm milliónir í for­ hond, tí tað setir býráðið í eina sera vánaliga støðu í sam­ráðingunum við FSF um ábyrgdarbýtið. – Ábyrgdarbýtið ímillum partarnar má vera greitt, áðrenn kommunan játtar eina krónu, heldur Jákup Dam. Partakvinna hansara, Marin Katrina mælti heldur til at játta eldraøkinum tær fimm milliónirnar, men tað fekk bara undirtøku frá henni og Jákup Dam. Og tá ið avtornaði, tóku allir býráðslimir, uttan Marin Katrina Frýdal, Jákup Dam og Jógvan Arge, undir við at FSF fær tær fimm milliónirnar til Tórsvøll. Men Jógvan Arge leggur afturat, at hann tekur ikki undir við at játta pening til Tórsvøll, fyrrenn greið avtala er um ábyrgdarbýtið ímillum FSF og kommununa. Onkrir býráðslimir eru ikki fegnir um støðuna, men aðrir eru stoltir 50 MILLIÓNIR Tað liggur í kortunum, at hesi næstu árini skal Tórshavnar Kommuna rinda 50 milliónir afturat til Tórsvøll