týsdagur 26. apríl 2016síða 48

VIKA 17 • 25. APRÍL 2016 8 MIÐLAHÚSIÐ ÓKEYPIS LÝSINGARBLAÐ Á skattaveiðu eftir familjuferð Næstu vikurnar fer Smyril Line at skipa fyri forkunnugum kappingum kring landið, har fleiri familjuferðir verða burturlutaðar. Talan verður um skattaveiðu, har skatturin er ein familjuferð K appingar kunnu skipast á ymsan hátt, og nú fara tey á Smyril Line at skipa fyri nøkrum rættiliga forkunnugum kappingum, har allir føroyingar kunnu luttaka. Talan er um kappingina ”Finn eina ferð”, har tað snýr seg um, at øll tey, sum hava hug at luttaka, kunnu leita eftir einum skatti í einum ávísum øki. Skatturin er so ein familjuferð við Norrønu fyri tvey vaksin og tvey børn við bili aftur og fram. Samstarv við in.fo og Rás 2 Tað verður skipað fyri ikki færri enn seks ymiskum slíkum skattaveiðum. Tær fyrstu eru mánadagin í hesi vik­ uni, tað vil siga sjálvan flaggdagin, og leygardagin verða tvær tær næstu, og leygardagin í næstu viku verða so tær seinastu. Kappingarnar verða skipaðar so­ leið­is, at til dømis flaggdagin, tá ið kapp­ast verður á tveimum støðum – í Klaksvík og í Runavík. Í ein tíma koyrir kappingin á hvørj­ um stað, og hon verður skipað so- leiðis, at Smyril Line í samstarvi við in.fo og Rás 2 fer at geva ábendingar um, hvar skatturin er at finna. So hvørt sum tíðin gongur, verða ábend­ ing­arnar enn greiðar, og at enda verð­ ur tað so onkur, ið finnur skattin. Tann, sum fyrst finnur skattin, vinn­ur so eisini ferðina – eina familju­ ferð fyri tvey vaksin og tvey børn við bili við Norrønu til Danmarkar aftur og fram. Ræður um at fylgja við Hjá teimum, sum hava hug til at vera við í kappingini, ræður um at fylgja við á in.fo, har tað verður lýst við ábendingunum um, hvar kappingin er, og á hvørjari leið, ið man skal leita eftir vinninginum. Somuleiðis verður eisini lýst á Rás 2 við ábendingum, og so er bara at royna seg og vita, um man hevur hepni og finnur skattin fyrst. Hjá Smyril Line eru tey ógvuliga spent at vita, hvussu kappingin fer at ganga. Hetta er eisini eitt gott høvi hjá Smyril Line at koma út kring landið og hitta føroyingin, ið jú er kjarnukundin hjá føroyska reiðarínum. Kappingarnar fara fram í Klaksvík, Runavík, í Vágum, á Sandoynni, í Suð­ ur­oynni og í Havn. Nærri kunning um kappingina sæst á heimasíðuni hjá Smyril Line, www. smyrilline.fo Myndir: smyrilline.com