hósdagur 19. mai 2016síða 40

FRÍGGJADAGUR 20. MAI 2016 40 SOSIALURIN 57 Leivur Thomsen MYND: HEINESEN MYNDIR Yrki: Tónleikari og útvarpsvertur – Bústaður: Tórshavn Hvat ætlaði tú at blíva, tá ið tú bleivst vaksin? Eg havi altíð verið til tónleikin, so tónleikari og komponistur er soleiðis sirka tað, eg kann koma í tankar um. Seinni havi eg so funnið útav, at eg havi ymsar aðrar førleikar, sum eg brúki í starvssamanhangi. Hvat átti hitt kynið at vita um títt kyn? At vit faktiskt eru tað veikara kynið í samfelagnum. At samfelagið er mansdominerað, er nakað, sum kvinnurnar hava funnið uppá at siga. Tað kann jú vera beint øvugt við nærri eftirtanka. Brigsla okkum ikki fyri, at vit leita saman í klubbar og annað, har bert menn hava sína gongd. Vit elska tykkum kvinnur kortini. Annars duga vit menn væl at multitaska – bert við teimum fyri okkum røttu tingunum. Hvat áttu børn at vita um tað, at vera vaksin? Børn skuldu altíð verið mint á, at tá ið tey blíva vaksin, skulu tey minnast til at hugsa líkasum tá, tey vóru børn. Tann hugsanarhátturin er ein ein fantastiskur eginleiki, sum snýr seg um at sansa verðina av nýggjum við opnum sinni og bara góðtaka tað, sum er, samstundis við, at man áhaldandi setur spurnartekin við lívsins viðurskifti. Sjálvt tað allarmest vanliga, væl vitandi um, at man sum vaksin er vitandi um nógv og er førur fyri at broyta tað, sum man veit nakað um, men at tann vitanin áhaldandi skal avbjóðast, soleiðis at vit koma til nýggja fatan av veruleikanum og gerast før fyri at flyta okkum gjøgnum lívið og harvið vera við til at broyta verðina til tað betra. Hvat var tann seinasti dreymurin tú gjørdi til veruleika? Dreymurin er veruleiki. Dreymurin er ein partur av okkara tilvitsku, so tað ber í míni verð ikki til at skilja ”dreym” og ”veruleika” at. Men eitt er vilji, hann kunnu vit gera nakað við, so vit koma á mál, men so er tað sumt, sum hendir í okkara lívi, sum vit illa fáa gjørt nakað við. Eg haldi, tað snýr seg um at góðtaka tær treytir, sum eru, og gleðast yvir tað góða, sum er í okkara lívi Um tú tordi, so hevði tú? ….livað av tónleiki fulla tíð. Ikki tí, tað havi eg roynt, men inntøkugrundarlagið er tíverri ikki nakað, sum røkkur til at halda hús og hava familju. Hvat hevði gjørt heimin til eitt betri stað? Samanhald, samhaldsfesti, samrøða, samvitska, samband (ikki politiskt), kærleiki, tónleikur, virðing fyri øllum menniskjum, styrkt fólkaræði og nógv, nógv annað Nær vart tú seinast veruliga ovfarin? Eg minnist ikki rættiliga, tí mín máti at reagera uppá er altíð, at um okkurt hendir, er tað, tí tað kann henda, og so hugsi eg um mína egnu reaktión, um hon er rationel ella ikki. Eg eri altíð mín egni vaktarpersónur, so at siga Tað seinasta, tú hevur lært, er at? ….at føroyingar bara hugsa um pengar. Alt er ein cost/benefit meting, og so koma menniskjanslig virði í aðru røð. Tíverri. Tann støðugt ringa samvitskan snýr seg um at tú? Eg havi faktiskt ikki ringa samvitsku. Eg royni at liva mítt lív sum tann persónur, eg eri. Tað snýr seg um at góðtaka. Eitt aðalmál og eisini nakað, sum eg royni at liva eftir, er at royna ikki at liva sítt lív gjøgnum onnur, men at fylgja míni egnari intuitión Enda setningin: Føroyar áttu: ….at veitt sínum borgarum betri rættartrygd. Annars eru Føroyar eitt gott land at liva í BAKSÍÐAN E itt grovt æl ger av við hvønn hundalort, sama, hvussu seigur og stórur, hann er. Vit fáa minst 500 grov æl um árið. Hvørt teirra kundi tikið minst 500 hundalortar. Tí er lika høpisleyst sum trygdar­ eftirlit á flogvøllum og fólkaræði at krevja av fólki, at tey taka tað, sum hundurin skítur, upp í ein svartan plastposa. Big Brother, Stóribeiggi, hevur givið teimum við hundi eina vegleiðing um, hvussu tað verður gjørt, uttan at fáa lort á fingrarnar og koma lort í býin. Og sum altíð, tá mynd verður hann liggj­andi til eina ferð í næstu øld. Hetta kalla tey miljøreligiøru umhvørvisvernd. Eg sá herfyri vin mín á fýra beinum í Berjabrekku skíta, ikki á, men niður í eina páskalilju. Ófør tøð, og tey, sum eru so hjartaleys og kýnisk at traðka á eina páskalilju hava uppborið at fáa lort undir skógvin, hugsar vinurin á fýra beinum. Og tað geri eg eisini. Ferðavinnan gremur seg um tað mesta, millum annað, at ov fá almenn nátt­hús eru í Føroyum. Brúk er ikki fyri fleiri, tí tey flestu sita á feys­bukkuni. Hon er bæði almenn og ikki minst sosial. Ella gevið ferðafólkunum svartar plast­posar. Tað ræður sum sagt um at vera á varðhaldi dag og nátt. Í gjár var einasta BMI, sum nyttaði nakað, 24. Í dag er tað vorðið 27, í morgin 20 ella 40, tað vita vit ikki fyrr enn í morgin, ella í nátt, kemur opin­beringin vestan­eftir. Og so aftur at rokna, hædd og vekt gevur BMI. Tað ber tó eisini til at uppliva okkurt spennandi og skakandi bara við at hyggja út. Í tjarnarlinginum beint vestan­fyri, har sum eg búgvi, var eitt kvøldið ein øgiligur bardagi. Tveir dunnusteggjar vóru í holt við eina bøgu. Tað var harðligt og áhaldandi, líktist einari neyðtøku, fúlir fanar í fjaðra­roki. Bøgan royndi at sleppa sær upp á turt og rýma undan óstýriligu steggjun­um. Men tað slapp hon ikki, tí í parti við steggjunum vóru tvær krákur. Tær stóðu á bakkanum og við nevunum og hábrøgdum róku tær bøguna í hylin aftur til steggjarnar, hvørja ferð, hon slapp upp úr vatninum. Hesin bardagi, fýra móti einari, vardi eina góða løtu. Eingin lá tó eftirá tí­betur. Stúrdi tó fyri tí ringasta, tá ein frensur sníkti seg fram móti váta víg­vøllinum. Men har lá eingin fuglur í anda­leypi, tíbetur. Fuglar eru øgiligir og duga eins og menniskjan at samskipa álop. Vit gleða okkum til Trump fer rættiliga í hernað móti teimum, sum drepa fólk í okkara býum. Tann, sum óruddar, eigur eisini at rudda. Ruddingar­dags­prinsippið, sum er, at tey, sum ikki órudda, rudda eina ferð um árið eftir hini, sum órudda, men ikki rudda, er ikki galdandi her. Óruddarin eigur óruddið. Verður Hillary Guds forseti, sendir hon pedagogar og stuðlar til Mið­eysturs at biðja IS fólkini setast hond í hond í kringi rundan um eitt kertu­ljós á sandinum og við­ganga sínar syndir. Men tað fer heldur ikki at rigga har. Hart móti hørðum plagdi at duga. Tað veit Trump. Hann tosar nógv, men tað er ikki uttanumtos. Rættindi m/k? eru ikki bara til fyri brotsmenn/k og yvirgangsmenn/k. Góðkenning er ein góð kenning. Í Hundalandi búgva lorthundar. Høgni Djurhuus Høgni Djurhuus fekk Móðurmáls­ virðislønina 2012 Lortur í plasti