mánadagur 23. mai 2016síða 38

VIKA 21 • 23. MAI 2016 14 ÓKEYPIS LÝSINGARBLAÐ TEMA Róðrarblaðið Mamma og døtur eru umborð á sama báti E in av stóru avbjóðingunum í dagsins samfelag verður søgd at vera, at tað er so langt millum ættarliðini. Ofta er tað soleiðis, at tey ungu takast við sítt, tey miðaldrandii eru upptikin av sínum, tey eldru eru fyri seg, og tey gomlu eru fyri seg. Gjáirnar millum ættarliðini verða sagd­ar at vera djúpar. Soleiðis er tað ikki í kappróðrinum í Fuglafirði, har grønu bátarnir við gentum og kvinnum hava staðið seg heilt væl. Erla Kongsdóttir vann FM í gentu­ kappingini í 2012 og 2013 og hitt 5-mannafarið í Fuglafirði, Silja, vann FM í 2014. Í 2010 vann Erla Kongs- dóttir FM í kappingini millum kvinnur í 5-mannaførum, og aftur í fyrra árið og í fjør var Erla Kongsdóttir best og tað í stórum stíla. Tað eru fleiri mánaðir síðani, at fuglfirðingar fóru at síggja ljósagrønu bátarnar á fjørðinum, og tær hava fyrireikað seg bæði væl og leingi til nýggja kappingarárið. Nú hava tær eisini mannað 6-mannafarið Rádna. Bettina Toftegaard er formaður í ÍF Kappróður, og hon er við til at manna Rádna. Undanfarnu árini hevur hon sitið umborð á Erlu Kongsdóttir, sum hevur verið einaráðandi. Merkisvert er tað, at Bettina er 47 ára gomul, og at tað saman við henni umborð á Rádna sita døtur hennara, tvíburarnir Jastrid og Kirstin Toftegaard, sum eru 19 ára gamlar. Bettina er ikki aldursforseti umborð á Rádna. Saman við henni rør 53 ára gamla Sunrið Traðará, og so er tað 27 ára gamla Rannvá Lava Olsen, sum áðrenn hon flutti aftur til Føroya gjørdi nógv við rógving í Keyp­manna­ havn, har hon var við í kapp­ingini um at sleppa til OL í Brasil. Orsaka av skaðum var hon noydd at gevast, og nú er hon við at manna Rádna. 19 ára gamla Turid Christiansen, sum hevur luttikið nógv í svimjing, er eisini við til at manna Rádna. Í húsinum hjá Bettinu og Jóhan Tofta­gaard verður nógv tosað um kapp­róður: – Mamma er formaður í felagnum og skipar fyri, og pápi stuðlar okkum við eitt nú saman við øðrum eldsálum at vera við til at taka sær av bátunum, at hjálpa til í neystinum og at koyra, tá ið vit fara aðra staðni at kappast, sigur Jastrid Toftegaard. Fleiri ættarlið Bettina er uppvaksin í Grønlandi. Hon flutti aftur til Føroya síðst í áttati árunum. Hon var beinanvegin áhuga í at royna seg í kappróðri. Røturnar í kappróðrarumhvørvið vóru djúpar: – Tá ið tað í 1964 fyri fyrstu ferð varð kappast um FM, vann Erla Kongsdóttir við kvinnum henda fyrsta FM róðurin. Tá var mamma mín, Jastrid Petersen, við til at manna Erlu, greiðir Bettina Toftefaard frá. Í 1988 og 1989 royndi Bettina at rógva. Tvíburarnir vóru við til at vinna FM í genturóðri í 2012 og 2013, og tvey tey seinastu árini hava móður og døtur sitið umborð á Erlu Kongsdóttir. – Í fjør vandu vit leingi við Rádna. Fýra vikur undan norðoyastevnu varð tað okkum greitt, at tað bara fóru at vera vit og so ein annar bátur, sum fóru at luttaka. At tað bara vóru tveir bátar, kendu vit vera lítið áhugavert, so vit fóru umborð aftur á Erlu Kongs­ dóttir, sigur Bettina Toftegaard, og hon heldur fram: – Í vár hava vit luttikið í ódnartøkum við Rádna. Tað er hugaligt at stað­ festa, at áhugin millum kvinnur at rógva við 6-mannaførum er nógv økt­ ur. Okkum kunnugt vera tað í hvussu so er hesir seks bátarnir, sum vit fara at kappast við: Páll Fangi í Klaksvík, Sølmundur á Glyvrum, Skúgvur í Sanda­vági, Lómur á Argjum, nýggj Fortuna í Vestmanna og so Jarnbardur hjá Róðrarfelagnum Knørri í Havn. Jarn­bardur hevur vunnið nógv, og vit hava skilt, at hann er mannaður við royndari manning, sum hevur vunnið nógv FM. Vit gleða okkum til at kappast við hesar manningarnar. Tað er hugaligt at vinna, men tað er huga­ligari hjá øllum, tá ið tað er tætt millum bátarnar og harvið stórur spenn­ingur. Kvinnur í Fuglafirði í ymsum aldri, sum hava vunnið nógv, fyrireika seg nú umborð á 6-mannafarinum Rádna, ið fær kapping frá fleiri øðrum bátum Manningarnar hjá ÍF Kappróður avmyndaðar, tá ið tær í fjør vóru á veg á Fjarðastevnu. ÍF Kappróður eigur myndina FM vinnarar 2005-2015 5 mannafør gentur Bátur Ár Firvaldur 2015 Silja 2014 Erla Kongsdóttir 2013 Erla Kongsdóttir 2012 Hvassi 2011 Beinta 2010 Drekin 2008 Hvassi 2007 Frúgvin 2006 Blikur 2005 Kelda: drekin.fo FM vinnarar 1973-2015 5 mannafør kvinnur Bátur Ár Erla Kongsdóttir 2015 Erla Kongsdóttir 2014 Havfrúgvin 2013 Havfrúgvin 2012 Junkarin 2011 Erla Kongsdóttir 2010 Sílið 2008 Sílið 2007 Ørnin 2006 Sílið 2005 Blikur 2004 Drekin 2003 Sílið 2002 Fípan Fagra 2001 Frúgvin 2000 Havfrúgvin 1999 Ørnin 1998 Ørnin 1997 Sílið 1996 Sílið 1995 Báran 1994 Báran 1993 Báran 1992 Ørnin 1991 Ørnin 1990 Firvaldur 1989 Ørnin 1988 Hvassi 1987 Blikur 1986 Sílið 1985 Blikur 1984 Bylgjan 1983 Sílið 1982 Sílið 1981 Sílið 1980 Firvaldur 1979 Firvaldur 1978 Firvaldur 1977 Sílið 1976 Svanur 1975 Sílið 1974 Tjaldrið 1973 Kelda: drekin.fo