mánadagur 30. mai 2016síða 48

VIKA 22 • 30. MAI 2016 24 ÓKEYPIS LÝSINGARBLAÐ TEMA Norðoyggjar Norðoyastevnan 2016 Góður matur og ból og biti hjá Elisabeth Norðhús byggir kirkjuhús í Hvannasundi Vilmund Jacobsen Tað er hugnaligt á matstovuni hjá Elisabeth Nybo á Viðareiði, og her fæst eitt nú fiskur, fuglur, búffur og lambaryggur. Omaná verður borðreitt við desertum, breyði, bollum, køkum og ísi, og alt er heimagjørt hjá matstovueigaranum, ið eisini hevur tvey kømur, sum fólk kunnu leiga. Viðareiði er ein náttúruperla, og tað er ikki av ongum, at Elisabeth Nybo, sum er ættað úr Suðuroy, hevur trivist so væl her norðast í Føroyum. Í fleiri ár hevur hon havt matstovu, og í summarhálvuni hevur hon vanliga havt opið til 15. august. Men, tá tú hevur arbeiðsplássið heima við hús, ber til at vera fleksibul, og tað er Elisabeth Nybo eisini. – Vísir tað seg, at nógv framvegis er at gera, tá august er hálvrunnin, kann eg sjálvsagt hava longri opið. Hinvegin taki eg altíð ímóti bíleggingum uttan fyri sjálva vertíðina, tá fyrispurningar eru um tiltøk, sum fólk ella arbeiðspláss ynskja at hava um okkara leiðir, sigur fryntligi matstovueigarin. Vanliga er opið hvønn dag í summarhálvuni frá klokkan 12 til 21, men alt árið kunnu fólk seta seg í samband Elisabeth, um tey í felagsskapi ynskja sær ábit ella ból og bita. Nógvir fyrispurningar Matstovan hjá Elisabeth á Viðareiði er nógv eftirspurd og hevur rættiliga fingið fótin fyri seg í ferðavinnuhøpi. – Tá eg hevði havt opið í 10 ár, hevði eg havt heili 40.000 vitjandi, og tá eru ikki tey íroknað, sum bara hava verið inni á gólvinum og lænt wc ella, sum hava spurt seg fyri um eitt hvørt. Øll hesi 40.000 keyptu sær ein bita - døgurða ella bara ein kaffimunn - inni hjá mær. Elisabeth Nybo heldr, at summarið teknar seg væl, og hon hevur longu fingið fleiri fyrispurningar. – Tað er skilagott hjá fólki, sum ætla sær at vitja um hesar leiðir í summar, at bíleggja sær pláss, bæði á matstovuni og ból og bita, tí eftirspurningurin er stórur. Hon vísir á, at longu nú noyðist hon at hyggja í kalendaran, áðrenn hon sigur ja til fleiri gestir ein part av summarinum. – Men, eingin skal halda seg aftur. Eg geri altíð mítt besta fyri at veita hvørjum einstøkum viðskiftafólki eina so góða tænastu sum gjørligt. So, fólk eru altíð hjartaliga vælkomin at venda sær til mín. Smyrja matpakka Elisabeth Nybo sigur, at fólk leita sær til Viðareiðis, tí tey eru nøgd við tað, tey fáa. – Men, tað er so sanniliga eisini vakra náttúran sum dregur. Eg selji eisini bólkaútferðir við matpakka og ferðaleiðara, og her eru fleiri møguleikar, harav túrurin niðan á Enniberg er hin mest eftirspurdi. Aðrir møguleikar eru eitt nú Viðvík og Malinsfjall, leggur hon aftrat. Vilmund Jacobsen Í Hvannasundi er byggifyritøkan Norðhús í holt við at byggja eitt kirkjuhús, og tað er Hans Edmund Josephsen, sum er arbeiðsformaður hjá fyritøkuni. Hann sigur, at teir byrjaðu upp á arbeiði í Hvannasundi nakað fyri árs­ skiftið, og arbeiðið hevur gingið væl. – Tað var í januar, at vit líka sum settu ferð á hetta arbeiði, og tíðarætlanin hevur hildið. Tað er Mayfinn Norðoy og fyritøkan Kontrast, sum hava teknað kirkjuhúsið. – Húsið, sum er 160 fermetrar og bygt í einari hædd, kemur at hava ein stóran sal, wc’ir og ídnarkøk, og tað kemur eisini at hava ymiska útgerð, eitt nú ljóðannlegg og video-kanón. Hans Edmund Josephsen sigur, at kirkjuhúsið skal leverast fyri ólavsøku. – Vit gera alt lendis-og byggiarbeiði sjálvir og hava undirveitarar til eitt nú hita, el og málaraarbeiði. Tað er Signar Kallsberg, sum syrgir fyri hita og saniteti, El-In, sum ger el- innlegginarnar, og málaraarbeiðnum tekur Magni Jacobsen sær av. Norðhús hevur einar 4-5 mans á byggiplássinum í Hvannasundi. 25-30 mans Norðhús hevur gjøgnum árini framt nógvar størri og smærri byggi­ verkætlanir, bæði vinnu­bygningar og sethús. – Vit eru millum 25 og 30 mans í arbeiði, og fyri framman er ymiskt, sum vit skulu gera. Eitt nú skulu vit skifta tekjuna á kirkjuni í Svínoy, og her skulu vit eisini bøta um atløgusíðuna. Í fyritøkuni hava vit eisini kavara og kunnu tí eisini bjóða okkum fram at gera arbeiðir undir vatni, sigur Hans Edmund Josephsen. – Eingin uppgáva er ov stór, og eingin er ov lítil. Vit stremba – altíð eftir at vera fremst og best, og vit halda hetta vera – avgerandi fyri, at vit hava so nógvar og nøgdar kundar, sigur arbeiðsformaðurin. Tey, sum vilja vita meira um Norðhús, kunnu hyggja inn á heimasíðuna www.nh.fo – Sjálvt um nógvir gestir vitja um summarið, skal eingin halda seg aftur við at ringja og spyrja, tí eg geri altíð mítt besta fyri at ganga ynskjunum hjá ferðafólki á møti, sigur Elisabeth Nybo á Viðareiði – Vit gera alt lendis-og byggiarbeiði sjálvir og hava undirveitarar til eitt nú hita, el og málaraarbeiði, sigur arbeiðsformaðurin, Hans Edmund Josephsen - Eg geri altíð mítt besta fyri at veita hvørjum einstøkum viðskiftafólki eina góða tænastu, sigur Elisabeth Nybo Mynd: Vilmund Jacobsen Norðhús hevur gjøgnum árini framt nógvar størri og smærri byggiverkætlanir. Her eru nakrir av monnunum, sum byggja kirkjuhúsið í Hvannasundi Mynd: Vilmund Jacobsen – Tað er so sanniliga eisini vakra náttúran sum dregur, sigur Elisabeth Nybo, sum sjálv hevur tikið hesa myndina