mánadagur 30. mai 2016síða 50

VIKA 22 • 30. MAI 2016 26 ÓKEYPIS LÝSINGARBLAÐ TEMA Norðoyggjar Norðoyastevnan 2016 Hallur spælir til dans fyri teimum eldru REYÐBERG ER RØÐARI Eitt av stóru tiltøkunum á Norð­ oya­stevnu er midnáttar­samkoma í Vágstúni. Samkoman samlar van­ liga nógv fólk at hoyra horntónleik, røðu, síggja fýrverk og verða við í felagssangi. Millum klokkan 23.00 og 23.30 spælir Klaksvíkar Horn­ orkest­ur í Vágstúni, og á midnátt kem­ur kyndlagonga í Vágstún. Síðani fer Eyðfinn Reyðberg at halda røðu. Eyðfinn Reyðberg ar­beiddi í Norðoya Sparikassa í 25 ár, og 10 av árunum var hann stjóri í sparikassanum. Eyðfinn er nú stjóri í vinnufyritøkuni Vinnu­vitan, ið millum annað rekur rokn­skapar­skipanina Vinnuvitan. biz. Eyðfinn er eisini nevndarlimur í fyri­tøkum í Føroyum og Danmark og er frammi sum greinari í miðlunum. Eftir røðuna verður stórt fýr­ verk og síðani felagssangur, har Morgun­kórið hjá Sigrid Sivertsen lut­tekur saman við harmoniku­ spælarum. LEGENDUR FARA Á VØLLIN Í hesum døgum er sannur fót­bólts­ fepur í Klaksvík, og klaksvíkingar eru sera spentir um mansliðið, sum í ár hevur staðið seg sera væl. Tað gjørdi KÍ eisini í 1990’ unum, tá ið teir vunnu tvey FM- heiti, tríggjar steypakappingar og vóru við í altjóða fótbólti, har tað gjørdist til søguligan sigur á ísraelskum liði. Tá myndaðu spæl­arar sum Kurt Mørkøre, Jákup Mikkelsen, Allan Mørkøre, Jan Andreasen, Allan Joensen, Harley Bertholdsen, Jan Joensen, Olgar Danielsen og aðrir liðini, sum stóðu seg so væl og vóru støð­ugur partur av toppinum í før­oysk­um fótbólti. KÍ kappaðist nógv av ár­unum við GÍ, sum eisini vann føroya­ meistaraheiti og steya­kapping. Hjá GÍ vóru spælarar sum Jens Martin Knudsen, Magni Jarnskor, John Petersen, Símun Petur Justinussen og Sámal Joensen profilar. Fríggjakvøldið kl. 18.00 fara KÍ og GÍ legendur at dystast ímóti hvørjum øðrum, og tá fara nógvir av spælarunum, sum umboðaðu fel­øg­ini í 1990’unum, aftur á vøllin. Ferðin verður neyvan tann sama sum í 90’unum, men undir­ haldið verður ivaleyst gott. Fríggjakvøldið verður country­ dansur fyri fólk 60 ár og eldri Eldraráðið í Klaksvík skipar á Norðoya­ stevnu fyri countrydansi í virkis­hús­ inum Smæruni á Kjalarvegi. Dansurin er fyri fólk, sum eru 60 ár og eldri. Smæran er virkishús fyri borgarar yvir 60 ár og er partur av verkætlanini Undir Kráarbrekku. Í Smæruni eru ymisk virkistilboð og møguleiki fyri sam­veru. Innihaldið skal fremja heilsu, trivna og møguleikar fyri at skapa net­ verk og vinarbond. Eingin minni enn Hallur Joensen skal spæla til dansin. Hallur hevur seinastu árini verið fremsti country­ sangarin í landinum, og tá ið hann eisini er klaksvíkingur og búsitandi í Klaksvík var upplagt at fáa hann at spæla til dansin í Smæruni. Hallur hevur nógvar kendar sangar á bæði føroyskum og enskum máli, og hann plagar at duga væl at finna røttu sangirnar til fjøldina, hann spælir fyri. Eldraráðið í Klaksvík boðar frá, at avmarkað tal av fólki sleppur í Smær­ una, og fyri ikki at fara upp um mest loyvda talið mugu fólk tekna seg til tiltakið. Tað kunnu tey gera á telefon 228488, og kostnaðurin er hundrað krónur. Hallur Joensen spældir til dans í Smæruni fríggjakvøldið kl. 21.00. Torbjørn í Gamla Seglhúsi Signhild setur stevnuna Jóhanna heldur røðu Signar spælir í høllini Torbjørn Olsen letur sunnudagin upp listaframsýning í Klaksvík Fríggjakvøldið verður Norðoyastevnan sett Sunnudagin verður fólka­ fundur í Vágs­túni Signar í Homrum spælir til dans í KÍ-høllini Sunnudagin kl. 14.00 verður ferni­ ser­ing í Gamla Seglhúsi í Klaksvík, har listaframsýningar eru regluliga. Seinastu árini hava fleiri av kendastu føroysku listamonnunum lagt leiðina fram Seglhúsinum, og sunnu­dagin verður ein av teimum stóru aftur í húsinum. Tað er Torbjørn Olsen, sum kom­andi tíðina fer at sýna fram verk í Klaksvík. Framsýningin letur upp sunnu­ dagin kl. 14.00, tá ið fernisering verður. Høvi verður at heilsa upp á listar­mannin, og Karl Martin Samuelsen og Eyðun Nolsøe fara at spæla nakrar sangir. Eisini held­ ur Hilmar Høgenni, formaður í Lista­felagi Føroya, røðu. Okkurt ábit og leskandi verður eisini at fáa. Fyrstu tiltøkini á Norðoyastevnu eru á skránni mikudagin og hósdagin, men alment verður Norðoyastevnan sett við tiltaki fríggjakvøldið kl. 18.00. Hetta verður á pallinum í Tivoli­ økinum. Signhild V. Johannesen, sum er for­ kvinna í Mentanarnevndini hjá Klaks­ víkar býráð, fer at seta stevnuna. Eisini verður tónleikur at hoyra, tá ið Magni Christiansen fer á pallin at spæla nakrar sangir fyri fólki. Ein av afturvendandi tættunum á Norðoyastevnu er fólkafundurin, sum verður hildin í Vágstúni sunnu­dag. Klokkan 14.00 fer skrúðgonga við Klaksvíkar Hornorkestri, bygd­ ar- og býráðslimum úr Norð­ oyggj­um, skótum og ítróttarfólki úr Klaks­víksgarðinum og heim í Vágstún. Har fer Jóhanna á Tjaldrafløtti at halda røðu. Jóhanna er úr Klaks­ vík og er stjóri fyri Húsar­haldskúla Føroya. Í Vágstúni fer Klaksvíkar Horn­ orkestur eisini at spæla. Til eina góða stevnu hoyra eisini góð dansitiltøk, og eitt av teimum verður dansur í KÍ-høllini leygarkvøldið frá midnátt. Tá fer Signar í Homrum at spæla saman við bólki sínum. Signar telist millum best umtóktu tónleikarar í land­inum, og eftir at hann fyri nøkrum ár­um síðani gjørdist solistur, hevur hann veruliga havt undanvind. Signar hevur hesi árini givið føroy­ ingum sangir sum Tað er gott at elska, Kærleikans Mátt, Nú ert tú her og aðrar. Eisini hevur hann sangir frá tíð­ini sum partur av Kjølum, sum fólk kenna væl. Tað er Norðoya Frítíðar og Ítróttar­ ráð, sum skipar fyri dansinum í KÍ- høllini.