mánadagur 30. mai 2016síða 55

VIKA 22 • 30. MAI 2016 31 ÓKEYPIS LÝSINGARBLAÐ TEMA Bjargingarbátarnir flotaðir aftur Nú sjálvbodnu bjargingarfólkini eru tryggjaði, verða Lív Rescue, Sverri og Vón flotaðir aftur. Loksins eru bátarnir, sum Landsfelagið fyri Bjargingarfeløg varðar av, flotaðir aftur Tað var í mars mánað, at Lív Rescue, Sverri í Vágum og Vón á Eiði, vórðu lagdir, inntil tryggingarviðurskiftini hjá óløntu bjargingarfólkunum vóru komin upp á pláss. Hetta kom tó í rætt­lag í síðstu viku. Hósdagin undirskrivaðu Trygd og Landsfelagið fyri Bjargingarfeløg (LFB) eina tryggingaravtalu, sum merkir, at sjálvboðin bjargingarfólk eru tryggjað á ein nøktandi hátt í sam­bandi við teirra virksemi í føroysku til­búgv­ingini. Tryggingaravtalan hevur samtíðis við sær, at bjargingarfeløgini aftur eru tøk í tilbúgvingini til leiting og bjarging á landi og á sjógvi. Arbeiðið hjá bjargingarfeløgunum var lagt niður í november mánaða í fjør, tí trygg­ingar­ viðurskiftini tá ikki vóru í lagi. Men nú eru tryggingarviðurskiftini nøkt­andi, og tí verður arbeiðið hjá bjargingar­ feløgunum tikið upp aftur. Tryggingaravtalan inniber, at sjálv­ boðin bjargingarfólk, sum eru skrá­ sett í einum bjargingarfelagið, og sum koma til skaðis í átøkum á landi ella á sjógvi, ikki hava inntøkumiss í sambandi við óarbeiðsføri. Treytin fyri endurgjaldi er, at skadda bjargingar­ fólkið er fevnt av arbeiðs­skaða­trygg­ ingar­lógini. Formaðurin í LFB, Regin Jespersen, fegnast, og hann sigur soleiðis um nýggju tryggingaravtaluna: – Vit hava fingið eina góða trygg­ingaravtalu, ið er til gagns fyri sjálvboðin bjargingarfólk, sum gera eitt stórt og týdningarmikið ar­ beiðið fyri tilbúgvingina í Føroyum. Bjargingar­feløgini hava yvir fimti ár á baki og útinna hjálpararbeiði í mun til borgarar og samfelagsvirðir í breiðum týdningi. Í hesum hjálpararbeiði fyri landsins tilbúgving, sum til tíðir ikki er vandaleyst, er alneyðugt við nøktandi trygg­ingarviðurskiftum. Sjóvinna