týsdagur 31. mai 2016síða 18

Mikudagur 1. juni 2016 · Nr. 61 18 Sosialurin 12 karmar Eitt av tiltøkunum, sum var væl vitjað á Mentanarnáttini í fjør vóru tær tólv sofurnar, sum tólv føroyskar kvinnur høvdu sniðgivið. Tá fingu tær allar somu rammu og skuldi síðani sniðgeva sofuna eftir egnum høvdi Aftur í ár verður skipað fyri ein­ um líknandi tiltakið. Karin Sissal Kjartans­dóttir Kristiansen, kvinnan handan Shisa Brand, greiðir frá nýggja hugskotinum. – Seinast fingu allar kvinnurnar sama stell at arbeiða víðari við. Hesa ferð hava tær fingið eitt mát, 1,20m x 1,40m. Tí kalla vit tiltakið 12 karmar, sigur hon. Sissal Kristiansen sigur, at tað er ymiskt, hvussu ymisku kvinnurnar velja at nýta hetta plássið. – Vit eru allar so ymiskar og ar­ beiða við ymiskum tilfari. Onkur nýtir leir, onkur glas, onnur silvur og onkur bindir. Endurnýtsla fyllir tó nakað í hugtakinum hjá fleiri av kvinnunum, sigur hon. Tær tólv kvinnurnar eru hand­ verkarar, sum allar hava egin merki, sum tey selja í øðrum høpi og í onkrum førum eru tær beinleiðis kapp­ingarneytar. Hugskotið at arbeiða saman á hendan hátt kom í lag eftir eina ráðstevnu, sum nakr­ ar teirra luttóku á í Íslandi. – Endamálið við hesum er at tvinga kkum út úr okkara comfort zone, út um okkara tryggu karmar. Hetta gevur okkum høvi at vísa tað, sum okkum dámar best at arbeiða við, frá nýggjum sjónarhornum. – Tað stuttliga við sofunum var, at tú sást beinanvegin, tú kom inn, hvør hevði gjørt hvørja. Hóast alt í veruleikan var sama sofa, so sást væl, kanska serliga á litunum, hvør hevði gjørt hvørja sofu, sigur hon og væntar, at tað verður nakað tað sama í ár. Tær tólv, sum sýna fram, eru Elin Lindenskov, Erla Matras Jensen, Malan Fosaa, Heimá toymið, Mikkalina Norðberg, Heim­kær, Jóhanna av Steinum, No 10 Keramikkstudio, Poulina Jóanesar­dóttir, Randi Samsonsen, Shisa Brand og Turið Nolsøe Mohr. Fram­sýn­ingin verður aftur í ár í Öström. Í sambandi við mentanarnáttina fríggjadagin 3. juni verða hópin av góðum tilboðum í Føroya størsta undirklædna handli Change! Spar 20, 30 og 40% upp á ALLAR vørur í handlinum! Opið verður til kl. 22! Niels Finsensgøta 18 Trussur 3 pør fyri 169,- Mentanarnátt í Change Alt tilfarið, sum Elin Lindenskov nýtir til sína rammu »Havið anno 2016« er endurnýtt plastik, funnið í fjøruni í 2016