týsdagur 7. juni 2016síða 30

6 Sosialurin JUNI 2016 Bólkur A Søgan... Brøður skulu dystast Tað er ikki óvanligt, at brøður dystast ímóti hvørjum øðrum á hvør sínum liði, men tað er púra óvanligt, at teir dystast ímóti hvørjum øðrum á hvør sínum landsliði. Tað fer tó mest sannlíkt at henda í EM í ár B røðurnir Granit og Taulant Xhaka, sum um­ boða ávikavist Sveis og Albania, eru komnir í sama bólk og eru settir at skulla dystast ímóti hvørjum øðrum leygardagin. Føddir í Sveis Granit og Taulant Xhaka, sum eru ávikavist 23 og 25 ára gamlir, eru báðir føddir í Basel, Sveis, men bæði foreldur teirra eru tó úr Kosovo-Albania. Tey flýddu fyrst í 1990-unum úr Kosovo til Sveis, har tey hava búð síðani. Brøðurnir báðir hava fylgt hvørjum øðrum mest sum alla fótbóltsleiðina. Teir byrjaðu at spæla fótbólt í Concordia Basel, og í 2002 skiftu teir til stórfelagið FC Basel, har teir fingu fulltíðarsáttmála í 2010. Har spælir stóribeiggin, Taulant, framvegis, meðan Granit í 2012 skifti til týska Borussia Mönchengladbach, haðani hann fyri góðari viku síðani varð seldur víðari til Arsenal fyri umleið 300 milliónir krónur. Hvønn sín veg Meðan alt gongur sína strúkandi gongd í lið­fót­ bóltinum, so er støðan øðrvísi tá ið tað kemur til heimland og kenslur hjá teimum báðum dugnaligu fót­bóltsbrøðrunum. Teir eru føddir og uppvaksnir í Sveis, so møguleikin at velja sveisiska landsliðið var kanska tann mest nærliggjandi, men av tí at bæði foreldrini eru úr Kosovo-Albania, høvdu teir eisini møguleikan at velja Albania. Báðir hava umboðað øll ungdómslandsliðini hjá Sveis, allan vegin frá U15 til U21, men tá ið tað kom til vaksnamannafótbólt og at velja A-landslið, so fóru brøðurnir á fyrsta sinni hvønn sín veg. Eingin áhugi Yngri bróðurin, Granit, varð í 2011 úttikin til sveisiska A-landsliðið, og 4. juni sama ár fekk hann debut í EM-undankappingardysti ímóti Onglandi á Wembley. Við albanskar miðlar segði Granit, at tað hevði verið honum ein heiður at umboðað albanska lands­ liðið, og at tað var ein ógvuliga trupul avgerð at velja eitt land frá. Tó segði hann, at hann ikki kendi nakran áhuga fyri sær frá albanska fót­bólts­sam­ bandinum. Sveisiska fótbóltssambandið sýnti honum hin­ vegin stóran áhuga, og tað var hetta, sum í síðsta enda kom at vera avgerandi. Í EM-undankappingini í 2012 hittust Sveis og Albania. Granit varð ikki væl móttikin í dystinum, sum varð spældur í Albania. Tað hóvaði viðhalds­ fólkunum illa, at hann hevði vent Albania bakið. – Eg var kensluborin og fekk nógvar við­merk­ ingar. Tað vóru løtur, har eg ikki visti hvussu eg skuldi reagera. Fyri tykkum eri eg kanska ein svíkjari, men munurin á mær og tykkum er, at tit føla tykkum fult og heilt albansk, skrivaði hann á facebook dystin. Eldri bróðurin, Taulant, fór hina leiðina. Hann valdi Albania. Hóast hann hevur umboðað øll sveis­ isku ungdómslandsliðini, so var hann – um­vent bróðurinum – ongantíð úttikin til sveisiska A-lands­ liðið, og tá ið tað í 2013 stóð honum í boði at spæla fyri tað albanska landsliðið, valdi hann at taka av. Ikki teir fyrstu Tað er ógvuliga sjáldsamt, at brøður dystast á hvør sínum landsliði, men hetta er tó ikki fyrstu ferð í fótbóltssøguni. Í HM fyri tveimum árum síðani dyst­aðust brøðurnir Jerome og Kevin-Prince Boateng nevniliga eisini fyri hvørt sítt landslið, har teir hittust á vøllinum umboðandi ávikavist Týskland og Ghana. Hetta var fyrstu ferð, at tveir brøður dystaðust á hvør sínum landsliði í HM, og nú leygardagin verður tað so mest sannlíkt fyrstu ferð í EM-søguni, at tveir brøður skulu standa á hvør sínari hálvu áðrenn bólturin verður givin upp. Av tí at tað er kuril á tráðnum í Prince Boateng- familjuni, so var ískøld luft ímillum brøðurnar tá ið teir dystaðust fyri tveimum árum síðani, men soleiðis verður neyvan hjá Xhaka-brøðrunum leygar­dagin. At teir báðir umboða hvør sítt landslið hevur ikki skilt teir, og teir koma tí – sum brøður flest – væl út av tí.