týsdagur 7. juni 2016síða 48

24 Sosialurin JUNI 2016 Bólkur E Søgan... Kann verða árið hjá Belgia Skal ein trúgva heimsstyrkislistanum hjá FIFA, so er Belgia besta landslið í Evropa. Helst hava tey flestu hug at snerkja, men í veruleikanum er tað nógv, ið bendir á, at Belgia kann gera ein vørr og fara allan vegin í EM hesaferð B elgia hevur leingi ligið væl í svinginum til at trína heilt fram á heimspallin. Gylti árgang­ urin hevur verið ávegis somikið leingi, at tað er við at vera nú. EM 2016 hevur í langa tíð verið út­peikað sum tann kappingin, har Belgia skal fer at sláa til. Har tilfeingið loksins verður innloyst. Tá ið tosað verður um favorittar til at vinna kappingar, verður Belgia ongantíð nevnt. Í so máta er einki trýst á liðnum, men hinvegin hevur liðið verið útnevnt sum eitt lið fult av talentum somikið leingi, at teir allarhelst nú kenna trýst á sær at av­ rika og vísa umheiminum hvat teir eru førir fyri. Eingin veddingarfyritøka væntar, at teir fara at røkka hálvfinalunum. Flest allar eru samdar um, at Belgia er fimtsterkasta liðið í EM aftanfyri Frak­ land, Týskland, Spania og Ongland. Miðaloddsið á tí stóra odds-marknaðinum upp á at Belgia vinnur EM er 11. Tað merkir, at veddingar­ fyri­tøkurnar, sum eru sera neyvar í sínum útrokn­ ing­um, meta Belgia hava 9% møguleika at vinna EM. Tað talar fyri Belgiska liðið heldur eitt høgt støði, har allir leikarar­nir í byrjunaruppstillingini, umframt teir næstu fýra-fimm, spæla á allarhægsta støði í evrope­iskum liðfótbólti. Tað eru ógvuliga fáar broyt­ingar framdar í belgiska hópinum seinastu árini, og tað merkir, at bulurin á liðnum einamest er hin sami, og at samanhald, samskifti og auto­ matism­ur annnars sita í skápinum. Leikararnir eru ígjøgnum fleiri ár vorðnir væl samanspældir og stíga fram sum eitt sera vælskipað lið. Menn eru í besta aldri. Thibaut Courtois (24), Toby Alderweireld (27), Jan Vertonghen (28), Vincent Kompany (29), Kevin De Bruyne (24), Christian Benteke (25), Radja Nainggolan (28), Thomas Vermaelen (30), Mousa Dembélé (28), Nacer Chadli (26), Axel Witsel (27), Dries Mertens (28), Marouane Fellaini (28) og Eden Hazard (25). Eingin blaðungur, eingin ov gamal – tað fær neyvan verið meiri ynskiligt hjá tí harða, tó væl­ dámda landsliðsvenjaranum, Marc Wilmots, sum hevur verið í venjaratoyminum í sjey ár og harvið kennist við hvønn krók á liðnum og er førur fyri at píska tað allarbesta úr hvørjum einstaka leikara. Í HM-endaspælinum seinast rakk Belgia fjórð­ ings­finaluni. Tað var enntá uttan at spæla tann góða fótbóltin, ið seinni hevur eyðkent teir – hvat kann so ikki blíva til hesaferð, um tað góða spælið verður gravað fram og alt fløskar seg hjá teimum? Tað talar ímóti Belgia manglar framvegis at prógva á vøllinum, at hópurin hevur teir eginleikar, sum krevjast fyri at av álvara spæla við um eitt meistaraheiti. Burtursæð frá einari sannførandi undankapping hesaferð, so hava heldur ikki verið ábendingar um, at teir eru førir fyri tí. At spæla seg víðari úr bólkaspælinum skuldi ikki verið teimum ein trupulleiki, men tað krevst nógv meira enn tað. Fyrireikingarnar hava ikki verið nøktandi. Lykla­ leikarin á liðnum og virkandi stóribeiggin hjá øllum liðfeløgunum, Vincent Kompany, er skaddur og verð­ur ikki við. Courtois og Hazard hava havt eitt vána­ligt kappingarár í Chelsea, Fellaini hóskar ikki inn í Manchester United, Benteke og Origi hungra eftir spælitíð í Liverpool og Vermaelen hevur ilt við at sleppa upp í part í FC Barcelona. Nei – teir eru ikki nógvir í tali, sum eru í besta dystar­formi. Hinvegin eru tað nakrir, sum eru – eitt nú Lukaku og De Bruyne – og hvør veit um teir ikki fáa hálað hinar við sær á tokið. Hetta er jú eisini møgu­leikin hjá teimum at prógva sítt virði. Avloysararnir hjá Kompany og Lombaerts í mið­verjuni verða væl møguligt góðu vinmenninir, sum mynda Tottenham-miðverjuna, nevniliga Verthongen og Alderweireld. Tað vitnar ikki um annað enn bæði breidd og styrki.