mánadagur 13. juni 2016síða 28

VIKA 24 • 13. JUNI 2016 4 MIÐLAHÚSIÐ ÓKEYPIS LÝSINGARBLAÐ Keypti brúðarkjólan í Rótikassanum Danjal av Rana M ikudagin var fyrsta vígslan hildin á trappuni í Vágsbotni. Tað vóru Hanus Kruse og Marjun Thorvaldsdóttir Gaardlykke, sum vóru vígd hendan dagin. Fitt av fólki var komið saman at hátíðarhalda løtuna saman við teim­ um, og eru tey bæði sera væl nøgd við dagin, bæði við vígsluna og við mót- tøkuna heima hjá foreldrum hennara aftaná, har yvir 200 fólk gleddu tey við at koma. Víst er tað øðrvísi at giftast á trapp­uni í Vágsbotni, men tað er als ikki tað einasta, sum ikki var heilt sum tað plagar við hesum brúdleypinum. Hanus og Marjun hava verið par í trý ár longu, men tað var so seint sum í apríl, at Hanus Kruse tók stóra fetið, tá hann fór til pápa brúðrina, Thorvald Gaardlykke, og bað um hennara hond. – Eg hevði gjørt honum púra greitt, at hann mátti spyrja babba fyrst, sigur Marjun, sum nú eitur Kruse. Og síðani hevur tað gingið skjótt. Vígsluloyvið kom upp á pláss fríggjadagin, loyvi at giftast á trappuni kom frá Ríkis­ umboðnum mánadagin og so var vígsl­an mikudagin. Brúðarkjólin varð keyptur í Róti­ kassanum á Facebook hóskvøldið. – Hann passaði ikki heilt og hevði hálvlangar armar. Omma mín fór tí í gongd við at seyma hann, so at hann passaði mær, og tað gjørdi hon bara væl, sigur Marjun. Hvussu ber tað tó til, at tey giftust úti á trappuni? – Ætlanin var at giftast á komm­ unuskrivstovuni, men har er jú eitt ávíst plásstrot. Tá var tað, at omma mín skjeyt upp, at vit vóru vígd úti á trappuni, so at øll kundu fáa pláss, greiðir Marjun frá. Tað er tó ikki øll­ um frítt at giftast har tey vilja. Ríkis­ umboðið má geva loyvi, um vígsla ikki hevur verið á plássinum fyrr, men danska yvirvøldin gjørdi skjótt av og gav teimum neyðuga loyvi. – Á hendan hátt varð ikki neyðugt hjá okkum at velja fólk frá, tí tað ikki var pláss. Eg havi eisini altíð ynskt mær, at eg skuldi giftast úti, sigur Marj­un Kruse. Meðan aðrar brúðrar ofta ganga inn til tónarnar frá antin hjúnamarsjinum hjá Mendelssohn ella brúðarkórinum hjá Wagner, kom brúðurin mikudagin gangandi inn til lagið November Rain hjá Guns’n’Roses. – Tað var Hergeir Staksberg, sum avgjørdi tað. Vit eru barndómsvinir, og tað eru mong ár síðani, vit blivu samd­ ir um, at tá eg giftist, skuldi brúð­urin ganga inn til November Rain, sigur Hanus Kruse. – Tað eru fleiri ár síðani, at hann nevndi tað fyri mær, og eg hugsaði, ja, hví ikki, sigur Marjun Kruse. Hjúnini lesa bæði til sjúkrarøktar­ frøðing á Fróðskaparsetrinum á øðr­ um árið. Enn er skúlaárið ikki heilt liðugt, onkrar royndir eru eftir, men í næstum fer brúðarferðin til Keyp­ mannahavnar. – Vit fara til Copenhell, ein metal­ tónleikafestivalur í Keypmanna­havn. Har fara vit at lurta eftir stórum nøvn- um sum Megadeth og Black Sabbath, áðrenn leiðin gongur heim til Føroya til seinastu royndirnar, sigur Marjun Kruse. At tey vóru fyrsta parið, ið var vígt á trappuni á Vágsbotni, var ikki tað einasta, sum gjørdi hesa brúðarvígsluna serliga