mánadagur 13. juni 2016síða 30

VIKA 24 • 13. JUNI 2016 6 MIÐLAHÚSIÐ ÓKEYPIS LÝSINGARBLAÐ M argretha Drotning kemur til Føroyar í vikuni og sum van­ ligt verður eisini nógv gjørt burtur úr á teimum støðum har drotn­ingin vitj­ar. Hóast drotningin ikki leggur leið­ina framvið SMS, so verður eisini Torgið komandi dag- ar­nar merkt av, at drotningin er á vitjan. Í døgunum 13. til 18. juni verður nevniliga skipað fyri Prinsessudøgum á Torginum. Á skránni verður ein ør­ grynna av tiltøkum og tilboðum, ið venda sær til børn, og hava samband við drotningarvitjanina. Sjálvt Torgið verður prýtt í einum ævin­týranda, har millum annað myndir av prinsessum, ið børnini kenna frá Disney teknifilmum, verða hongd­ar upp ymsastaðni í Torginum. Tiltakið verður tó ikki bara av­ markað til Torgið, tí hvønn dag verð­ur skipað fyri eini skattaveiðu frá klokkan tíggju til átjan, har børn kunnu finna ein skatt við at seta nakrar bókstavar saman, ið eru at finna í sýnisgluggunum hjá teimum ymiskum handlunum. Einaferð var tað... Á sjálvum Torginum kunnu børnini vera við til at skriva eitt felags ævin­týr. Tað verður gjørt soleiðis, at ein stór hvít talva verður sett upp á Torg­inum, 1x2 metrar til støddar, har ein persónur fer at hjálpa børnunum at skriva eitt ævintýr, ið sjálvandi byrjar við kendu orðunum: »Einaferð var tað...« Ætlanin er so, at ævintýrið verður liðugt leygardagin, soleiðis at ein rúgva av børnum hava verið við til at skriva eitt langt ævintýr. Fyrireikararnir upplýsa tó, at um ævintýrið verður liðugt áðrenn leygardagin, so verður tað útskrivað og hongt upp, og so verður byrjað av nýggjum næsta dagin. Merkið og Dannebrog Ein av teimum afturvendandi hend­ ingunum, tá tey kongaligu eru á vitjan í Føroyum, er at tey verða fagnað av smábørnum, ið standa og veittra við føroyskum og donskum fløggum. Tað eru kanska ikki øll, ið vita hvussu tey fáa fatur á einum slíkum flaggi, so hjá teimum er bara at møta á Torginum, har ætlanin er at klippa og tekna før­oysk og donsk fløgg til børnini hvønn dag millum klokkan tvey og fýra. Harumframt er ætlanin eisini at klippa og prýða prinsessukrúnur, arm­bond, perlubond og annað, so at børnini sjálvi fáa møguleikan at spæla konga­lig eina løtu. Ævintýr á skíggja og í bók Sjálvt um tað er ein verulig drotning, ið kemur á vitjan í vikuni, so er tað ikki at taka munnin ov fullan, um sagt verður, at tað vanliga eru í ævin­týrum, at flest børn fyri fyrstu ferð læra um prinsessur og onnur kongalig. Ævintýr fara eisini at hava ein sen­trala leiklut á Torginum hesar dagar. Ein lesikrókur verður, har børn fáa høvi at lesa ævintýr og aðrar bøkur. Fríggjadagin klokkan 15 vitjar Elin á Rógvi lesikrókin, har hon fer at for­telja eitt ævintýr. Ævintýrini vera tó ikki bara at lesa í eini bók, tí hvønn dag millum klokkan 12 og 14 verður ein tekni­ filmur sýnd­ur á stórskíggja. Millum annað er ætl­anin at vísa filmarnar Shrek 2, Svana­prinsessan, Lítla hav­ frúgvin og Klokk­e­blomst. Til ber at lesa alla skránna á sms.fo Prinsessudagar í SMS