mánadagur 13. juni 2016síða 32

VIKA 24 • 13. JUNI 2016 8 MIÐLAHÚSIÐ ÓKEYPIS LÝSINGARBLAÐ Barcelona vil seta ferða­fólki mørk Best umtóktu býirnir í Europa eru við at verða tiknir av fótum av ferðafólkum, sum streyma til býirnar. Amsterdam, Barcelona, París og Berlin arbeiða við átøkum ímóti miðsavnan av ferðfólkum E uropeiski stórbýir líða nú und­ir vaksandi ferðavinnu, sum hev­ur fingið nýtt flog við bílig­um flogferðum og nýggjum gisting-ar- møgu­leikum, og summir býir arbeiða við átøkum ímóti miðsavnaðari ferða-vinnu. Ein av væl umtóktu stórbýunum í Europa er Barcelona, sum eisini før­oy­ingar í stórum tali eru farnir at vitja, eftir at Atlantsflog hevur havt bein­leiðis flogleið til býin í nøkur ár. Barce­ lona fekk nýtt lív eftir OL í 1992, og síðani er ferðafólkatalið í býnum støðugt vaksið. Í fjør vóru meira enn átta milliónir ferðafólk í býnum, og afturat teimum koma mongu dags-gestirnir, ið eru umborð á cruise-skip-um, sum leggja at í Barcelona. Venesia í Italia hevur verið ringasta dømið um, hvussu ein býur kann verða kroystur í knæ av ferðafólkum, og sam­bært fleiri kann Barcelona fáa somu lagnu. – Venesia er tað gamla dømið um ein bý, sum er yvirfloymdur av ferða­fólki, tí býurin liggur á einum av­markaðum landafrøðiligum øki, men fyri býir sum Barcelona er hetta hent seinastu tíggju árini, sigur Szilvia Gyimóthy, ferðavinnugranskari á Aal­borg Universiteti, við blaðið Ber­lingske. Hon arbeiðir við einari frágreiðing um býirnar Barcelona, Berlin, Amster­dam og París, sum allir hava stórar av­bjóðingar orsakað av vaksandi ferða-fólkatali. – Hesir býir hava allir lagt upp til ferða­ vinnu við at gera íløgur í tæn-astu­vinnu, gistingarmøguleikar og in­frastruktur, men seinastu árini eru býirnir farnir at skifta hugburð og vilja nú avmarkað ferðavinnuna ella í øllum førum stýra henni betri, sigur Szilvia Gyimóthy. Reaktiónir Nógv fleiri fólk ferðast, og fleiri fólk ferðast oftari nú, enn fyri 10 og 20 árum síðani. Lágprísflogfelag sum Easy­Jet, Ryanair og Norwegian hava gjørt tað munandi bíligari at flúgva, og eitt nú internettænastan Airbnb hevur skapt nýggjar – og í summum førum bíligari – gistingarmøguleikar. Hugnaligi býurin Barcelona, sum er millum væl umtóktur millum før­oy­ingar, er ein av býunum, sum hev-ur merkt vaksandi ferðafólkatal. Bý­urin hevur við sínum arkitekturi, ment­an, list, smølum strætum og mongu matstovum drigið eitt vaksandi ferða-fólkatal til sín, og fólk í Barce­lona eru farin at reagera ímóti ferða-vinnuni, sum trýstir bústaðarprísir upp og ger tað trupult at liva og ferð­ast í býnum, tí so nógv fólk eru nógva-staðni. Ramblan mitt í býnum, sum var ein hugnalig handilsgøta, er nú yvirfloymd at ágangandi gøtuseljarum, sum bjóða fólki viftir og floytur. Umleið 58 prosent av fólkunum á Rambluni eru útlendsk ferðafólk, og bert 20 prosent eru lokalfólk, skrivar Fortune.com. Tað er ikki óvanligt at síggja graffiti við áskriftini »You are destroying Barce­lona. Tourists go home«. Átøk Borgarstjóri Ada Colau heldur, at Barce­lona má gera nakað við støðuna, hóast býurin og fólk í býnum hava stórar inntøkur av ferðavinnuni, og tí er býarstýrið í holt við at fyrireika átøk og at seta tey í verk. – Skulu vit ikki enda sum Venesia, mugu vit seta mørk í Barcelona, sigur Ada Colau. Við henni á odda hevur býarstýrið í Barcelona gjørt tað truplari at leiga íbúðir út, og tey hava fyribils sett ein steðg í byggingini av nýggjum gisting­ar­húsum. Onnur átøk verða eisini gjørd. Eitt nú kostar tað átta evrur at vitja Parque Güell, sum er eitt meist-ara­verk hjá arkitektinum Gaudí, og ferða­vinnuavgjøldini eru hækkað. Eisini hevur Barcelona gjørt nýggjar ferðavinnufilmar, sum vísir á onnur støð enn best umtóktu ferðamálini sum Parque Güell, Rambluna og kirkj­una La Sagrada Familia. Í filminum Bye Bye Barcelona vísa handilsfólk, granskarar og lokalfólk á, hvussu fleiri og fleiri fólk verða kroyst út úr sínum bústøðum orsaka av ferðavinnuni, tí fólk vilja forvinna pengar upp á ferðafólk, og býurin er í vanda við at missa sína sál. Hendir tað, verður Barcelona hvørki lokkandi fyri tey lokalu ella ferðafólk. Tí er undirtøka fyri at gera átøk ímóti vaksandi ferðafólkatalinum, og tað er ikki óhugsandi, at nýggj mørk verða sett í komandi tíðum. Piddasahandil skipar fyri bindikapping Fuglafjarðar Heimavirkisfelag skipar í hesum døgum fyri bindikapping um vakrastu og lekrastu troyggjurnar úr føroyskum tógvi og við føroyskum mynstrum. Øll bindiáhugað eru vælkomin at luttaka. Troyggjurnar kunnu vera til kvinnur, menn, gentur og dreingir í øllum støddum. Íblásturin kann vera gamlar myndir av føroyskum fiski­ monnum í bundnum troyggjum, gamlar myndir av skúlaflokkum, bók­in Føroysk Bindingarmynstur v.m. Seinasta freist at lata troyggjur inn í Piddasahandil er 25. August 2016 kl. 16. Ein dómsnevnd við trim­um fólkum velur síðani út mill­um innkomnu troyggjurnar og finnur vinnararnar, sum verða nr. 1, nr. 2 og nr. 3. Vinnararnir verða kunngjørdir á samkomu fyrst í septembur í sam­bandi við Mentanarvikuna í Fugla-firði, har innkomnu troyggjurnar eis­ini verða sýndar fram. Meira um treytir og vinningar á www.ribarhus.com Kappríðing við Leynavatn KAPPRIÐING VERÐUR VIÐ LEYNAVATN LEYGARDAGIN 18. JUNI KL. 15 Kappast verður í hesum greinum: Tølt – Skeið – Trav – Tvíspor ung Tvispor opin flokkur – Tvíspor Vaksin. Meldast kann til á hesum tlf. nr. 511618 - 285129 - 292040 Seinasta freist at melda til kapping er mikukvøldið 15. juni kl. 19