mánadagur 13. juni 2016síða 44

13. JUNI 2016 4 ÓKEYPIS LÝSINGARBLAÐ Hann Hallur av Rana Ein av orsøkunum til vaksandi undir­ tøk­una er helst felagið EinMalt, ið er føroyska whiskyfelagið, ið varð sett á stovn í 2008. Vikublaðið hevur hitt Ronnie Thomassen, formann í EinMalt, til eitt prát um whisky. Støðugt vaksandi áhugi Ronnie Thomassen er skjótur at vátta illgrunan um, at eitt whisky-rák hevur lagt seg yvir landið. – Áhugin fyri whisky er støðugt vaks­andi. Her er ikki talan um snobb­ arí, men fólk úr øllum samfelags­løg­ um, ið njóta at drekka whisky. Vit í EinMalt føla okkum sum eitt slag av slóð­brótarum, ið vísa, at tað at njóta alkohol snýr seg um annað enn at drekka seg fullan, sigur formaðurin. Samstundis sum tað eru fleiri før­oy­ingar, ið hava fingið smakk fyri whisky, so er Rúsan eisini byrja at selja fleiri og betri sløg av whisky. Tað fegnast formaðurin í felagnum um. – Síðsta árið hevur Rúsan lagt seg eftir at fáa so nógv áhugaverd sløg av whisky sum gjørligt, og er tað ser­stak­liga jaligt fyri whisky áhugaðar føroy­ingar. Nú ber eisini til at keypa gott whisky í Føroyum, har vit áður altíð máttu fara útum landoddarnar at fáa fatur á tí. Fyri fimm árum síðani vóru kanska eini fimm sløg av whisky at fáa, nú eru nógv fleiri á hillunum í Rúsuni, sigur Ronnie Thomassen. Góð ráð Ronnie Thomassen hevur eisini nøkur ráð til teirra, ið ynskja at royna whisky fyri fyrstu ferð. – Tað eru eini 100 ymiskir smakkir í whisky og tað er ymiskt hvat fólk dáma. Nøkur dáma væl milt, onnur dáma betri okkurt sterkt. Best er at byrja onkrastaðni í miðjuni og so leita fram harfrá. Tí er tað eitt gott hug­skot at møta upp til tiltøk hjá okkum, har tað ber til at royna fleiri ting uttan at gera íløgu í fleiri fløskur. Spurdur um tað eru nakrar fløskur, ið hann kann viðmæla, nevnir hann fýra sløg, ið til ber at keypa í Føroyum. Ísur oyðileggur whisky Nógvir mátar eru at njóta eitt glas av whisky, og tað er ikki heilt ókent, at lata ísterningar ella nakrar dropar av vatni í glasið. Føroyingar hava eis­ini fram­leitt basaltsteinar, ið sig­ ast at skulu vera góðir at lata í glasið. Hetta hóvar for­mann­ inum í EinMalt lítið. – Um nakar kemur inn til eitt av okkara tiltøkum og biður um ís í, so skal eg sjálvur blaka viðkomandi út. Ísur oyðileggur whisky, og er tað ring­asta, ið ein kann gera við whisky. Eg vil fara so langt sum at siga, at tað er deyð­synd at drekka whisky við ísi. Gott whisky verður drukkið í stovuhita. Heldur ikki føroyska basalt­stein­ arnir fáa góð skoðsmál. – Onkur heldur seg hava fingið hetta góða hugskotið, men tað frá­ mæli eg upp á tað sterkasta. Hóast tað ikki kemur upp á tal at koyra ísterningar í whisky-glasið, so er tað í lagi at koyra nakrar dropar av vatn í glasið. Tað betrar nevniliga um upp­livingina, sambært Ronnie Thomassen. – Tað er í ordan at koyra vatn í, men ikki meira enn tveir dropar. Tað gevur eina effekt, ið ger at whiskyið letur seg upp og fær ein sterkari smakk, sigur Ronnie Thomassen at enda. hallur@sosialurin.fo • Ardbeg Malt 10 ár 46% • Springbank Malt 15 ár 46% • Glenfarclas 105 60% • Craigellachie 13 ár 46% Tað sæst meira og meira. Menn úr øllum aldursbólkum og úr øllum stættum leggja myndir út á Facebook og aðrar sosialar síður, ið vísa teir njóta eitt glas av whisky ella reypa av luttøku til whiskysmakking onkra staðni í Føroyum Whisky er ikki snobbarí Ronnie Thomassen formaður í EinMalt