mánadagur 13. juni 2016síða 62

13. JUNI 2016 22 ÓKEYPIS LÝSINGARBLAÐ Hann Danjal av Rana Tað eru tvey ting, sum eyðkenna skó­ mótan hjá mannfólkum í summar. Tað fyrra, heilt eyðsýnta, er at skógvarnir nú skulu hava ljósan botn. Í veruleikanum er í tí stóra og heila talan um somu skógvar sum um veturin, men nú við ljósum botni og úr lættari tilfari. Skógvurin sær lætt­ari og meiri sportsligur út, tí litir­nir eru ljósari, og hann er eisini lætt­ari, tí tilfari ikki er líka sterkt og tungt. Tó er líkt til, at føroyskir menn aftra seg við at keypa ljósar skógvar. Skó­sølurnar boða frá, at tað tykist sum menn óttast, at teir ikki halda sær líka væl sum teir myrku, tyngru vetrar­skógvarnir, men tann óttin er ógrundaður. Aftur í ár eru tað nógvir svartir skógvar, men eisini er heilt nógv at fáa í bláum. Bláu skógvarnir komu á banan fyri nøkrum árum síðani og hava veru­liga fingið fótafesti millum manna. Líkt er tí til, at blái skógvurin fer at fylgja okkum í mong ár framyvir. Í ár er tó tann brúni liturin á veg inn aftur, serliga tá talan er um skógvar til klædningin. Klædningsskógvarnir eru eisini vorðnir eitt sindur rundari í tí, ikki so langir og spískir, sum teir hava verið seinastu árini. Kortini siga skósølurnar, at tað er torført at fáa fólk at skifta svørtu skógv­ar­nar um við brúnar. Fólk halda, at svartir skógvar hoyra til klædn­ ingin, men tað er einki í vegin við at nýta brúnar skógvar, serliga um tú hevur eitt brúnt belti til. Og til ein myrka­bláan klædning er tað jú heilt víst betri við brúnum enn svørtum skóm. danjal@sosialurin.fo Bláar skógvar við ljósum botni og brúnar skógvar til klædningin. So kann summarið koma Brúnu skógvarnir komnir fyri at vera Urið Tað kann væl vera, at fólk leggja betri til merkis sólbrillurnar ella skógvarnar, men lítið sigur so nógv um mannin sum urið. Spurningurin er so ikki einans, hvat merki ein skal fáa sær. Ein má eisini velja røttu reimina, eins og røttu skivuna. Dýru merkini sum Rolex og Patek Philippe hava sína sjarmu, men eru ofta uttan fyri prísklassan hjá mongum og kunnu vera torfør at fáa hendur á her heima. Ella er tað kanska einans Apple Watch, sum hevur tín áhuga? Her í Føroyum er talan í stóran mun um merki sum Seiko, Hugo Boss, Festina og danska Skagen. Hvat reim­um viðvíkur hevur tú valið mill­ um leinkju ella leður. Leðurreimin er klass­iskari, kanska meiri tíðarleys, meðan leinkjan er meiri nýmótans. Hon hevur tó tann vansa, at onkrar hava lyndi at royta, sum kann vera ein trupul­leiki hjá onkrum lodnari mann­ fólkum. So er tað skivan. Ert tú til tað klass­isku skivuna, sum vísir hvat klokk­an er, kanska hvør dagur tað er eis­ini? Ella vilt tú hava eina, sum vísir sólar­støðu, barometur, og millisekund eisini? Her tykist tað kanska, sum eitt aldurs­mark er, har menn fara burtur frá meiri hátøkniligu loysnunum yvir til tær klassisku reinu skivurnar. Ein kann hava fleiri ur, so at ein hevur okkurt at velja ímillum, men ein bíligari loysn er at keypa ymiskar reimar. Á hendan hátt kanst tú broyta út­sjóndina uttan at tað kostar tað heilt stóra. Eitt er tó heilt vist og tað sæst týðiliga í miðlum allastaðni. Eitt mann­fólk er ikki eitt mannfólk, fyrr enn hann hevur eitt ur um handliðið. Urið sigur líka nógv um teg sum klædnastílurin og hárstílurin. Urið er nógv meiri enn eitt tól, ið sigur tær hvat klokkan er. Tað er eitt tilhoyr, líka týdningarmikið sum tær røttu sólbrillurnar Danjal av Rana