mánadagur 20. juni 2016síða 28

VIKA 25 • 20. JUNI 2016 4 MIÐLAHÚSIÐ ÓKEYPIS LÝSINGARBLAÐ Helgi fekk riddara­ krossin frá drotningin Hallur av Rana M ikudagurin 15. juni 2016 er ein dagur, ið fer at liva leingi í minninum hjá 69 ára gamla Helga Fossádal. Í góðveðrinum hendan dagin fór hann sjálvur annar umborð á danska kongaskipið Dannebrog, har hennara hátign Margreta, drotning, festi riddarakrossin á bringuna hjá hon­um. Saman við Jenisi av Rana, løg­tings­limi, vóru teir teir einastu, ið fingu heiðursmerkið frá drotningini á henn­ara vitjan hesaferð. – Eg eri sera glaður fyri hendan heið­urin, ið er mær vístur, sigur Helgi Fossádal, tá Vikublaðið fekk orðið á hann nakrar dagar eftir handanina. Uppringdur av ríkisumboðnum Vikurnar upp til vitjanina hjá drotn­ingini var Helgi Fossádal upptikin við at fyrireika framsýningina í Reinsa­rí­num um kongsvitjanir í Føroyum. So tað var als ikki í huganum hjá Helga Fossá­dal, at hann var upp á tal at fáa riddarakross hesaferð. Boðini um, at hann var innstillaður til riddarakrossin fekk hann fjúrtan dagar áðrenn drotningin kom til Før­oyar. – Tað var Dan M. Knudsen, ríkis­umboð, ið ringdi til mín við boðunum um, at eg var innstillaður til at fáa riddarakrossin. Tað kom sum ein skelkur, tí tað var eg slett ikki klár­ur uppá. Eg mátti tí biðja um um­hugs­unartíð, men ringdi so longu aftur dagin eftir og takkaði ja, greiðir Helgi Fossádal frá. Stórsligið at koma umborð Mikudagin í síðstu viku varð so dagurin, tá Helgi Fossádal skuldi møta á Bursatanga, har kongaskipið Dannebrog lá við kai. Hóast hann áður hevur møtt drotningini fleiri ferðir, so var talan um eina heilt serliga upp­living hesaferð. – Sum stjóri í Listaskálanum havi eg møtt drotningini fleiri ferðir, og á hesi vitjanini hevði eg eisini greitt henni frá framsýningini í Reinsarínum, tá hon vitjaði har. So eg var róligur, tá eg fór umborð, men tað var stórsligið at koma umborð á Dannebrog. Komin umborð varð Helgi Fossádal vístur inn í eina kahútt, har drotningin stóð við heiðurstekninum. – Hon tók tað úr eini eskju, og hefti tað á vavið á jakkanum, og segði nøkur orð, lýsir Helgi Fossádal løtuna, tá hann fekk fest Riddarakrossin á bringuna fyrstu ferð. Bankamaðurin sum gjørdist listamaður Flestu føroyingar munnu kennast við navnið Helgi Fossádal frá tíðini, tá hann var stjóri í Listasavni Føroyar, og sjálvur sigur Helgi Fossádal, at tað er fyri hansara íkast innan føroyska list, at hann nú hevur fingið heiðursteknið frá drotningini. Áhugin fyri list byrjaði longu á ung­um aldri og keypti Helgi Fossádal sítt fyrsta listaverk sum sekstan ára gamal. – Tá hevði eg longu sjálvur málað og teknað í nøkur ár, men gavst nokk so tíðliga. Men eg kom kortini í sam­band við nógv listafólk, tá eg byrjaði at eta í Madam Ellingsgaard. Har komu nógv av okkara kendu listafólkum, og kom eg reiðiliga inn í tað umhvørvið tá, greiðir Helgi Fossádal frá. Seinni gjørdist hann so nevndar-lim­ur í ymiskum listafeløgum, og tók í 1978 við nevndarsessinum í Lista­felag Føroya, tá William Heinesen legði frá sær. – Har var eg við til at gera við­tøk­urnar fyri Listasavn Føroya, tá Lista­felag Føroya og Føroya Listasavn løgdu saman og gjørdust til Listasavn Føroya í 1989. Eg sat síðan sum nevndarlimur í nýggja felagnum til 2003, tá eg tók við stjórasessinum, ið eg røkti fram til 2011, sigur Helgi Fossádal. hallur@sosialurin.fo – Tað kom sum ein skelkur, tí tað var eg slett ikki klárur uppá. Eg mátti tí biðja um umhugsunartíð, men ringdi so longu aftur dagin eftir og takkaði ja, greiðir Helgi Fossádal, fyrrverandi stjóri í Listasavninum, frá, um løtuna tá hann fekk at vita, at hann varð innstillaður til riddarakross Í góðveðrinum mikudagin festi hennara hátign Margreta drotning riddarakrossin á bringuna hjá Helga Fossádal Keypssamtøkan í Vágum FK í Vágum sóknast eftir Handils lærlingi til deildina í Miðvági at byrja 11. juli ella eftir nærri avtalu Krøv um útbúgving · FHS - 3 ára lærutíð · HH - 2 ára lærutíð · Student ella HF - 2 ár og 18 vikur Vit bjóða einum drongi ella einari gentu, við dirvi og áræði, eina útbúgving undir skipaðum viðurskiftum, í einum handli, sum lív er í Arbeiðstíð: 40 tímar um vikuna. Nakrar ferðir í lærutíðini verður farið á skeið í Danmark Okkara krøv: Tú skalt vera fyrikom andi, kundavinarlig/ur, røkin, hevur góð sam- starvsevni Løn: Sambært S&K sáttmálanum Aðrir upplýsingar fáast við at ringja til 660061 ella 221130 og spyrja eftir Álvi Samuelsen Umsókn: Skrivlig umsókn, merkt Lærlingur, skal í seinasta lagi 2. juli 2016, saman við próvtøkuskjali send ast til FK Vágar FO 370 Miðvági Att.: Álvur Samuelsen Tel 66 00 61 - 22 11 30 ella sum teldupostur til: as@fk.fo