mánadagur 20. juni 2016síða 42

VIKA 25 • 20. JUNI 2016 18 ÓKEYPIS LÝSINGARBLAÐ TEMA Fuglafjørður Vilmund Jacobsen Í mai mánaði í ár samtykti Fugla­ fjarð­ar býráð einmælt at byggja nýggj­an barnaskúla, sum kemur at hýsa grunddeild, miðdeild, forskúla og frítíðarskúla. Her verður eisini bóka­ savn, kantina, felagshøll og floks­ stovur. – Málið hjá okkum er í fyrsta byggi­ stigi at byggja nýggjan barnaskúla, sum tilsamans verður umleið 3.200 fermetrar - og í øðrum byggistigi at dagføra eftirverandi skúla. Borgarstjórin í Fuglafjarðar komm­ unu, Sonni á Horni, sigur, at ein tørvs­ lýsing er gjørd sum sigur, hvat inni­ haldið í nýggja skúlanum skal verða. Hann vísir á, at tilmælið fevnir um eina heildarætlan fyri skúlabygging við byggiskrá, sum yvirskipað lýsir tíðar­ætlan, kostnaðarkarm og náms­ frøðilig og teknisk atlit. Vilja vera fremst Skúlabyggingin skal verða ímynd av, at Fuglafjørður ynskir at vera fremst, tá ræður um skúla, tónleik og list. – Hetta skal síggjast aftur í byggi­ listini við nýskapandi og framskygdum karmum, har arkitektururin og náms­ frøðin ganga hond í hond. Sonni á Horni vísir á, at nýggi skúl­ in verður meira enn ein vanligur skúli, og hann skal helst verða opin frá tíð­ liga á morgni til seint á kvøldi. – Málið er, at skúlin skal verða ein mentanardepil til frama fyri alla bygdina, og her skal rúmast tónleikur, list, náttúrulæra, kvøldskúli og ymiskt frítíðarvirksemi. Hann sigur, at nýggi skúlin fer at hava eina dupulta fimleikarhøll, sum gevur rúm fyri eitt nú flogbólti og badminton og umleið 100 áskoðarum. – Skúlin skal snøgt sagt verða ein aktivur partur av bygdini. Borgarstjórin vísir á, at tekn­ing­ar­ nar væntandi verða lidnar í september, og ætlandi skal nýggi skúlin standa liðugur í august í 2019. Kveikjandi lærugreinar Tað er fuglfirðingurin, Rúni Abra­ham­ sen hjá MAP Arkitektum, sum hevur átikið sær uppgávuna at tekna skúlan. – Arbeitt hevur verið frá januar í ár til í mai, og byggiskráin er lýst í snøggum faldara. Sonni á Horni sigur, at tá hædd verður tikin fyri náttúrupartinum, verð­ur ikki minst hugsað um, at Fugla­fjørður er umgyrdur av náttúru og vinnu­lívi. – Vit hava kreativar fyritøkur í kommununi, sum eisini framleiða til altjóða marknaðin. Hesar fyritøkur eru alla tíðina í menning, og eg ivist onga løtu í, at tað er í skúlanum, at grund­ar­lagið verður lagt fyri nógvum av hes­um. Umframt at leggja áherðslu á tón­leik og list, verða náttúru­læru­ grein­irnar innrættaðar á ein nýggjan og kveikjandi hátt, har dentur verður lagdur á læring við royndum. Niðurríving og dagføring Borgarstjórin sigur, at elsti parturin av skúlanum í Fuglafirði er frá 1936, og hin nýggjasti er frá 2005. – Eg vænti, at 1936-skúlin verður rivin niður, men at 1964-skúlin verð­ur verandi og verður dagførdur í øðr­um byggistigi í samlaðu skúla-verk­ætl­ anini. Tað vísir seg, at konstruktiónin í 1964-skúlanum er í lagi, og mett verður, at hann kann verða karmur um nýggja hádeild í seinni byggistigi, tá hann helst eisini verður klæddur. Sonni á Horni vísir á, at kantinan í nýggja skúlanum verður umleið 300 fer­metrar, og nýggja og stóra fim­leikar­ høllin verður stívliga 400 fer­metrar. Borgarstjórin sigur, at metti kost- naðurin av ætlaðu skúla­byggingini í Fuglafirði, sum í hesum førinum fevnir um tilsamans 3.200 fermetrar, verður 96 miljónir krónur, og tá er meir­virðisgjald eisini íroknað. – Uppi í kostnaðinum er eisini inn­ rætting av útiøkjum, innbúgv og list­ prýði. Borgarstjórin leggur aftrat, at í øðrum byggistigi verður hádeild og umsitingarbygningur, og tað verður í hesum seinna byggistigi, at svimji­ høllin verður tikin við. Fuglafjørður fær ein framtíðar barnaskúla – Vit ynskja at verða fremst, tá ræður um skúla, tónleik og list, sigur borgarstjórin í Fuglafjarðar kommunu, Sonni á Horni – Umframt at leggja áherðslu á tónleik og list, verða náttúrulærugreinirnar innrættaðar á ein nýggjan og kveikjandi hátt, har dentur verður lagdur á læring við royndum, sigur Sonni á Horni, borgarstjóri Mynd: Vilmund Jacobsen Nýggi skúlin í Fuglafirði verður umleið 3.200 fermetrar og fer at kosta umleið 96 miljónir kónur, tá alt - eisini meirvirðisgjald - er íroknað