mánadagur 20. juni 2016síða 46

VIKA 25 • 20. JUNI 2016 22 ÓKEYPIS LÝSINGARBLAÐ TEMA Fuglafjørður Trygdartøkni veitir trygd, dygd og tænastu – Kjarnuøkini hjá okkum eru í stuttum alarmskipanir, vakmyndatól og elektroniskar lásaskipanir, sigur Jógvan Høgnesen, stjóri og eigari av Trygdartøkni Vilmund Jacobsen Tað er leirvíkingurin, Jógvan Høgne­ sen, sum eigur og rekur fyritøkuna, Trygdartøkni Sp/f, ið er fyritøka við stórari fakligari vitan innan trygdar­ økið. Sjálvur er Jógvan Høgnesen út­ búgvin elektronik faktøkningur og hev­ur meira enn 11 ára starvsroyndir innan trygdarøkið á privata marknað­ inum. Umframt sína útbúgving, hev­ur hann eisini lokið skeið og góð­kenn­ ingar innan sjálvvirkandi inn­brots­ ávaringarskipanir (AIA), sjálvvirkandi eldávaringarskipanir (ABA), sjálv­virk­ andi atgongueftirlitsskipanir (ADK) og vakmyndaskipanir (ITV). Ráðgeving og heildarloysnir Serkunnleikin hjá Trygdartøkni er at veita ráðgeving og heildarloysnir innan trygdarøkið í breiðum høpi, her undir sølu, uppsetan og viðlíkahald av
vakmyndatólum, alarmskipanum og elektroniskum lásaskipanum. – Vit samstarva eisini við stats­ góð­kendan alarmsentral í Danmark um yvirvaking av alarmum og vak- mynd­um. Hetta gera vit fyri at kunna veita bestu trygd, dygd og tænastu á økinum til okkara kundar. Jógvan Høgnesen dylur ikki fyri, at málið hjá Trygdartøkni avgjørt er at vera leiðandi í Føroyum innan síni kjarnuøki. – Fer ein alarmur í gongd, senda vit ein trygdarvørð á staðið at kanna eftir, hvat er á vási, og farið verður ikki av staðnum aftur, fyrr enn vissa er fingin fyri, at alt er trygt. Hann leggur aftrat, at tænast­ur­nar, sum Trygdartøkni veitir, verða skip­aðar eftir nærri avtalu við ávísa kundan. Vinnufyritøkur og stovnar Í stuttum eru kjarnuøkini alarm- skipanir, vakmyndatól og elektroniskar lásaskipanir. – Hvørjar av hesum tænastum telja mest í okkara verandi virksemi, er trupult at siga, tí ymiskt kann vera frá degi til dags, hvør tørvurin hjá kund­anum er. Jógvan Høgnesen sigur, at Trygd­ar­ tøkni serliga ger tænastur fyri vinnu- fyritøkur og almennar stovnar Fyritøkan, sum enn bara hevur eitt hálvt ár á baki, hevur í løtuni trý fólk í starvi, harav eigarin sjálvur er royndur í leikum innan hesi fakøki og dugir alt, sum er at duga innan kjarnuøkini hjá fyritøkuni. Tey, sum kundu hugsað sær at spurt seg fyri um tænastur hjá Trygd­ar­tøkni, kunnu ringja á tlf. 550055, eins og hyggjast kann inn á heimasíðuna hjá fyritøkuni www. trygdartokni.fo, har neyvari kunning er um alt tað, sum fyritøkan arbeiðir við. Trygdartøkni hevur trý fólk í starvi. Eigari og stjóri er Jógvan Høgnesen, sum hevur meira enn 11 ára royndir á teimum økjum, sum fyritøkan arbeiðir við Mynd: Vilmund Jacobsen Vilmund Jacobsen Tá varmakeldustevna verður í Fugla­ firði leygardagin 2. juli, fer Dugni á Kambsdali at skipa fyri marknaðar- degi, har fólk kunnu keypa sær eitt borð fyri 250 krónur og síðan selja sínar vørur á marknaðardegnum. Dugni á Kambsdali plagar annars at hava sín marknaðardag fyrst i juni, men í ár hava tey so valt at hava dagin, tá varmakeldustevna verður. Endurnýtsla og heimavirkað Torgerð Hansen, leiðari á Dugna, sigur, at tað vanliga eru privatfólk, sum selja heimavirkaði pløgg, smúkkur og ymiskt úr glasi ella leiðuri. Hon heldur, at lutir evnaðir úr eitt nú horni eisini høvdu riggað væl til slíkt høvi sum marknaðardagin. – Fólk kunnu selja tað, tey vilja, men vit vilja helst, at talan er um heima­virkaðar vørur og ymiskar vørur evnaðar úr endurnýtslutilfari. Torgerð Hansen sigur, at longu nú eru nøkur borð bíløgd til mark­ naðar­dagin, men pláss er saktans fyri nøkrum seljarum aftrat. – Undanfarin ár hava vit havt fleiri áhugaverd fólk við. Ein er Frida Meinertsdóttir Reyná, sum er so ófør við heimavirkaðum og eitt annað kent andlit, sum eisini verður við á marknaðardegnum hesaferð, er Elin Linden­skov, sum ger so mangt for­ vitnis­ligt, eisini lutir úr glasbrotum. Ein familjudagur Marknaðardagurin hjá Dugna á Kambsdali hevur eini seks ár á baki, og tað var í sínari tíð Laila Solmunde, sála, sum skeyt upp at lata dyrnar upp á henda hátt fyri almenninginum. – Henda dagin, tá marknaðar­ dag­urin verður, fara arbeiðsfólkini á Dugna eisini at hava kafé, har fólk kunnu keypa sær ymiskan bakstur, lag­køkustykki, pylsubreyð umframt lesk­andi. Torgerð Hansen sigur, at uttan fyri bygningin á Kambsdali verður eisini hoppiborg, fiskibrunnur og her verður ponyríðing. – Arbeiðsfólkið hevur gjørt fisk­ ar­nar til fiskibrunnin úr træi, og hesir skulu krøkjast upp úr karinum. Alt eftir, hvørjan lit fiskarnir hava - gulir, reyðir og bláir - fella vinningarnir. Onkur fiskur hevur gullmerki á og tey, sum fáa henda fiskin, kunnu velja sær vinning av ovastu hillini sum er góðar og frávaldar leikur. Marknaðardagurin á Dugna verður soleiðis eisini ein familjudagur, har øll kunnu verða við. Tað verður ókeypis at koma á marknaðardagin, og tað er bara tað, tú keypir, sum goldið verður fyri. Mangt og hvat Marknaðardagurin verður opin leygar­ dagin 2. juli frá klokkan 10 til 16. – Er tað onkur, sum kundi hugsað sær at bílagt sær borð til dagin, eru fólk hjartaliga vælkomin at ringja á tlf. 350350. Hon endurtekur, at fólk kunnu selja tað, tey vilja. – Einasta, sum vit ynskja, er, at talan er um heimavirkað ella endur­ nýtslu­ting. Hinvegin er eisini høvi hjá bøndrum eitt nú at selja av sínari grøði. Torgerð Hansen sigur, at onkuntíð hava børn havt eitt borð, har tey hava selt leikur, sum tey ikki tíma at brúka meira. – So, møguleikarnir eru nógvir og ymiskir, leggur leiðarin á Dugna aftrat. Dugni marknaðardag á varmakeldu – Fólk kunnu selja tað, tey vilja, men vit vilja helst, at talan er um heimavirkaðar vørur og ymiskar vørur evnaðar úr endurnýtslutilfari, sigur Torgerð Hansen, leiðari á Dugna Leygardagin 2. juli skipar Dugni á Kambsdali fyri marknaðardegi, har fólk hava høvi at selja ymiskt