mánadagur 27. juni 2016síða 16

Mánadagur 27. juni 2016 · Nr. 73 16 Sosialurin Hugskot og viðmerkingar – send sms til 225000 Neli Heldarskarð FÓTBÓLTUR Dagarnir hjá mongum fót­ bólts­fjeppara eru fram­vegis merktir av EM-enda­spæl­ inum í Fraklandi. Seinni í dag verða tvær áttanda­parts­ finalur spældar, og hesir dystir fara óivað at verða sæddir av mongum fjepp­ ara. Fyrst eru tað fótbólts­ stór­veldini bæði, Italia og Spania, ið bresta saman klokkan 17, áðrenn okkara væl um­tókta grannatjóð fyri vestan, Ísland, skal spæla um víðari luttøku ímóti EU-leysa Onglandi klokkan 20. Seks av teimum átta lond­unum, ið skulu spæla fjórðings­finalu í EM, blivu funnin í vikuskiftinum. Lond­ini eru Pólland, Wales, Portugal, Frakland, Týskland og Belgia. Júst vertstjóðin, Frak­land, var kanska tann størsti favo­ritturin í síni áttandaparts­finalu, men fransar­nir komu í óvæntaðar trupul­leikar, tá ið Írland legði seg á odda 0-1. At enda bleiv tað tó til favorittsigur, tá ið Antoine Griezmann við tveimum málum tryggjaði Fraklandi ein tepran 2-1 sigur. Besta fótbóltstjóðin í Suður­amerika eitur hvørki Brasilia ella Argentina – hon eitur Kili. Hetta er greitt eftir finaluna í Copa América, sum varð spæld í nátt ímill­ um Kili og Argentina. Fyrstu 120 minuttirnir endaðu mál­leysir, men suður­ameri­ kanska vreiðin kom til sjóndar, tá ið tveir mans frá hvørjum liði fingu reytt kort. Alt endaði við brots­ sparks­kapping, ið Kili vann 4-2. Hetta er annað árið á rað, at Kili vinnur Copa América. Í fjør var søgan tann sama, tá ið langa og klæna landið eis­ini vann kappingina eftir brots­sparks­kapping ímóti júst Argentina. Finalutapið fær víð­gongd­ ar avleiðingar fyri argen­ tinska landsliðið. Størsta stjørnan av teimum øll­um, Lionel Messi, hevur nevn­ iliga kunngjørt, at hann steðgar á landsliðnum, hóast hann bara er 29 ára gamal. Orsøkin sigst vera, at Messi nú hevur luttikið í fýra lands­liðs­finalum, sum allar eru blivnar taptar – tríggjar ferðir í Copa América (2007, 2015 og 2016) og einaferð í HM (2014). Tað hevur kanska undrað, at nýggi venjarin hjá Man­chester United, José Mourinho, framvegis ikki hev­ur styrkt um hópin til kom­andi kappingarárið, men hetta verður helst broytt nú. Sambært bretska Sky Sports skuldi verið so gott sum vist, at Zlatan Ibrahimovic og Henrikh Mkhitaryan verða nýggir spælarar í United. Zlatan Ibrahimovic er sátt­ mála­leysur eftir tíðina í Paris Saint-Germain, meðan armenski Mkhitaryan eftir øllum at døma verður keypt­ ur frá Borussia Dortmund – prís­urin sigst at liggja um 250 milliónir. Um tað er nakað felag, ið kann sigast at vera eitt vinar­felag hjá Liverpool, so man tað vera Southampton. Sein­astu tvey árini hevur Liver­pool keypt heili fýra leikarar frá felagnum fyri sunnan, og nú sigst tann fimti vera ávegis. Talan er um senegalesiska Sadio Mané, ið sambært BBC verð­ ur keyptur fyri heili 300 milliónir. Álopssinnaði mið­ vallarin skal til lækna­kann­ ing seinni í dag. Sum man hevur hoyrt tey seinastu nógvu summørini, so sóknast Arsenal eftir ein­ um áleypara. Daily Mirror sigur seg vita, at teir reyð­ hvítu úr norðara part­ inum í London dyrgja eftir Alexandre Lacazette hjá franska Lyon. Vandamikli fram­herjin skoraði heili 21 mál í 34 dystum í farna kappingar­ári. Tróndur Arge dugir ann­ að enn at tosa um fótbólt – hann dugir eisini at spæla fót­bólt! Hetta prógvaði hann leygardagin í 1. deild, tá ið hann legði Giza Hoyvík á odda 1-0 ímóti næstbesta lið­ num hjá AB. Dysturin endaði 5-2 til Giza Hoyvík.  ÍF og B36 verða óivað lið­ ini, sum flyta upp úr 2. deild í 1. deild. Seks umfør eru eftir nú deildin er farin í summar­ frí, og liðini hava ávíkavist 14 og 12 stig niður til nummar trý í triðbestu deildini hjá monn­um. HONDBÓLTUR U18-kvinnulandsliðið, ið skal luttaka í European Open frá 3.-7. juli, varð úttikið fríggja­ dagin. Venjararnir báðir, Bárður Johannesen og Julian Johansen, hava úttikið hesar 16 leikararnar: Annika Fríheim Petersen, Vár Højgaard Thomsen, Margit Weihe Fríðmundsdóttir, Marianna Geirsdóttir Eystberg, Naja Topholm Thomsen, Fríða á Dunga, Rannvá Dahl Hanusson, Súna Krossteig Hansen, Ingunn Kristina Persson, Siw Matras, Maria Halsdóttir Weyhe, Beinta Bárðardóttir, Lea Durhuus, Tóra Eliasen, Magna Tórðardóttir og Drós Ragnarsdóttir. FRÆLSUR ÍTR Landsliðið í frælsum ítrótti fer at luttaka í svensku kapp­ ingini, VU Spelen, komandi viku­skiftið. Íðkararnir, sum fara út um landoddarnar, eru hesir: Rebekka Fuglø, Oddvør Josephsen, Óluva A. Joensen, Birita Ryan, Edna Maria Debes, Alda S. Lamhauge, Julian Gregersen, Tórur Mortensen, Tummas N. Arge, Elisabet Holm Simonsen, Andrea K. Møller, Bára J. Glerfoss, Kristianna S. Joensen, Jana Mittún, Erna K. Hansen, Jan Elmar Sørensen og Miso Buha. SÚKKLING Tað byrjar at stunda til Tour de France, ið fer av bakka­ stokki leygardagin. Fyrr í dag varð kunngjørt, at 26 ára gamli danin, Christopher Juul-Jensen, fyri fyrstu ferð skal luttaka í heimsins størstu súkklukapping. Hann er fjórði dani, ið higar­ til er út­tikin til kappingina. Hinir eru Lars Bak, Michael Mørkøv og Chris Anker Sørensen. TENNIS Caroline Wozniacki er farin átta pláss aftur á nýggja styrkis­listanum hjá kvinnu­ lig­um tennis­leik­arum. Danski tennisleikarin var numm­ar 37, men er nú numm­ar 45. Hon fer nú at lut­taka í árligu Wimbledon- kapp­ing­ini, sum byrjaði klokk­an 11 í dag. neli@sosialurin.fo STUTTSØGD TÍÐINDI MESSI LEGGUR KONGIN ÍSLAND AFTUR Í ELDIN Stuttsøgdu tíðindini snúgva seg fyrst og fremst um fótbólt, nú EM-fepurin er í hæddini. Hinar ítróttargreinirnar verða tó ikki gloymdar