hósdagur 30. juni 2016síða 6

FRÍGGJADAGUR 1. JULI 2016 SOSIALURIN 75 6 Kvinnur á arbeiðsmarknaðinum BARBARA HOLM H on hevur sitið í álitis­ størvum í Eik banka, starv­ast í banka­heim­ inum í eitt ótal av árum og hevur allar tær nýggj­ astu bankaútbúgvingarnar. Hon er uttan iva so mikið roynd og út­ búgving, at hon kundi givið einum arbeiðsplássi nakað, sum kanska tey nýútbúnu ikki hava. Ella tað skuldi ein trúð. Men veruleikin er, at tá Bergun Kass søkir størv, so verður hon ikki so mikið sum kalla inn til sam­røðu – hóast hon er væl meira kvalifi­ serað, enn starvið leggur upp til. Spurn­ingurin er hví og svarið er ivaleyst ógvuliga samansett og indi­viduelt fyri hvørja fyritøku sær. Men givið er, at Bergun er ein av fleiri miðalaldrandi kvinnum í klass­iskum mannfólkafakum, sum hevur trupulleika við at fóta sær. Hví? – Tað eru sikkurt fleiri orsøkir. Men eg haldi ein er, at typiskir leið­ andi menn og kvinnur, ið líkjast monn­um síggja ikki týdningin av teimum økjunum, sum kvinnur sum eg umboða, sigur Bergun Kass. Hon sipar til tann tað typuna, hon sjálv sigur seg vera. Eina kvinnu uppá kvinnupremissur. – Eg havi til dømis høgan kenslu­ligan intelligens (EQ) og tað eru mangar kvinnur við mær, sum hava tað sum styrki. Men mannligir leiðarar síggja ikki týdningin av tí, sigur Bergun Kass. Hon hevur sum nevnt starvast í einari vinnu, sum má sigast at vera heldur mannfólkadominerað. Og tað var í bankavinnuni, at hon eyg­leiddi størsta munin millum kynini. Kvinnur dansa eftir mannfólkapípuni At tað er munur á kynunum er væl eingin, sum ivast í. Munurin millum kynini kemur til sjóndar á øllum arbeiðsplássum, har bæði kynini eru umboðað. Men royndirnar hjá Bergun vísa, at tað ikki bert eru óviðkomandi munir, sum gera seg galdandi, tá ið umræður arbeiðs­ innihald. – Tað var jú púra vanligt at síggja, at kvinnur og menn sótu hvør sær í kantinuni og at kynini býttu seg upp eisini arbeiðsliga, sigur Bergun Kass. Og tá so at siga allir leiðarar á hesum øki eru menn, so er tað væl ein sannroynd, at aðrir menn hava lættari við at sleppa framat leiðandi størvum. Meðan kvinnur­ nar – ja tær eru á øðrum økjum. – Trupulleikin tá er, at allir leið­ararnir eru somu typur, sigur Bergun Kass. Tað, sum Bergun upplivdi á hes­ um økinum er, at dugnaligu kvinn­ ur­nar síðani køvdu sínar sterkastu eginleikar, og ístaðin royndu at liva upp til teir eginleikar, sum mannligu leiðararnir sjálvir høvdu og høvdu virðing fyri. Typiskir leiðandi menn og kvinnur, ið líkjast monnum síggja ikki týdningin av teimum økjunum, sum kvinnur sum eg umboða« Bergun Kass – Eg vil tala at, tí eg vænti tað eru fleiri miðalaldrandi kvinnur við mær, sum sita kroystar millum menn og sum hava mist seg sjálva burtur í einari mans­ domineraðari verð, sigur 56 ára gamla Bergun Kass, sum í dag er arbeiðssøkjandi ÓSJÓNLIGU KVINNURNAR Í FØROYUM Framhald á næstu síðu – Trupulleikin tá er, at allir leiðararnir eru somu typur, sigur Bergun Kass MYND: ÁLVUR HARALDSEN PERSÓNSSØGA Bergun Kass