mánadagur 4. juli 2016síða 12

Mánadagur 4. juli 2016 · Nr. 76 12 Sosialurin Hugskot og viðmerkingar – send sms til 225000 Árni Gregersen Tað kann gott vera, at ljóðmennirnir fingu eina eyka avbjóðing, men tað var eitt upplivilsi fyri tey mongu, sum fríggjakvøldið fingu høvi at hoyra stórfingnu konsertina í goymslutunlunum í Fuglafirði. Fuglafjarðar Hornorlestur, sang­bólkurin Vega,Tórshavnar Mans-kór, Lena og Niklas, Marius og Punjab fingu tað at runga inni í fjallinum aftanfyri Havsbrún á bryggjuni. Havsbrún bjóðai til konsertina í sambandi við, at fríggjadagin vóru 50 ár liðin síðani verksmiðjan fór undir at framleiða mjøl og lýsi í Fuglafirði. Fyrsta skipið, sum landaði til Havsbrún var nótskipið Beinil hjá Kimbil í Havn. Hetta var 30. juni í 1966 – og dagin eftir var farið undir framleiðsluna. Havsbrún hevur flutt seg síðani tey fyrstu árini og er í dag ein verksmiðja, sum framleiðir fóður til laksaalingina. Í staðin fyri sum tey fyrstu árini, bert at framleiða lýsi og mjøl til onnur at blanda uppí fóður, serliga til landbúnaðin, so er verksmiðjan í dag ein partur av Bakkafrost. Fóðurdeildin framleiðir fóður til laksaalingina hjá somu fyritøku. 75 fólk Eini 75 fólk arbeiða fast hjá Havs­ brún. Starvsfólkini trívast væl á fyri­ tøkuni. Besta dømi er helst Marius Petersen, sum hevur arbeitt har síðani 1970, burtursæð frá einum ári. – Ja, eg haldi eg kann siga, at her er eitt selrigt samanhald á virk­inum. Helst er tað tí, at starvs­ fólkini trívast so væl her, sigur Odd Eliasen, sum er stjóri á Havsbrún. Gjøgnum árini hevur Havsbrún verið ein stórur partur av føroysku alingini og í 2011 keypti Bakkafrost fyritøkuna. Í seianstu íløguætlanini hjá Bakka­frost verður sagt, at einar 400 milljónir verða brúktar til íløg­ ur á Havsbrún komandi fim árini. Í sambandi við 50 ára dagin var stór móttøka á Havsbrún seinna­ partin fríggjadagin. Stórfingin konsert í Goymslutunlunum Havsbrún hátíðarhelt 50 ára dagin við almennari konsert í stóru goymslutunlunum í Fuglafirði