mánadagur 4. juli 2016síða 32

VIKA 27 • 4. JULI 2016 8 ÓKEYPIS LÝSINGARBLAÐ TEMA Vestanstevna Vilmund Jacobsen Vestanstevna verður í Sørvági komandi vikuskiftið, 8.-10. juli. Hetta er ein av teimum góðu og gomlu bygdastevnunum, sum samlar fólk um tey tiltøk, sum eru, og á stevnuni í Sørvági verður nógv ymiskt á skránni, sum Vikublaðið fer at venda aftur til í øðrum greinum. – Bygdastevnurnar eru ikki líka stórar, sum tær vóru fyrr. Tónleikafestivalar og onnur tiltøk eru komin, men kortini hava bygdastevnurnar nakað, sum einki annað tiltak hevur, og tað er kappróðurin. Tað sigur Vivian Joensen, sum er ein av limunum í stevnunevndini aftan fyri vestanstevnu, nú stevnan hesaferð verður hildin í Sørvági. Hon vísir á, at tíverri er eingin aktivitetur í róðrarfelagnum í Sørvági í løtuni, men hon vónar, at felagið næsta ár aftur fer at manna bátarnar. – Vit hava tveir kappróðrarbátar, sum einans verða brúktir til stuttleikaróður í løtuni. Nøkur ung eru farin yvir til grannabygdina at rógva í ár, men tað er okkara vón, at bátarnir í Sørvági verða mannaðir aftur áðrenn langt um líður, sigur Vivian Joensen. Alt verður klárt Fyrireikingarnar til vestanstevnu vóru væl á veg, tá Vikublaðið frætti úr Sørvági í síðstu viku. – Enn vanta onkur smáting, men alt kemur upp á pláss, áðrenn stevnan verður sett klokkan 20 fríggjakvøldið 8. juli av borgarstjóranum í Sørvágs kommunu, Suna Jacobsen. Nógv tiltøk eru kring landið í summarmánaðunum, og tí er sjáldan, at eitt vikuskifti er, har bara eitt tiltak er á skránni. Og soleiðis er eisini, nú stevna verður í Sørvági. Vivian Joensen vísir á, at sama vikuskiftið, sum vestanstevna er, verður eisini tónleikatiltakið Við Brúnna. – Men, vit vóna sjálvandi ikki, at hetta fer at forða fólki í at koma hendavegin. Hon sigur, at nógv forvitnisligt og spennandi verður á vestanstevnu í ár, og her verður rættiliga nakað til øll. – Vit byrja stevnuna við einum gongutúri niðan á Vørðufelli seinnapartin fríggjadagin, har vit fara at syngja og hugna okkum saman. Útsýnið av Vørðufelli er sera gott og flott, og á túrinum sæst eisini út yvir Sørvág og yvir á Tindhólm. Vivian Joensen sigur, at um viðrar, verður farið niðan á Vørðufelli við guitara og sangi at løða upp til setanina seinni um kvøldið. – Fráferðin til gongutúrin verður frá ídnaðarøkinum í Sørvági klokkan 17, og á ferðini fer Høgni Nielsen at siga frá søgum, leggur hon aftrat. Ítróttur og mentan Sørvágur er kendur sum ein flog­bólts­ bygd, og sum nakað nýtt á vestan­ stevnu hesaferð verður beachvolley á sandinum. Ein av fyriskiparunum til hetta tiltak verður landsliðsvenjarin í flogbólti, Jóhan Petur á Stongunum. – 07 Vestur fer at skipa fyri fótbólti, og so sjálvandi verður barnaróður og FM-róður á skránni leygardagin. Fyri børnini verður eitt nú tivoli, gummibátar, hoppiborgir og ponyríðing. Fyri tey mentaðu verður Sørvágs Bygdasavn opið, og í Kirkjuhúsinum verður listaframsýning við Livari Nyste og øðrum. Vivian Joensen sigur, at nógvur tónleikur við dugnaligum lokalum tónleikarum verður á vestanstevnu, og góður dansur verður í Sørvágs, Bio, bæði fríggjakvøldið og leygarkvøldið. – Vit enda stevnuna við at savnast í 07 Vestur-húsinum til hugna og at hyggja eftir EM-finaluni. At enda ynskir stevnu­nevndar­ limurin at síggja nógv fólk í Sørvági á vestanstevnu, og vónandi verða veðurgudarnir fyriskiparum og stevnu­ gestum til vildar. – Vit gleða okkum til eina hugnaliga stevnu, og vegna nevndina vil eg ynskja øllum hjartaliga vælkomnum til Sørvágs á vestanstevnu, sigur Vivian Joensen aftrat. Bygdastevnurnar hava kappróðurin Vestanstevna verður í Sørvági komandi vikuskiftið, 8.-10. juli, og her verður nógv ymiskt og forvitnisligt á skránni Vilmund Jacobsen Skráin fyri vestanstevnu í Sørvági byrjar fríggjadagin, 8. juli, tá Kafé Fjørðoy letur upp á middegi og fer at hava opið til klokkan 22. Her verður sjálvtøkuborð um kvøldið. Ein onnur kafé letur eisini upp klokkan 14 seinnapartin. Tað er Kafé Sólvá, og her verður opið heilt til klokkan 04. Ein afturvendandi og spennandi møgu­leiki, sum er á fleiri stevnum kring landið, er túrur við skjótt­ gangandi báti. Høvi verður nevniliga at royna JAB-bát frá klokkan 16 til 20 og tey, sum ætla sær at gera henda túrin, skulu bara leita sær oman á kaiøkið í Sørvági. Tivoli og matur Seinnapartin fríggjadagin verður høvi at fara ein frálíkan gongutúr, sum er umrøddur aðrastaðni í blaðnum, og tá fólk koma aftur til bygdar, verður setanin av vestanstevnu seinni um kvøldið. Tivoli letur upp á stevnuøkinum klokkan 17, og opið verður til klokkan 23. Hotel Vágar fer at hava opið frá klokkan 17 til 22 við Old American Buffet. Klokkan 18 fríggjadagin verður ein fótbóltsdystur millum U15 lands­liðið og U16 liðið hjá 07 Vestur. Høvið verður eisini at uppliva film á ein serstakan hátt, tá ein 7D biografvognur verður á stevnu­ økinum. Í biografvogninum, sum letur upp klokkan 19, flytast setrini í takt við filmin, og her bæði hoyrist og følist vindur, regn, kavi og ljóð. Tey, sum hava hug at fáa sær eina pylsu fríggjakvøldið, hava høvi til hetta á stevnuøkinum, har pylsu­ vognur verður opin. Fríggjakvøldið kunnu kaffi, te, køkur og toast keypast, og tá verður eisini ein innanhýsis fótbóltsdystur í 3. deild hjá 07 Vestur. Tónleikur og dansur Fríggjakvøldið verður bæði barna­ diskotet, tónleikur og dansur í Sør­ vági. Barnadiskotekið verður í Biohøllini frá klokkan 20 til 22, og frá klokkan 20.30 fara Holgar og Einar at spæla tónleik á stevnuøkinum. Dansurin, sum verður í Klondyke í Bio­høllini, byrjar klokkan 23.30 og heldur fram til klokkan 04. Tað verður kendi og vælumtókti vágabólkurin - Tinganest - sum fara at spæla til dansin fríggjakvøldið. Meira um skránna fyri vestan­ stevnu kann lesast inni í blaðnum. vilmund@sosialurin.fo Vestanstevna byrjar fríggjadagin – Hóast góðu og gomlu bygdastevnurnar eru minkaðar í vavi, nú so nógvir festivalar vera hildnir kring landið, hava hesar stevnur kortini nakað serstakt, sum einki annað tiltak hevur, og tað er kappróðurin, sigur Vivian Joensen, ein av fyrireikarunum av vestanstevnu í Sørvági Vivian Joensen, sum Vikublaðið hevur skift orð við, er í nevndini aftan fyri vestanstevnu, sum í ár verður hildin í Sørvági Tað verður nógv áhugavert á vestanstevnu í Sørvági í ár, bæði til børn og vaksin, og hæddarpunktið verður kappróðurin