mánadagur 4. juli 2016síða 51

VIKA 27 • 4. JULI 2016 5 ÓKEYPIS LÝSINGARBLAÐ Annette var forsangari í rockbólkinum Rockwall úr Hósvík frá 1986-1995, tá tey ferðaðust kring alt landið og spældu til dans og konsertir. Hon var eisini kórsangari í rockbólkinum Chase frá 1989-1992. Hetta verður fyrstu ferð í 21 ár, at Annette syngur rocktónleik á palli. Fyri tað mesta hevur hon sungið klassiskt og kórtónleik tey nógvu seinastu árini, tó brennur hon sera nógv fyri rocktónleikinum. Tað er sera forkunnugt at Annette fer á pallin við Brúnna 9. Juli. Hon fer at framføra saman við góðum føroyskum tónleikarum. Jens Marni Hansen luttekur á øðrum sinni við Brúnna. Í 2014 stóð hann á palli sum einstaklingur, hesaferð verður tað við góðum bólki aftan fyri seg. Jens Marni hevur verið sera virkin innan føroyska tónleikaheimin, síðan hann var heilt ungur, og verið við í fleiri ymiskum bólkum, t.d. Kjølar, All That Rain, Showmen og Faktor 4. Tey seinastu árini hevur Jens Marni Hansen mest framført undir egnum navni og bólki. Danny & the Veetos er ein sera vældámdur bólkur úr Klaksvík. Teir byrjaðu at spæla fyri umleið trimum árum síðani, og hava havt sera nógvar framførslur runt um í Føroyum. Hittini „Sunnukvøld í Mai“ og „I’m Afraid“ fara at ljóma við Brúnna leygardagin 9. juli. Rebekka Joensen er 17 ára gomul og býr við Norðskála. Meðan hon hevur gingið í fólkaskúlanum, hevur hon sungið í skúlakórinum og varð tá ofta biðin at syngja sum einstaklingur til ymisk tiltøk í skúlanum. Í vetur hevur Rebekka gingið til sangundirvísing hjá Guðruni Sólju Jacobsen í kvøldskúlaskipanini hjá Sunda Kommunu. Næmingar hjá Guðruni hava staðið á palli í Garnhúsinum, men annars er hetta fyrsta almenna framførslan hjá Rebekku Annette S. Davidsen Jens Marni Danny & The Veetos Rebekka Joensen kl. 23.45 kl. 16.30 kl. 18.45 kl. 21.00