mánadagur 11. juli 2016síða 32

VIKA 28 • 11. JULI 2016 8 ÓKEYPIS LÝSINGARBLAÐ TEMA Eysturkommuna Vilmund Jacobsen Í hálvt annað ár hevur Aslaug C. Gisla­dóttir, sum býr Innan Glyvur, røkt starvið sum umhvørvisleiðari hjá IRF í Leirvík. Høvuðsuppgávur hennara eru at menna og røkja góðsku­stýrings­skip- anir innan umhvørvi, hava umsjón við umhvørvisgóðkenningunum hjá IRF, fylgja við á lóggávuøkinum og tryggja, at IRF til eina og hvørja tíð mennir sítt virki á ein so umhvørvisvinarligan hátt sum gjørligt, eitt nú við atliti til endurnýtslu. Aslaug C. Gisladóttir er útbúgvin stjórnmálafrøðingur við sergrein í al­ mennari fyrisiting, og hevur drúgv­ar royndir innan eitt nú verk­ætlanar- leiðslu og verkætlanir tvørtur um fak­ øki og landamørk. – Umhvørvispolitikkurin hjá IRF er áhaldandi at stremba eftir at virksemi hevur sum minst ávirkan á umhvørvið, og málið er at leingja lívsringrásina á okkara tilfeingi og tí tilfeingi, sum vit taka ímóti. Hon sigur, at IRF altíð við stremba eftir at hava neyðuga vitan, førleika og tilfeingi til at liva upp til ynski og krøv frá eigarum, myndugleikum og við­skiftafólki. – Málið hjá okkum er eisini støð­ ugt at stuðla undir og menna um­ hvørvistilvitanina í okkara fyritøku og í samfelagnum sum heild. Aslaug C. Gisladóttir sigur, at ar­ beiðs­royndir hennara koma væl við í starvinum hjá IRF, har hon eitt nú hevur ábyrgd av at tryggja, at IRF lýkur galdandi lógir og reglur innan umhvørvisøkið. Umframt royndir sínar frá fíggjar- og tryggingarheiminum við eitt nú risikostýring, hevur Aslaug eisini ar- beitt sum ráðgevi innan kommunala geiran. – Tað er ein góð kensla at hava sum arbeiði at skula verja umhvørvið í Føroyum til komandi ættarlið at njóta. Hetta gevur eina góða meining og eina góða kenslu, sigur hon. Búmerkjakapping IRF hevur nú eisini skrivað út kapping um nýtt búmerki. Ynskiligt er, sigur felagsskapurin, at fáa eitt búmerki, sum á ein ein­ faldan hátt lýsir høvuðsendamálið hjá IRF, sum er at fyribyrgja dálking av før­oyska umhvørvinum. – Í staðin fyri at brenna virðismikið tilfeingi, sum møguliga kundi verið endurnýtt, fer IRF í framtíðini at spæla ein týðandi leiklut í arbeiðnum móti einum nýggjum og grønari bú­ skapi, har minni verður brent, og meiri verður endurnýtt, umhvørvinum at frama. IRF fer sostatt framyvir at hava ein grønari profil, og hetta skal eisini síggjast aftur í búmerkinum. – Í kappingini um búmerki stendur frítt at velja litir og snið. Uppskotið skal verða í litum, men skal eisini kunna brúkast sum svart/hvítt. Navnið IRF skal tó varðveitast, og skal kunna brúkast saman við ella í búmerkinum. Búmerkið skal eisini kunna brúkast á eitt nú brævpappíri, heimasíðuni, marknaðarføringstilfari, bygningum, bilum og bingjum og øðrum. IRF sigur, at uppskotini skulu verða í A4 stødd, og tey skulu verða IRF í hendi í seinasta lagi 20. august 2016. Vinnarin fær boð 20. september 2016, og vinnandi uppskotið fær eina virðisløn á 20.000 krónur. Dóms­ nevnd­in tilskilar sær rætt til frítt at velja millum innkomnu uppskotini - ella einki at velja. Ringbúskapur er vegurin Á síni heimasíðu ger IRF burtur úr heitinum – ringbúskapur – ella »cirku­ lær økonomi«, sum danir rópa tað. – Hetta er ein háttur at ný­hugsa nýtslu og framleiðslu á ein um­ hvørvisligan og handilsliga burðar­ dyggan hátt. Hugsanin byggir á náttúr­unnar ringrás, har einki fer burt­ur, men heldur verður endurnýtt í nýggju­m samanhangi. Lagt verður aftrat, at hugsjónin um ringbúskap er eitt mótrák móti ráðandi »nýt og koyr burtur« mentalitetinum, sum hevur ført til ovurnýtslu av av­ markaða tilfeinginum á jørðini og hevur skapt fjøll av burturkasti, sum ikki náttúruliga brótast niður. – Ringbúskapur leggur hinvegin dent á endurnýtslu og tað at leingja tíðina, sum okkara tilfeingi er í nýtslu, soleiðis at vit sum longst fáa gagn av hesum. IRF stuðlar og ynskir at breiða út hugsjónina um ringbúskap í Føroyum. – Í staðin fyri at brenna virðismikið tilfeingi, sum møguliga kundi verið endurnýtt, ynskir IRF í framtíðini at spæla ein týðandi leiklut í arbeiðnum móti einum nýggjum og grønum bú­ skapi, har minni verður brent og meiri verður endurnýtt, umhvørvinum hjá okkum øllum at frama. IRF skal hava ein grønari profil Í staðin fyri at brenna virðismikið tilfeingi, sum møguliga kundi verið endurnýtt, ynskir IRF í framtíðini at spæla ein týðandi leiklut í arbeiðnum móti einum nýggjum og grønum búskapi, har minni verður brent og meiri verður endurnýtt - umhvørvinum til frama Aslaug C. Gisladóttir, umhvørvis­leiðari hjá IRF