mánadagur 11. juli 2016síða 38

VIKA 28 • 11. JULI 2016 14 ÓKEYPIS LÝSINGARBLAÐ TEMA Eysturkommuna Gera brenni til hita­ pottarnar við góðum huga Verkhúsið Stíggjur í Saltangará hevur uppgávuna at framleiða brenni til hitapottarnar á G!, og taðer ein uppgáva, ið tey eru glað fyri, og arbeitt verður í øllum veðrið, tí nógv skal til Dagfinn Olsen H itapottarnirá G! Festivalinum eru væl umtóktir, og festi­val­ gestirnir hugna sær, og njóta heitu pott­arnar. Men kanska hava øll ikki hugsað um, at sera nógv brenni skal til, fyri at hita pottarnar allar festivaldagarnar. Nógv skal til Tað er Verkhúsið Stíggjur í Saltangará, ið er verkhús fyri fólk við serligum av­ bjóðingum, ið tekur sær av at fram­ leiða brennið til hitapottarnar. Tað hava tey nú gjørrt í 3 ár, og nógv skal til. Og meira skal til í ár, enn undan­ far­in ár, tí í ár eru fleiri pottar, enn undanfarin ár. – Vit hava fylt 16 fóðurposar við brenni, í mun til 12 posar undanfarin ár, frættist úr verkhúsinum. Tað er nógv arbeiði í hesum. Elska at arbeiða úti Í verkhúsinum er eitt rúm í kjal­lar­an­ um, har til ber at arbeiða, men fyri tað mesta verður arbeitt úti, og tað elska fólkini á Stíggi. Tað er 5 mans, ið arbeiða við at fram­leiða brenni. Brennið verður fram­leitt úr plattum. – Teir taka sundur, taka seymir úr og saga. Stikksag verður nýtt. Onkur dugur væl at saga, men ikki so væl at taka sundur, Onkur annar dugur ikki so væl at saga, men er óførur at taka sundur við eittnú kúbeini, Ein kann siga, at uppgávurnar í arbeiðsgongdini eru spesialuppgávur, har menninir gera tað, teir duga best, verður sagt í Verkhúsinum. Verkhúsið Stíggjur metur, at hetta er ein sera góð uppgáva at hava fingið, tí fólkini elska at arbeiða úti. Arbeitt verður úti í øllum veðri, men er regn, so ber til at fara í kjallararúmið, men plássið er avmarkað har. Helst verður arbeitt úti. – Vit eru glað fyri uppgávuna, og fólkini vita, hvat endamálið við hesum er, so tað er eisini jaligt, verður mett í Verkhúsinum. Arbeiði og hugni Stíggjur hevur havt uppgávuna at fram­leiða brenni í 3 ár, og tosað hev­ ur verið um, at hetta skal gerast føst upp­gáva. Tí hevur eisini verið tosað um at betra umstøðurnar hjá arbeiðs­monn­un­ um, og talan er um at gera eitt hálv­tak, ið arbeiðast kann undir, tá tað regnar. – Tað er bæði arbeiði og hugni, tí vit hava altíð kaffikannuna við okk­um útum, tá vit arbeiða, siga tey í verk- húsinum. Mynd: Edith Johannesen