mánadagur 11. juli 2016síða 42

VIKA 28 • 11. JULI 2016 18 ÓKEYPIS LÝSINGARBLAÐ TEMA Eysturkommuna – Vit hava nú ein pumpubil og eina pumpu á vogni aftrat, sigur stjórin í J+H BETONG, Hoyrikur Joensen Vilmund Jacobsen L eirvíkingurin, Hoyrikur Joensen, sum eisini rekur lastbilafyritøku, keypti seg fyri eini tíð síðan inn í betongblandistøðina, J+H BETONG í Leirvík, sum Anbjørn Hansen og Eiler Jacobsen hava átt og rikið í fleiri ár. Hoyrikur Joensen er nú stjóri í fyri­ tøkuni. J+H BETONG er veitari av betongi til øll endamál, og sjálvari blandingini stendur royndi gøtumaðurin, Jákup Páls­son, fyri. – Vit eru tíbetur so væl stillaðir nú, at vit eru tríggir, sum dagliga starvast í fyritøkuni, ið kunnu blanda. Álitið er Jákup, men tað er umráðandi, at virk­ semið ikki steðgar upp, tá fólk hevur frí – ella onkrum berst frá. Til øll endamál Hoyrikur Joensen sigur, at síðan Jákup Johannus Dalsá kom í fyritøkuna fyri umleið hálvum ári síðan, kunnu bæði hann sum stjóri og Jákup Jóhannus eisini blanda betong. – Vit hava ein betongbil, og nú hava vit eisini útvegað okkum eina betongpumpu á vogni. Soleiðis kunnu vit nú pumpa betong við tveimum bilum, og tað er ein fyrimunur hjá okkum sum veitara. Stjórin vísir á, at J+H BETONG er veitari av betongi til øll endamá - heilt úr styrkini 15-45, sum teir rópa tað. – Jákup Pálsson er sum betong­ blandari royndur í leikum, og hann verður neyvan tikin á sínum øki. Hoyrikur Joensen sigur, at hjá betong­blandistøðini fær keyparin eftir ynski eina váttan um brotstyrkina í betong­inum – alt eftir, hvat endamál be­tongið skal brúkast til. – Tá styrkin í betonginum skal testast, verður betong koyrt í ein syllind­ara, har tað stendur og tornar í einar 28 dagar. Styrkin í massiva klump­inum verður síðan testað í einari pressu. Stjórin vísir á, at ein slík váttan ikki minst hevur týdning fyri byggiarbeiðir, ið krevja eina serliga styrki, og ein slík váttan er týdningarmikil fyri eitt nú fakfólk, ið standa aftan fyri slíkar byggi­verkætlanir. – Vit kunnu soleiðis levera betong til øll byggiarbeiði, bæði oman á lendi og undir vatni. Óbindandi tilboð Hoyrikur Joensen sigur, at tað er ikki minst í nærumhvørvinum í Eystur­ kommunu, kring um í Eysturoy, Norð­ oyggj­um og longri úti um landið, at J+H BETONG hevur sínar veitingar. – Okkara betongblandianlegg er tíðarhóskandi og líkur øll krøv, og vit eru altíð til reiðar at geva óbindandi tilboð, sigur stjórin í J+H BETONG í Leirvík. Tey, sum kundu hugsað sær at spurt seg fyri, kunnu ringja á tlf. 222015. Ein spennandi byggiverkætlan - Nýggju býráðshúsini hjá Eysturkommunu verða komin langt, tá hetta árið er farið at halla, sigur formaðurin á byggiplássinum, Hans Karl Jacobsen J+H BETONG pumpar nú við tveimum bilum Vilmund Jacobsen H ans Karl Jacobsen hevur starv­ ast sum byggifrøðingur hjá byggi­felagnum KBH á Toftum síðan á sumri fyri tveimum árum síðan. Nú KBH byggir serstøku býráðshúsini í Norðragøtu, er Hans Karl formaður á byggi­plássinum. – Betongarbeiðið varð liðugt fyri umleið trimum vikum síðan, og sein­ astu tíðina hava vit monterað stál­kon­ struk­tiónina, sum er berandi grindin í byggiarbeiðnum. Arbeiðsformaðurin letur væl at neyv­leikanum í byggiverkætlanini og sigur, at tað gekk væl at reisa stál­ konstruktiónina, hóast hon gongur um at kalla allan bygningin. – Nú eru vit í holt við at leggja stálka­settirnar, sum vit rópa tað. Hetta eru stálplátur, ið verða lagdar omaná sum tekja, og sum eru tann ber­andi parturin av tekjuni. Hans Karl Jacobsen sigur, at stálka­settirnar verða bjálvaðar omaná við harðari bjálving á 200 mm. Síðan verð­ur gummidúkur lagdur oman yvir bjálvingina. Alt verður síðan við long­ um skrúvum skrúvað niður í stálka­ settirnar. – Omaná aftur gummidúkin skal leggjast flag, soleiðis at bygningurin fær flagtekju. Brúgv eftir takinum Arbeiðsformaðurin vísir á, at oman á tekjuni verður bygd ein “brúgv”, soleiðis at gangast kann tvørtur um ánna eftir tekjuni. – Brúgvin, sum verður 1,40 metrar breið, verður bygd, soleiðis at fólk ikki sleppa út á tekjuna av brúnni. Hans Karl Jacobsen sigur, at um­ framt stóra býráðssalin, sum verður beint yvir ánni við stórum glaspartíi út yvir vágna og stórum rundum glasrúti í gólvinum, verða eisini fleiri skrivstovur innrættaðar í nýggju bý­ráðs­húsunum. Býráðshúsini hjá Eysturkommunu, sum fara at kosta umleið 20 miljónir krónur, verða tilsamans 575 fermetrar stór, og alt verður bygt í einari hædd. – Jú, eg haldi, at hetta er ein spenn­andi byggiverkætlan. Eg skilji væl tey, sum seta spurnartekin við hesa verkætlan. Hinvegin kunnu vit eisni spyrja okkum sjálvi, hvør skal reisa slíkar varðar, um tað ikki eru land ella kommunur, sum gera tað. Hans Karl Jacobsen sigur, at nýggju bý­ráðshúsini verða komin langt, tá hetta árið er farið at halla. – Eg haldi, at hetta er ein spennandi byggiverkætlan, sigur arbeiðsformaðurin og byggifrøðingurin hjá KBH, Hans Karl Jacobsen Stjórin í J+H BETONG, Hoyrikur Joensen og nýggja betongpumpan, sum fyritøkan hevur útvegað sær Mynd: Vilmund Jacobsen