hósdagur 14. juli 2016síða 4

FRÍGGJADAGUR 15. JULI 2016 SOSIALURIN 81 4 TÍÐINDI G øtu kirkja spælir við, nú G! Festivalurin verður hildin um vikuskiftið. Hóskvøldið vóru fólk boðin til lættan døgurða í kirkjukjallaranum, og uttan fyri var hoppiborg til børnini. Eisini var gudstænasta við Ova Brim, sóknarpresti, og tónleikabólkinum Blátt Gras. Sunnudagin kl. 11.0 verður gudstænasta við altargangi. Tummas Kannuberg, stud. Theol, prædikar. Ovi Brim er liturgur. Meðan festivalurin er, hava fólk frá lærusveinaskúlanum PODAS átikið sær at hava opið í kirkjuni til kl 22.00. Høvi er tá at uppliva kirkjuna í kvirru, til andligt prát, í bøn og stundvís at njóta urguspæl frá Símuni Hammer, urguleikara í kirkjuni. Gøtu kirkja spílar seg út G! FESTIVALUR Eftir góðveður og lýtt veður hósdagin, eru útlit fyri nógvum regni um vikuskiftið. DMI sigur, at fríggjdagin verður andøvsgul upp í ein strúk av landsynningi, 8-13 m/s, sum í náttina fer í útsynning og vestan. Alt døgnið verður skýggjað veður, og tað fer at regna mesta at víðini. Sambært norsku veðurstovuni YR verður nógv regn fríggjakvøldið og leygarnáttina. Hitin verður millum 8 og 12 stig. Leygardagin verður andøvsgul upp í ein strúk, 8-13 m/s, av vestri og útsynningi, minkandi til 5-10 m/s. Skýggjað og regn ella ælaveður, men sunnunáttina verður turt fyri tað mesta. Hitin verðu rmillum 9 og 13 stig. Sunnudagin verður gul til stívt andøvsgul, 5-10 m/s, sum minkar niður í 2-7 m/s, av norði. Sum frálíður klárnar, og sólin kagar fram. Hitin millum 12 og 15 stig. VEÐRIÐ Váttligt um vikuskiftið ÁKI BERTHOLDSEN Talið á løntakarum í Føroyum hækkar støðugt. Tað staðfestir Hagstovan í eini nýggjari uppgerð. Men tað verður samstundis víst á, at talið hækkar ikki longur so skjótt, sum tað hevur gjørt. Hagstovan sigur, at í apríl í ár vóru 25.261 løntakarar í Føroyum. Hetta er tað sama sum undanfarnu mánaðir í ár og tað merkir, at tað hava verið einir 25.250 løntakarar hvønn mánað í ár. Hinvegin veksur talið á løntakarum, men vøksturin er ikki so stórur, sum hann hevur verið seinastu tvey árini. Tað mesta, sum tað hevur verið av løntakarum í Føroyum, var um árskiftið 2007 og 2008, tá tað vóru 26.000 løntakarar í Føroyum. Annars sigur Hagstovan, at í apríl í ár vóru 539, ella 2,2 prosent, fleiri løntakarar, enn tað vóru í apríl í fjør. - Í fiski- og alivinnuni er ein lítil minking, tí nú eru 66 færri løntakarar í hesum vinnubólkinum, enn fyri einum ári síðani, meen hinvegin eru tað eini 200 løntakarar fleiri í hvørjum av hinum høvuðsvinnubólkunum. Lutfalsliga størsti vøksturin er í byggivinnuni, har tað vóru stívliga 6 prosent fleiri løntakarar í apríl í ár, tað vóru fyri einum ári síðani. LØNTAKARAR NÆRKAST METI Talið á føroyingum, sum koma í arbeiði, hækkar framvegis Jákup Sverri stjórast nú í Grønlandi Stjórin í Vága Floghavn er nú eisini stjóri fyri grønlendskan flogvøll, men hann fer ongan veg úr Vágum Heimastýrið í Grønlandi hevur nýliga stovnað nýtt flogvøllarfelag, Kalaallit Airports, og tey hava nú sent boð eftir Jákup Sverra Kass at vera fyribilsstjóri í felagnum, samstundis sum at hann er nevndarlimur. Felagið er stovnað eftir at støða er tikin til at byggja flogvøllirnar í Nukk og Ilulissat út og samstundis skal ein heilt nýggjur flogvøllur gerast í Qaqortoq í Suðurgrønlandi. Jákup Sverri Kass sigur við Check-IN, at hann fer at mynda felagið fyrstu tíðina saman við nevndarformanninum, Leo Larsen, men at stjóri skal setast sum skjótast. Hóast Jákup Sverri Kass er settur sum stjóri í Kalaallit Airports, eitt nýtt flogvallarfelag, ið heimastýrið hevur stovnað, so fær tað ongar avleiðingar fyri hansara starv sum stjóri í Vága Floghavn. - Eg havi ongar ætlanir um at fara úr stjórastarvinum í Vága Floghavn. Eg fari ongan veg, tí eg trívist væl í mínum arbeiði í Føroyum, sigur Jákup Sverri Kass. - Starvið er ikki serliga tíðarkrevjandi. Á pappírinum er neyðugt, at man hevur ein stjóra inntil ein annar er settur, so tá nevndarforkvinna í grønlendska felagnum spurdi, um eg hevði hug til tað, so segði eg ja. Men fyribils starvið í Grønlandi ber ikki við sær, at eg má fara til Grønlands, greiðir Jákup Sverri Kass frá og leggur dent á, at hann ikki fer at søkja starvið, tá tað verður lýst leyst. – Eg havi ongar ætlanir um at fara úr stjórastarvinum í Vága Floghavn, sigur Jákup Sverri Kass