týsdagur 26. juli 2016síða 74

juli 50 Ólavsøkan 2016 T á ið B36 og HB eiga heimadyst í Gunda­dali ímóti feløgum av bygd, so verða havnarfeløgini roknað at vera favo­rittar. Í mong ár var tað ikki spælt í lands­kappingini á ólavsøku. Summ­ arfrítíðin var frá síðst í juni og fram til fyrst í august og viðhvørt longri út í august enn so. Eftir at landskappingin í 2005 varð víðkað úr átjan og upp í 27 um­før og orsaka av alt fleiri altjóða avbjóðingum – bæði fyri landsliðini og feløgini – so hevur seinnu árini verið spælt í landskappingini um ólav­søkuna. HB spældi fyri fyrstu ferð í hesum umfarinum landskappingardyst á ólavsøku í 2009, og í 2010 spældu HB og B36 í Gundadali og AB á Argjum. Síðani tá hava øll høvuðsstaðar feløgini átt heimavøll á ólavsøku. B36 og HB hava spælt øll árini síðani, og AB hevur átt heimavøll um ólavsøkuna burtursæð frá í 2011 og í 2012, tá ið argjamenn vóru í næstbestu deildini. Innanhýsis avtalan í høvuðs­stað­ num er tann, at AB spælir á heima­ vølli 27. juli, og at tey bæði feløgini í Gundadali skiftast um at eiga heima­ vøll ólavsøkuaftan og ólav­søkudag. Í ár eigur AB heimavøll ímóti NSÍ mikukvøldið 27. juli, HB eigur heimavøll ímóti ÍF ólavsøkuaftan, og B36 eigur heimavøll ímóti Víkingi ólavsøkudag. Óvæntað HB úrslit Síðani 2009 hava feløgini í høv­ uðsstaðnum seytjan ferðir átt heima­ vøll um ólavsøkuna. HB hevur spælt heimadyst sjey tær seinastu ólavsøkurnar, og tað hev­ur gingið upp og niður. HB hevur vunnið tríggjar ferðir, tríggjar ferðir er tað endað javnt, og einaferð hevur HB einki fingið burturúr ólavsøkudystinum. At HB ólavsøkuaftan í 2010 tapti 2-1 ímóti B71 var púra óvæntað. Hetta árið vann HB FM sannførandi – trý stig frammanfyri EB/Streym – meðan B71 bjargaði sær plássið í deildini m. a. orsaka av ólavsøkusigrinum. B71 endaði á áttanda plássi við 23 stig­ um – eitt fleiri enn FC Suðuroy sum flutti niður saman við AB, ið vann fjúrtan stig. Bara ein HB spælari, sum var millum teir fyrstu ellivu á ólav­søku fyri seks árum síðani, er fram­vegis á HB liðnum. Tað er Fróði Benja­ minsen. Í fjør var tað púra óvæntað, at FC Suðuroy ólavsøkudag megnaði málleysan javnleik ímóti HB. FC Suðuroy hevði góðan møguleika at vinna øll trý stigini, men ólav­ søkugestirnir tóku ikki av. Í fyrsta minutti eftir steðgin varð Jógvan Rói Davidsen vístur av vølli fyri bein­ leiðis reytt kort. Dómarin bríkslaði samstundis fyri brotssparki til FC Suðuroy, men Teitur Matras Gestsson bjargaði royndini úr ellivu metrum frá Jón Krosslá Poulsen. At tað á ólavsøku ofta hevur verið talan um fyrsta umfar eftir summarsteðgin hevur fleiri ferðir sást aftur í, at tað hevur verið torført at fáa ferð á spælið og harvið at spæla seg til upplagdar málmøguleikar. Tríggjar av sjey ferðum hevur úrslitið hjá HB verið málleysur javnleikur – í 2009 ímóti ÍF, í 2011 ímóti NSÍ og í fjør ímóti FC Suðuroy. Óvæntað B36 úrslit B36 hevur bara einaferð hesi sein­ astu seks árini einki stig vunnið á ólav­søku. Tað var í 2013, tá ið ÍF fór norður aftur við 2-1 sigri og harvið fullari úrtøku. Hetta var einasta ferðin, at B36 hetta kappingarárið einki fekk burturúr í Gundadali. Einki bendi annars leingi á, at tað ikki fór at eydnast hjá B36. Lukasz Cieslewicz setti hol á eftir stórt korter, og tann støðan helt sær til mið­skeiðis í seinna hálvleiki, tá ið Clayton Soares javnaði. Og so var tað, at Bogi Reinert Petersen í 90. minutti skoraði ÍF sigurs­málið til 2-1. Ein AB sigur AB hevur fýra ferðir átt heimavøll kvøldið fyri ólavsøkuaftan. Tríggjar av teimum fýra ferð­un­ um hevur mótstøðuliðið verið EB/ Streymur. Sundalagsmenn vunnu í 2010, í 2013 vann AB, og í 2014 end­ aði tað við javnleiki. Í fjør var NSÍ ólavsøkugestur á Argjum. Trygvi Mortensen, sum nú er venjari hjá AB, vandi í fjør NSÍ, sum fór av ólavsøku við 2-1 sigri. Tá var tað sonur táverandi NSÍ venjaran og núverandi AB venjaran, Jann Martin Mortensen, sum skoraði bæði NSÍ málini, meðan Tróndur Jensen, sum nú spælir við HB, skoraði AB málið. Síðani 2009 hava feløgini í høvuðstaðnum vunnið átta av seytjan landskappingardystum í fótbólti á ólavsøku Jóannes Hansen joannes@sosialurin.fo HEIMALIÐIÐ VINNUR AÐRU HVØRJA FERÐ Landskappingin á ólavsøku 2009-2015 AB B36 HB 2009 ÍF 0-0 2010 EB/Streymur 1-2 Víkingur 1-3 B71 1-2 2011 07 Vestur 1-0 NSÍ 0-0 2012 NSÍ 5-1 TB 4-1 2013 EB/Streymur 3-1 ÍF 1-2 NSÍ 3-2 2014 EB/Streymur 2-2 KÍ 2-1 B68 6-0 2015 NSÍ 1-2 ÍF 4-0 FC Suðuroy 0-0 2016 NSÍ Víkingur ÍF Átjanda umfar Mikudagin 27. juli AB-NSÍ: Ransin N. Djurhuus kl. 18.30 Ólavsøkuaftan HB-ÍF: Kári J. á Høvdanum kl. 19.00 Ólavsøkudag B36-Víkingur: Dagfinn Forná kl. 16.00 Sunnudagin 31. juli Skála-TB: Petur Reinert B68-KÍ: Helgi M. Jónasson