týsdagur 26. juli 2016síða 76

juli 52 Ólavsøkan 2016 S íðani føroyskur fótbóltur í 1988 varð partur av altjóða fótbóltsfamiljuni, hava altjóða dystir verið nátúrligur partur av fót­ bóltsárinum. Landsliðið hevur síðani 1990 luttikið í EM og HM undan­ kappingum, og síðani 1992 hava føroysk feløg luttikið í europe­isku kappingunum. Undan altjóða limaskapinum vóru landsdystirnir fáir og mest sum bara ímóti Hetlandi og Orknoyggjunum og Íslandi. Føroysku feløgini høvdu viðhvørt um sumrarnar vitjan av donskum og íslendskum feløgum. ­Í 1948 var rómur í Gundadali, tá ið Føroyar ólavsøkudag vunnu 4-1 á Hetlandi, og tað varð staðfest, at Før­oyar høvdu nógv at læra, tá ið íslendska B landsliðið ólavsøkudag í 1959 vann 5-2 á Føroyum í Gundadali. Tað var gingið upp í altjóða dyst­ ir­nar, hóast tað ikki var annað enn æran, sum stóð upp á spæl. Eitt nú varð nógv gjørt burturúr, tá ið danska B93 vitjaði í 1964 og ólavsøkudag vann 4-0 á HB, og tá ið danska OB vitjaði í 1965 og ólavsøkudag vann 4-2 á býliðnum. Í 1966 var øgiligur róm­u­r, tá ið tað ólavsøkudag eydn­ aðist býliðnum at vinna 4-3 á ís­ lendska Akranesi. B36 bragdið Besta altjóða liðavrikið, sum føroyskt felag hevur megnað á ólavsøku, var tá ið B36 í 2005 ímóti íslendska ÍBV megnaði at spæla seg víðari úr fyrsta innleiðandi umfari í UEFA Cup. At úrslitið tvær vikur frammanundan var 1-1 í Vestmannaoyggjunum bar vónir við sær um, at tað ólav­søku­ aftan kundi eydnast B36 sum fyrsta føroyska felag yvirhøvur at spæla seg í annað innleiðandi umfar. Úrslitið var 2-1. B36 vann FM í 2005, og manningin var góð: B36: Jákup Mikkelsen - Kenneth Jacobsen, Fróði Benjaminsen, Pól Thorsteinsson liðformaður, Alex Dos Santos – 14. Niels Joensen (Heini í Skor­ini, 85.), Ingi Højsted, Klæmint Matras, Mikkjal Thomassen - Allan Mørk­øre, Bergur Midjord (Levi Hans­sen, 79.) Á beinkinum uttan at verða skiftir inn: Magnus Poulsen, Jóhan V. Gunnarsson, Wellington Da Silva Soares, Obele Okeke Onyebuchi, Bárður H. Joensen Venjari: Sigfríður Clementsen Hjálparvenjari: Magni Mohr Allan Mørkøre legði B36 framum í fyrsta minutti,og Bergur Midjord, sum eisini gjørdi málið í Íslandi, skor­aði sigursmálið í 59. minutti. Sosialurin skrivaði soleiðis: Síðstu løtuna vóru tað tey, sum vendu sær burtur, tá ið ÍBV ein­ stakar ferðir otaði seg fram á B36 hálvuna, og neglirnar vóru heilt niðurbitnar hjá fleiri, tá ið dómarin úr Luksemborg hevði bríkslað fyri síðstu ferð. Íslendingarnir vórðu sendir tómhentir aftur í Oyggjarnar, og B36 setti kós av ólavsøku og suður í Europa! Tað ber nýtt kapitul í føroysku fótbóltssøguni við sær, skrivaði Sosialurin. Í øðrum innleiðandi umfari spældi B36 ímóti FC MIdtjylland, sum akku­ rát megnaði at spæla seg víðari í kapp­ingini. 11. august tapti B36 2-1 á útivølli. At Ingi Højsted ellivu minuttir undan leikloki minkaði um munin og skoraði týdningarmikið mál á útivølli bar við sær, at B36 varð roknað at hava møguleika á heima­vølli. 25. august endaði tað 2-2 í Gunda­ dali, og harvið var tað FC Midtjylland, sum helt fram í kappingini. Bergur Midjord legði B36 framum og Allan Mørkøre javnaði til 2-2. HB í Finnlandi á ólavsøku HB hevur einaferð spælt í europeisku kappingunum sjálvan ólavsøkudag. Merkisvert við tí dystinum var, at hann varð spældur á útivølli. 22. juli í 1998 vakti tað ans, at HB vann 2-0 á heimavølli ímóti finska VPS Vaasa. Súni Fríði Barbá skoraði bæði málini, og hetta var fyrsti HB sigurin yvirhøvur í europeiskari kapping. Ólavsøkudag spældi HB í Finn­ landi. Hóast tað bara eru átjan ár síðani, so var samskiftið so nógvar ferðir verri tá, enn tað er nú. HB viðhaldsfólk og fótbóltsáhug­ aðir føroyingar yvirhøvur bíðaðu í spenningi eftir tíðindum úr Finn­ landi, og tað varð vónað, at HB fór at megna so mikið gott úrslit, at liðið – sum tað fyrsta føroyska nakrantíð – fór at spæla seg víðari í europeiskari kapping. Millum tey, sum í ólavsøkuhýri gingu oman og niðan í miðbýnum varð spurt og fegnast um tíðindi úr Finnlandi, og sjálvandi var vónbrotið stórt, tá ið tað frættist, at HB hevði tapt ólavsøkudystin í Finnlandi 4-0. Fyri ellivu árum síðani eydnaðist tað ólavsøkuaftan B36 sum fyrsta føroyska felag nakrantíð at spæla seg víðari í europeiskari kapping Jóannes Hansen, joannes@sosialurin.fo TÁ IÐ B36 SKRIVAÐI SØGU Á ÓLAVSØKU