mánadagur 1. august 2016síða 28

VIKA 31 • 1. AUGUST 2016 4 MIÐLAHÚSIÐ ÓKEYPIS LÝSINGARBLAÐ Mugu varðveita ævintýrini Danjal av Rana A ftur í ár samlaðust hundraðtals børn til framsýningarnar hjá teim­um báðum, Búa Dam og og Dánjali á Neystabø. Síðani 2004, tó okkurt ár er gloppið burtur ímillum, hava teir skipað fyri Ævintýraferðini á ólav­søku, eins og teir hava ferðast runt og havt framsýningar fyri skúlum og dagstovnum. Sangurin um Grækaris Grashøvd er vorðin ein verulig landaplága og flestu munnu vit kennast við fleiri aðrar sangir hjá teimum. Tað var mest sum av tilvild, at sam­starvið hjá teimum báðum fekk heitið Ævintýraferðin, og Búi Dam við­gongur, at hann ikki hevur verið ser­liga fegin um heiti. – Eg helt, at Ævintýraferðin var eitt sindur lítið sigandi, men við árunum eri eg farin at dáma heitið betur, ser­ liga sum eg havi sett meg meiri inn í hvat ævintýr eru, sigur hann. – Ævintýr eru meiri enn undirhald. Tað eru søgur, ið geva okkum týdn­ ingar­miklan lærdóm um lívið. Tey læra okkum, at lívið er ikki bara gott. Tú kanst møta eini heks á vegnum, tú kanst koma til skaða. Men – um tú stríðist, kemur tú ígjøgnum og út aftur hinumegin, sterkari enn áður, sigur Dánjal á Neystabø. Dánjal á Neystabø og Búi Dam siga, at málið hevur øll hesi árini verið, at ævintýraferðin skal hava eina ávísa dýpd, og teir eru tí ikki bangnir fyri at lata óndskapin spæla ein leiklut í søgunum. – Bob, tann feiti rúmdargrísurin, er heksin í okkara søgum, og í rættum ævintýranda enda søgurnar altíð við, at vit gera av við Bob, sigur Dánjal á Neystabø. – Samstundis royna vit at lýsa ónd­skapin frá fleiri síðum. Vit royna at greiða frá, hví Bob ger sum hann ger, tó uttan at altíð rættvísgera tað. Eg haldi tað vera týdningarmikið, at vit ikki altíð gera óndskapin ov eins­ táttaðan, einfaldan. Vit eiga at læra okkum at hyggja at eini søgu frá fleiri sjónarhornum. Vandin er, at vit taka løttu loysnina og siga, at tú ert óndur, tí tú gert so og so, og tí vilja vit ikki hoyra tína frágreiðing. Hygg eftir, hvussu vit vaksnu tosa um altjóða poli­tikk, sigur Dánjal á Neystabø. – Vit mugu ikki vera bangin fyri at lata tað myrka og dapra vera part av søgunum. Lívið er vár, summar, heyst og vetur. Tað myrka og deyðin er partur av lívinum, og uttan deyðan, vaknar einki til lív aftur um várið, sigur Búi Dam. – Vandin er, at børn okkara tí ikki duga at takast við tað ónda og dapra, tá tey møta tí í lívinum, tí at í okkara søgum finst ikki líðing ella deyði, men einans látur og gleði. Men tað góða er ikki gott uttan tað ónda, og tað ónda er ikki ónt uttan tað góða, sigur Búi Dam. Teir báðir minna á, at her í Før­oy­ um hava vit eina ríka siðvenju at siga søgur. Børnini lurtaðu, tí søgurnar vóru spennandi, men samstundis vóru tær ógvuliga læruríkar. – Vit hava nógv at takka Jakob Jakob­sen fyri, sum niðurskrivaði før­ oysku ævintýrini, so at tey eru varðveitt til okkara tíð og fyri framtíðina. Vit mugu bara ansa okkum, at vit ikki lata ævintýramentanina í Føroyum detta niður fyri, sigur Búi Dam. – Ævintýrini eru ikki einans søgur, men geva okkum týdningarmiklan lærdóm um lívið. Vit mugu ansa okkum, at okkara barnaundirhald ikki gerst ov lætt, siga Búi Dam og Dánjal á Neystabø, sum síðani 2004 hava staðið fyri Ævintýraferðini