mánadagur 1. august 2016síða 30

SUMMAR FESTIVALURIN 2016 04-06/08 2 Komandi vikuskiftið verður 13. Summ­ar Festivalurin hildin í Klaks­ vík. Fyrsti Summar Festivalurin varð hildin í góðveðri í 2004, og tá leitaðu 3.500 fólk sær til fyrstu úti­konsertina á Vágsbøi. Sólin skein oman og niðan hendan fyrsta úti­ dagin, og tað skapti grundarlag fyri einari góðari uppliving frá byrjan. Síðani 2004 hevur Summar Festi­valurin ment seg til at verða land­sins størsta tónleikatiltak. Hesi seinnu árini hava millum 8 og 10.000 fólk verið á festivali hvørt ár, og festivalurin hevur drigið stór altjóða navn til Føroya. Nøvn, sum vit fyri 10-15 árum síðani ikki kundu hugsa um at fáa til landið at spæla. Metfestivalur Aftur í ár er Summar Festivalurin til reiðar við einum altjóða tiltaki í Klaksvík. Úr útlandinum koma spennandi og kend tónleikanøvn, og lagt er upp til tríggjar dagar við fantastiskum tónleiki. Ein av kendastu poppsangarum í heiminum er Cliff Richard. Hann hevur síðani seinast í 1950’unum verið virkin við útgávum og fram­ førsl­um, og hann hevur sum fáur vunn­ið hjørtu á fólki við sínum tón­ leiki. Cliff Richard er í flokki við tey størstu nøvnini í tónleiksøguni, og tá ið tað ikki longur ber til at fáa The Beatles, ABBA og Bee Gees á pall, er Cliff Richard gott umboð fyri flokkin av tungvektarum í popp­ søguni. Føroyingar hava lurtað nógv eftir Cliff Richard ígjøgnum árini, og mangan hevur verið droymt um at fáa hann til Føroya. Nú ber tað so umsíðir til at hoyra poppikonið spæla sínar bestu sangir í Føroyum. Góðir bólkar Afturat Cliff Richard spælir eisini ein long røð av føroyskum og út­ lendskum bólkum. Progressivi poppbólkurin Hig­ hasa­Kite, sum veruliga stormar fram, kemur við sínum nýskapandi og sveimandi popptónleiki. Í fjør var Lukas Graham tað stóra, nýggja navnið á Summar Festivalinum, og hann hevur síðani fingið altjóða gjøgnumbrot. Tað er ikki ósannlíkt, at júst HighasaKite kann gerast næsta navnið av hesum slagi. Veitslubólkurin Hermes House Band hevur gjørt festligar tulkingar av kendum poppsangum og hava hittað við teimum. Tey fara at seta lív í á Vágsbøi leygarkvøldið. Summar Festivalurin hevur havt sera gott samband við Ír­land, haðani fleiri frálíkir bólkar og sang­ arar hava vitjað. Í 2005 hevði Brian McFadden eina tiltikna fram­førslu á Vágsbøi. Nú kemur hann aftur saman við Keith Duffy, sum var sangari í Boyzone. Teir hava gjørt nýggjan bólk, tey kalla Boyz­life, og teir spæla tað besta hjá West­life og Boyzone. Silvalandið fær eisini útlendska vitjan. Froja & Sarah luttóku í MGP, og tær fara at hava framførslu á ársins Summar Festivali. Fólkalív Summar Festivalurin er meira enn bert tónleikur. Festivalurin er eisini fólkalív, hugni og vinarlag. Hundraðtals campingvognar skapa størstu tjaldbygdina í Føroyum, nógvir bátar finna sær trygga havn, og tjøldini gerast alt fleiri í tali. Stemningurin á Summar Festi­ valurin er framúr góður. Fólk hugna sær, lurta eftir tónleiki, syngja við, práta og spáka sær annars runt á festivaløkinum. Í tríggjar dagar verður ljómandi tónleikur av tríggjum útipallum, og eisini í ítróttarhallunum og á tjald­ økinum verður ymiskt undirhald og tónleikur. Vit ynskja øllum ein góðan Summar Festival! VÆLKOMIN Á ÁRSINS SUMMAR FESTIVAL SUMMARBIT VIÐ SMAKKIROYNDUM Leygardagin 6. august frá klokkan 16:00 til 17:00 bjóðar Summar Festivalurin í samstarvi við Føroya Tele, Eta, Føroya Bjór og Gadus smakkiroyndir, tónleik og hugna í Telegarðinum. Summarbit • Eta bjóðar smakkiroyndir av fisk & chips • Føroya Bjór bjóðar smakki­ royndir • Føroya Tele bjóðar poppkorn og okkurt leskandi • Andras Sólstein hugleiðir um fiskivinnu, samskifti og undirhald • Blue Coat Brass Band spælir • Klovnurin Bubu leggur leiðina framvið Fá armband uppá áðrenn festivalin Tað lættir um hjá bæði tær og festivalinum, um tú fært tær armband uppá, áðrenn festivalurin byrjar. Øll atgongumerki verða skift um við eitt persónligt armband, og tey kunnu áðrenn festivalin fáast uppá á hesum støðum: • Torginum í SMS í Havn • Telebúðini í Klaksvík • Norðoya Sparikassa í Klaksvík Avmarkað nøgd er av ábiti og drykkju­ vørum, og tiltakið endar stundis­liga kl. 17:00!