mánadagur 1. august 2016síða 36

SUMMAR FESTIVALURIN 2016 04-06/08 8 HIGHASAKITE ER TAÐ NÆSTA STÓRA Stóru europeisku festivalarnir hava sent boð eftir HighasaKite, og nú koma tey eisini á Summar Festivalin Tey eru nakað av tí mest spennandi í altjóða poppumhvørvinum í løtuni, og veruliga gjøgnumbrotið er á veg. Teirra nýskapandi og hugtakandi popptónleikur hevur fingið vind í seglini, og í heimlandinum Noregi eru tey tann nýggja vónin. Europeiskir festivalar sum Glastonbury og Roskilde hava sett tey á plakatina, og í heyst skulu tey á umfatandi konsertferð í USA. Summar Festivalurin er sera fegin um, at tað hevur eydnast at fáa HighasaKite at spæla á festi­ valinum í ár. – Í fjør bjóðaðu vit okkara gest­ um Lukas Graham, sum síðani er blivin ein heimsstjørna. Nú kunnu fólk uppliva tað næsta stóra, HighasaKite úr Noregi, siga fyri­ reikararnir av Summar Festivalinum. Framúr ummæli HighasaKite varð stovnað í 2011. Bólkurin er úr Noregi, og síð­ani byrj­ anina hava somu fimm tón­leikarar verið við í bólkinum. Ingrid Helene Håvik er forsangari, og afturat sær hevur hon Marte Eberson, Øystein Skar, Trond Bersu og Kristoffer Lo. Fyrsta útgávan frá HighasaKite kom í 2012 og fekk framúr ummæli í Noregi. – Um tú hevur mist trúnna uppá popptónleik, so vísir HighasaKite tær ljósið, skrivaði norska Dag­ bladet, sum gav útgávuni sítt besta skoðsmál. HighasaKite gav aðru útgávuna, Silent Treatment, út í 2014, og fyrr í ár koma triðja útgávan, Camp Echo. HighasaKite hevur hittað stórt í Noregi, har sølan av teirra útgávum hevur verið sera stór. Nú hevur stór útlandið eisini fingið eygu og oyru upp fyri bólkinum, sum vinnur fram á altjóða marknaðinum. Í summar hava tey spæla á bæði Glastonbury og Roskilde, og aðrar spennandi uppgávur bíða fyri framman. Í heyst skal bólkurin á USA konsertferð, og roknað verður við, at HighasaKite fer at røkka langt í hesum árinum. Men áðrenn spennandi popp­ bólkurin við teimum frálíku sang­ unum sleppur so langt, vitja tey í Føroyum, og nú fáa føroyingar møgu­leikan at uppliva ein bólk, sum stormar fram á altjóða tónleika­ pallinum og kann verða tað næsta stóra. Songkvinnan og fjøllistakvinnan Laila av Reyni fer at hava eina øðr­ vísi framførslu á Summar Festi­ valinum. Framførslan fer bæði at bjóða tónleik og kjólar, hon hevur sniðgivið. Laila av Reyni gav fyri kortum út sína aðru útgávu, sum kallast Stay. Hetta er ein melankolsk elektro­popútgáva, sum er ein ferð gjøgnum tónleik, kenslur og visuellu list. Laila tekur støði í sam­ tíðini og teimum avbjóðingum, sum lívið hevur við sær. Laila av Reyni fer á Summar Festi­valinum at hava framførslu, har hon umframt tónleikin eisini dregur aðrar partar av sínari list inn í framførsluna. LAILA VIÐ KJÓLUM OG TÓNLEIKI