hósdagur 18. august 2016síða 24

FRÍGGJADAGUR 19. AUGUST 2016 SOSIALURIN 94 24 Fremur politiskt óhefti Sosialurin politiskt spinn? Marin Katrina Frýdal, býráðslimur Tjóðveldi Eirikur Lindenskov, blaðstjóri á tí sonevnda politiskt óhefta blað­ num, Sosialurin, hevur nú um dag­ ar­nar aftur og aftur skrivað um, hvussu skilagóð og týdningarmikil avgerðin hjá Javnaðarflokkinum, Fólka­flokkinum og Sambands­ flokkinum í býráðnum er at brúka eina hálva milliard krónur til eina havnarútbygging, har Glyvurs­nes verður sprongt og lagt í dýpið út fyri molan. Síðani spinnir hann eina søgu um meg og mín leiklut í hesum máli, har hann eisini fer eftir Tjóðveldi og landstýrisskvinnuni, Sirið Stenberg, og sigur, at vit báðar ikki sita væl um sátt. Í leiðaranum 10. august stað­ festir óhefti blaðstjórin: “At leggja havnina aðrastaðni í kommununi, enn í Havn, er uttanumtos.” Í enn einum leiðara tveir dag­ar seinni er niðurstøða óhefta blað­ stjórans: “Tað er einki dulsmál, at tað er vorðið til eitt politiskt prosjekt hjá Tjóðveldinum í Tórs­ havn­ar kommunu at vera ímóti hesi stóru útbyggingarætlan hjá komm­ununi. Og tá júst Tjóðveldi ger hetta mál til floksmál, so var tað sera áhugavert at frætta, hvat parta­kvinnan hjá Tjóðveldinum í Havn, Sirið Stenberg, fór at gera. Men eftir øllum at døma tosa tjóð­ veldiskvinnurnar báðar ikki serliga væl saman – ella sita tær ikki væl um sátt. Tí so seint sum í síðstu viku legði Marin Katrina Frýdal parta­kvinnuna undir at hava hokn­ að fyri politiskum trýsti.” Og víðari sigur óhefti blað­ stjór­in; “At fyri av órøttum at vinna sær politiskan sigur hevur Marin Katrina Frýdal lagt Sirið Sten­berg undir ódugnaskap sum landstýriskvinna.” Og síðani leggur óhefti blaðstjórin afturat: “At kanska Marin Katrina Frýdal kemur við almennari umbering til partakvinnuna.” Sosialurin flytur fokus Í leiðaranum tann 15. august sig­ ur óhefti blaðstjórin: “At tað var vænt­andi, at Tjóðveldi fór at brúka hetta málið sum eitt politisk rumbulsmál.” Óhefti blaðstjórin leggur meg undir at hava sagt í KvF, at Sirið Stenberg hevur bakkað fyri pol­it­ iskum trýsti. Hetta havi eg ikki sagt. Í samrøðuni við KvF undrist eg á, at hóast Býarskipanarnevndin, ið er faknevndin hjá lands­stýr­ is­kvinnuni, mælir frá havnar­út­ bygg­ingini, so verður ein politisk avgerð tikin, sum gongur beint í móti til­mælinum. Og eg kann nú leggja afturat, at tað tykist sum um, at umsitingin hevur tikið eina pol­itiska avgerð. Blaðstjórin hevur tó rætt í tí, at tíðindamaðurin í send­ingini leggur meg undir at hava sagt, at landstýriskvinnan er politiskt trýst til at taka støðu, men hetta eru ikki míni orð. Síðani roynir Eirikur Lindenskov av øllum alvi at flyta fokus við at siga, at málið nú fullkomiliga skift­ ir karakter, og at tað nú snýr seg um valdsstríð í ráðnum. At tjóð­ veldikvinnan í býráðnum stend­ur einsamøll í stríðnum ímóti havnar­ útbyggingini. Dylir ósemju í Javnaðarflokkinum Óhefti blaðstjórin kundi pass­ andi farið at granska eitt sindur í málinum um havnarútbygging­ina. M.a. at eitt av javnaðarumboð­ unum í breiða meirilutanum á Vagl­ inum fleiri ferðir ikki hevur tikið undir við havnarútbyggingini við at atkvøða blankt og hevur nú boð­ að frá, at hon ikki stillar upp aft­ur til býráðsvalið. Hetta kundi verið ein spennandi søga at granska eitt sindur í, men sjálvandi fer fremsti javnaðarboðberi í landinum, Sos­ ialurin, ikki undir at lýsa eina ósemju í júst Javnaðarflokkinum. Skattgjaldarin heftir fyri lánini Meirilutin á Vaglinum hevur sam­ tykt at brúka eina hálva milli­ ard krónur upp á eina havn­ar­ útbygging, har eingin útrokning ella útgreining av fíggjarligu av­ leið­ingunum er gjørd. Vit vita als ikki, hvat útbyggingin fer at kosta í dýrkan av innfluttum vørum, sum møguliga fer at bera við sær hægri livikostnað og verri kapp­ing við útlandið og tí eisini kann elva til arbeiðsloysi og fráflyting. Og tá óljóðið frá núverandi virksemi á havnarlagnum longu liggja oman fyri loyvda mark, verður hetta kortini gjørt, har nógv fólk búgva, og har landið ger stóra sjúkrahúsútbygging oman móti sjóvarmálanum. Hóast eingin árinskanning er gjørd, samtykk­ ir meirilutin í Tórshavnar bý­ ráð at brúka eina hálva milliard krónur og heftir skattgjaldaran fyri stór lán. Serkunnleikin á bæði Býarskipanar-, Teknisku og Fíggjardeildini eru ikki partur av hesi ætlan og eru tilvitað hildin uttanfyri hesa politisku avgerð. Hava ikki lært av mistøkum Eg hevði ynskt, at vit fóru betri um okkara land. Eg haldi, at tað er harmiligt at standa og vera vitni til, hvussu illa vit í veruleikanum fara við okkara landi og ríki­ dømi. Eg hevði ynskt, at landið tók sær av øllum infrakervinum á sjónum, soleiðis at vit fingu eina lands­havn fyri allar Føroyar, har náttúruumstøðurnar vóru tær bestu og vit ikki oyðslaðu og fóru so illa við lendinum. Tað verður ikki bara Tórshavnar havn, sum fer í gongd við útbygging, men fleiri kommunur, ið koma henni eftir. Tað er harmiligt, at vit í okkara landi ikki kunnu lyfta okkum longri upp og hugsa alt infrakerv­ið í einum, soleiðis at vit fáa bestu og bíligastu loysnirnar fyri okkum øll. Hví hava vit einki lært av øllum gapandi grótbrotunum, ið standa sum brendir jakslar runt um í land­ inum? Og hví hava vit ikki lært av øllum teimum gapandi tómu flaka­ virkjunum, ið standa sum skrímsl til ampa fyri fólk og trivnað kring landið alt. Tað kundi verið so gott Vit eiga í øllum okkara avgerð­um at hugsa umhvørvi, burðardygd og fagurfrøði, sum er trivnaður fyri fólk okkara. Hetta havi eg saknað í viðgerðini av havnarútbyggingini. Eg havi roynt at gjørt míni sjón­ ar­mið galdandi, men havi ikki fingið undirtøku og tí atkvøtt ímóti. Javnaðarflokkurin fekk einsamallur meirilutan til bý­ ráðs­valið seinast, men tordi ikki at taka við avbjóðingini og situr nú saman við Fólkaflokkinum og Sam­bandsflokkinum við ábyrgd­ini fyri risastóru havnarútbygging­ini. Hesin sami peningur kundi gjørt so øgiliga gott aðrastaðni, ja, hann kundi t.d. loyst alla húsaneyðina í Havn. Einki útistandandi við lands­týriskvinnuna At enda vil eg sláa fast, at Sirið Sten­berg, sum eg meti sera høgt sum landspolitikara, og undir­ ritaða, einki hava úti­stand­andi hvør við aðra. Eg eri komm­ unalpolitikari og geri mítt polit­ iska arbeiði innan býráðsgátt, meðan hon er landsstýriskvinna og sjálvandi røkir sína politisku upp­gávu har. Tað er tó spell, at ávísir fjølmiðlar vanmeta eitt so stórt og álvarsligt mál og koma við vill­leiðandi tulkingum og bíligum nið­urstøðum. Jógvan Arge varaborgarstjóri úr Tjóðveldi Hendan seinasta býráðssetan hevur í mangar mátar verið óvanlig. Serliga fólkaræðisliga hevur hon verið eitt afturstig. Ein flokkur fekk einsamallur meiriluta, men bjóðaði til breitt samstarv við alt býráðið, so ongin andstøða var. Okkara hugur stóð til at halda fram átta ára samstarvið millum Tjóðveldi og Javnaðarflokkin, men tá Javnaðarflokkurin ikki vildi, góvu vit tí breiða samstarvinum ein kjans. Inni í breiða samstarvinum vísti seg hvørki at vera høgt til loftið ella vítt til veggja, og tá samstarvið einvíst fór at tveita fólk út, fóru vit øll. Húsaøði og bryggjuøði Í andstøðu hava vit víst á vans­ arnar við, at einaræði í veru­ leikanum valdar á Vaglinum, og at skilaleysar samtyktir hava kostað kommunukassanum dýrt og seinkað fleiri málum. Á Vestaru bryggju er Fólka­ flokkurin sloppin at spæla sær við einum sjóvinnuhúsi, sum hev­ur kostað 100 milliónir krónur. Húsið stendur gapandi tómt, tí grund­ar­ lagið fyri samtyktunum hevur ikki hildið. Inni í býnum hevur býráðið keypt tveir bankabygningar fyri 90 milliónir krónur. Tá keypt varð, var ætlanin at hýsa kommunalum skrivstovum og stovnum í bygn­ ingunum, men meira enn illa hevur gingið at halda hetta lyftið, og annar bygningurin stendur enn tómur. Við Musikkskúlanum er ikki hent annað enn, at hann á papp­ ír­inum er fluttur úr einum stað í annað, men ítøkiliga ongan veg komin. Kanska er hann heilt slept­ ur? Í aðrar mátar hevur hugurin at byggja torg við minnisplátum verið størri enn at geva dagligu um­støð­ unum hjá fólki ans, og tí er eitt so týðandi og avgerandi málsøki sum eldraøkið undirfíggjað. Í sambandi við Skúlan á Fløt­ um, sum hevur verið í umbúna alla setuna, eru framvegis bara hak­ arnir settir í og onki meir. Og í evsta tíma skrædnaði Javn­aðarflokkurin í málinum um Skansa­bryggjuna og læt Fólka­ flokkin bera eina íløgu fyri 465 mió. kr. ígjøgnum býráðið. Breiða samstarvið hevur tíverri verið eitt byggi- og betongstýri, sum hevur havt lítlan og oftast ong­an ans fyri innihaldinum í ger­ and­isdegnum hjá fólki. Fólkið fyrst og fremst Tjóðveldi setir borgararnar fremst í Tórshavnar kommunu. Vit vilja ansa væl eftir komm­ unu­kassanum, men játta peng­ arnar, har teir gera fólki mun. Tær íløgur, ið eru skilagóðar og neyðugar, verða gjørdar. Næsta býráð skal virka fyri, at børnini, ungdómurin, familjurnar og eldru borgararnir fáa uppaftur betri umstøður og tænastu. Málið verður, at fólk í Tórs­havn­ ar kommunu verða sett í hásæti – og ikki bara betongið. Tað gera vit fegin saman við flokkum, sum hava hjartarúm fyri tílíkum politikki. Á valinum, ið kemur, er um­ráð­ andi at javnsterkir flokkar ganga saman í samgongu at stýra býnum. Paradu-samstarvið, ið var, gjørd­ ist eitt betongstýri uttan mál og mið. Kósin má rættast. Frá betongstýri til politikk fyri borgararnar KJAK