hósdagur 25. august 2016síða 36

FRÍGGJADAGUR 26. AUGUST 2016 SOSIALURIN 97 4 ÍTRÓTTUR FÓTBÓLTUR Best umtókta ungdóms­ steypa finalan er ung linga­ steypafinalan, ella U18­fin­ al an, sum hon eitur í dag. Orsøkin er helst tann, at í hesari finaluni aloftast spæla fleiri leikarar, sum hava verið at sæð í bestu deildini, og sum fólk tískil kenna aftur. Bæði í 2014 og 2015 vóru tað NSÍ og HB, sum brustu saman í unglingafinaluni, og soleiðis verður eisini í ár. Bæði í 2014 og 2015 vóru tað teir reyðsvørtu, ið fingu gullheiðursmerki um hálsin og steyp. Í 2014 vann HB 4­3 í einari sera hendingarríkari og málríkari finalu, og í fjør, endaði finalan 3­2 til HB, ið hevði verið á odda 3­0 í hesum dystinum. HB byrjaði við 12-máls sigri Hjá HB byrjaði leiðin til fin aluna 5. apríl, tá ið HB spældi innleiðandi umfar á heimavølli ímóti EB/Streymi. HB fekk ikki ta heilt stóru mótstøðuna hendan dagin, tí at dysturin endaði heili 13­1 til HB. Í fjórðingsfinaluni harð­ naði mótstøðan hjá HB mun­ andi. HB spældi á útivølli ímóti Víkingi, og hesin dyst­ urin endaði 1­1 í vanligari leik tíð. Í longdu leiktíðini dróð HB tó longra stráðið og vann 3­2. Í hálvfinaluni skuldi HB til Klaksvíkar at spæla ímóti KÍ, ið ikki hevur eitt serliga sterkt unglingalið í ár. HB vann ein rættiliga tryggan 3­1 sigur, har helst størsti profilurin á liðnum, Adrian Justinussen, skoraði tvey mál. NSÍ hevði styttri veg til finaluna Ikki tí, at tað gjørdi nakran serligan mun fyri HB, men NSÍ hevur havt ein styttri veg í finaluna, tí at runa­ vík ingar sluppu undan at spæla innleiðandi umfar. Í fjórð ingsfinaluni spældi NSÍ á niðara vølli í Havn ímóti nýstovnaða U18­liðnum hjá Giza Hoyvík. NSÍ vann ein knúsandi 7­0 sigur í hesum dysti. Í hálvfinaluni harðnaði mót støðan hjá NSÍ júst sum hjá HB. Mótstøðuliðið var B36, sum hevur eitt rættiliga sterkt unglingalið í ár, men á heimavøllinum við Løkin eydnaðist tað NSÍ at vinna 2­1 og sostatt spæla seg í sína triðju steypafinalu á rað í unglingadeildini. Nú vóna runavíkingar, at tað í triðju royndini eydnast at vinna ímóti HB. Dysturin verður spældur klokk an 19 fríggjakvøldið. Fin alan verður dømd av Súna Fríða Barbá. Hjá U16­dreingjum verða tað nummar tvey og trý á stigatalvuni, ávíkavist HB og NSÍ, ið skulu dystast um Blaðberasteypið. Heili 11 lið eru við í A­bólkinum í U16, og hetta hevur elvt til, at tað er sera ójavnt, hvussu nógvar dystir liðini hava spælt. Hig­ ar til er HB nummar tvey í landskappingini við 18 stig­ um eftir sjey dystir, með an NSÍ er nummar trý við 13 stigum eftir fimm dyst ir. Eftir stigatalvuni í lands­ kapp ingini at døma mugu liðini metast at vera sera jøvn, tí at vinnur NSÍ teir tveir dystirnar, sum runa­ vík ingar hava spælt færri enn HB, so yvirhálar NSÍ HB við einum stigi og kemur á 19 stig. Oddalið í U16­deildini er í skrivandi løtu B36, ið hevur 19 stig eftir átta spældar dystir. Vegurin til finaluna NSÍ legði hart út við at vinna heili 9­1 ímóti 07 Vestur í áttandapartsfinaluni. Í fjórð­ ingsfinaluni sluppu runa­ víkingar at slíta meira fyri tí, tá ið teir á útivølli í Suðuroy ímóti SB vunnu 1­0. SB er samansetta dreingjaliðið í Suðuroynni, sum umboðar oynna í U16­deildini. Í hálv­ finalu eydnaðist tað síðani NSÍ at vinna ímóti EB/ Streymi. Tíverri hevur tað ikki eydnast okkum at útvegað úrslitið frá hesum dystinum. HB trein inn í kappingina í fjórðingsfinaluni, tá ið útidystur ímóti felagslið num ÍF/Víkingur var á skránni. HB vann hendan dystin trygt, 3­0, og var harvið klárt til hálvfinaluna, sum var ímóti grannunum úr B36. Í fjør luttók B36 í finaluni um Blaðberasteypið, men teir hvítu úr árstals felag num sleppa ikki at taka lut enn einaferð í ár, tí at í hálv final­ uni vann HB havnarbrakið 2­1. Finalan um Blaðbera­ steyp ið í fjør var ímillum NSÍ og B36. NSÍ vann 2­1, og har við eru tað helst fleiri á liðnum hjá NSÍ, ið hava møguleika at vinna Blað­ bera steypið annað árið á rað. Finalan um Blað bera­ steyp ið byrjar klokkan 14.30 leyg ardagin. Dómari verður Arni Rasmussen. U18: SOMU LIÐ HITTAST TRIÐJA ÁRIÐ Á RAÐ Fyri triðja ár upp í slag verða tað unglingaliðini hjá NSÍ og HB, sum skulu spæla steypafinalu sínamillum. HB hevur vunnið báðar finalurnar tvey tey seinastu árini U16: NSÍ KANN ENDURVINNA BLAÐBERASTEYPIÐ Profilar hjá HB: Teit Jacob sen Ari Mohr Olsen Adri an Justinussen Profilar hjá NSÍ: Petur Knud sen Jannik Olsen Jann Benja minsen