týsdagur 30. august 2016síða 14

Mikudagur 31. august 2016 · Nr. 99 14 Sosialurin Hugskot og viðmerkingar – send sms til 225000 BÝARSAVNSAVNSVINIR SKULU HJÁLPA BIRGARI Sera fegin um hjálpina BÝARSAVN Ætlanin er at fáa 1.000 fólk at rinda 10 krónur um mánaðin. So er framtíðin hjá Býarsavninum í Havn tryggjað Eldsálin í Býarsavninum sær fyri sær, at savnið verður lagt saman við Tórshavnar Býarsavni, og at savnið kann flyta inn í gamla BankNordik bygningin Eirikur Lindenskov – Tað hevur verið undir uppsigling leingi, hetta at hjálpa Birgari Johannesen við hesum frálíka hugskoti við Býarsavninum. Tað sigur Jan Christian­ sen í Havn, sum er stig­ takari til at stovna felagið »Býarsavnsvinir«, hvørs enda­mál er at hjálpa Birgari Johannesen við at fíggja føstu útreiðslunar hjá Býar­ sav­nin­um, sum hann hevur sett á stovn, og sum húsast í gomlu Tórs Cafeteria í Niels Finsens­gøtu í Havn. – Tað eru vinmenninir, sum dagliga drekka kaffi saman á Hvonn í Havn, sum hava tosað um hetta. Birgar er millum okkum, sum dag­ liga hittast har, men hetta er als ikki hansara hug­skot. Birgar hevur slett ikki gingið við hattinum í hondini. Men vit hava allir tosað um hetta megnar arbeiði, hann hevur gjørt við býar­savninum, sum átti at verið ein kommunal uppgáva. – Vit hava sera stóra respekt fyri tí, sum Birgar Johannesen hevur av­rikað, og soleiðis er tað, at hug­ skotið um »Býarsavnsvinir« er komið í lag, sigur Jan Christiansen. Endamálið er stutt og greitt at savna saman pening, soleiðis at Býarsavnið fær svarað sínar skyldur við húsa­leigu og ljósi og hita. Málið er at fáa 10.000 krónur um mánaðin ella 120.000 krónur um árið. Jan Christiansen stovnar ein Facebook-bólk, har fólk kunnu tekna seg sum lim. Tað kostar 120 krónur um árið at vera limur, ella 10 krónur um mánaðin. – Okkara sera optimit­ iska mál er at røkka 1.000 lim­um. Og klára vit tað, so fáa vit 120.000 krónur inn um árið – ella 10.000 krónur um mánaðin, sigur Jan Christian­sen. Jan Christiansen vísir á, at Birgar Johannesen er ein eld­sál, og at tað er einki minni enn fantastiskt, sum hann hevur avrikað við Býar­savninum. – Men vit skulu minnast til, at Birgar er 70 ára gamal, og at tað tí er av­markað, hvussu leingi hann kann klára tað, og so dettur savnið niður­fyri. Og tað er spell, heldur Jan Christiansen. Hann heldur, at Birgar Johanne­sen heldur skal konsen­trera seg um savn­ið og ikki um at fáa pengar til húsa­leigu. – Hetta eigur sjálvandi at vera ein almenn uppgáva. Og tað síggja vit til dømis í Íslandi, at hvør býur hevur sítt egna býarsavn, sigur hann. Jan Christiansen sigur, at »Býarsavnsvinir« eru líka­ sum ein fyri­bils­loysn, so­ leið­is at Býarsavnið fær virkað næstu tíðina. – Hetta fer uttan iva eisini at gera fólk meira tilvitað um savnið, og tey sum eru limur, hava eisini fría atgongd at vitja savnið. Soleiðis fáa fólk eisini ognarskap í savn­in­um, og vit at vera við í Facebook- bólk­in­um, so kunnu tey eisini gerast virkin og soleiðis gagna savninum. Jan Christiansen sigur, at hann sjálvur hevur einki við peng­ar­nar at gera. Tað verður bara Birgar Johannesen, sum kann nerta konto­ina, men allir »býarsavns­vinir« kunnu síggja konto­avrit, sum fara at liggja frammi í savn­in­um. Tí pengarnir skulu óskerd­ir til út­reiðslur­nar í sambandi við savnið. Eirikur Lindenskov – Eg havi langt síðani sæð skriftina á vegginum. Um ikki loysn hevði fingist á hesum, so hevði lykilin skjótt verið snaraður um. Tað sigur Birgar Johanne­ sen, sum av sínum ein­ting­um er farin undir Býar­savn­ið, sum leigar høli í gomlu Tórs Cafeteria í Niels Finsens­ gøtu. –  Men eg eri optimistur, eg trúgvi upp á jólamannin, og eg visti, at hetta fór at bera til á onkran hátt kortini, sigur hann. Birgar Johannesen vísir á, at hann hevur fingið nógva hjálp og nógvan stuðul. Bæði frá fólki, sum hava latið honum lutir, stuðlað honum fíggjarliga og á annan hátt. Men eyðsæð er, at savnið kann ikki halda til í hesum hølunum alt ov leingi, tí tað eru tey ov lítil til. Tí mugu størri og betri høli útvegast upp á sikt. – Eg kundi hugsað mær, at Býarsavnið fekk pláss á aðru hædd í gamla BankNordik bygning­in­um í Niels Finsens­ gøtu. So kundi hetta savnið verið lagt saman við Tórs­ havnar Býar­savni, sum eigur nógvar lutir, men sum liggja goymd­ir ymsa­staðni, tí savnið ikki er virkið. Kanska kundi Forn­minnis­savnið eisini latið okkurt, sigur Birgar Johannesen, sum sær fyri sær, at býráðið tekur yvir savnið upp á longri sikt, sigur Birgar Johannesen. Jan Christiansen heldur eisini, at kommunan skal taka yvir, og so lata Birgar Johannesen standa fyri savninum í byrjanini. – Birgar er 70 ára gamal, so tað er avmarkað, hvussu leingi hann fer at standa fyri savinum. Men tann eld­ sál hann er, so kann hann fáa savnið upp at koyra, til onkur annar so tekur yvir, heldur Jan Christiansen. Býarsavnið hevur havt opið í summar og er væl vitjað. Nógvir forkunnugir lutir eru at síggja á savninum Mynd: Álvur Haraldsen Birgar Johannesen, sum hevur stovnað Býarsavnið, og Jan Christiansen, sum hevur tikið stig til at stovna bólkin »Býarsavnsvinir« at tryggja, at savnið kann gjalda fyri húsaleigu Myndir: Álvur Haraldsen Soleiðis verður tú »Býarsavnsvinur« Við at gjalda 120 krónur á konto 6460-557.164.4 í BankNordik. Gjaldið er árligt gjald við fastari flyting einaferð um árið. Tey, ið gjalda, verða limað inn í Facebook-bólkin »Býarsavnsvinr«, sum verður stovnaður til endamálið. Tey, ið eru býarsavnsvinir, hava fría atgongd til Býarsavnið.