mánadagur 5. september 2016síða 28

VIKA 36 • 5. SEPTEMBER 2016 4 MIÐLAHÚSIÐ ÓKEYPIS LÝSINGARBLAÐ Í 10 ár hevur Mikki gingið undir liðini á Jógvani á Dul. Neyvan er føroyskur hundur, ið er oftari avmyndaður á Facebook, men nú er seinasta myndin tikin. Mikki andaðist í farnu viku Danjal av Rana H ann og hundurin eru vorðnir nakað av eini býarmynd í Havn, samstundis sum hann sjálvur tekur mynd av tí hann sær. Tey, ið spáka sær á Tinganesi, í Vágs­botni ella á Skálatrøð um morgunin, munnu javnan hava møtt Jógvani á Dul og Mikki. Lítil ivi er um, at Mikki man teljast millum teir føroysku hundarnar, ið hevur flest myndir á Facebook. Nú vera tær tó ikki fleiri. Hósdagin í síðstu viku tók Jógvan á Dul ta tungu avgerð at av­líva Mikki, sum var blivin sjúkur. – Hann var einans 10 ára gamal, sum ikki er nakar høgur aldur fyri ein hund. Tíverri var hann vorðin sjúkur, so har var lítið at gera, greiðir Jógvan á Dul frá. Tveir trúfastar fylgisveinar hevur hann havt á gongutúrum sínum, chihuahua-hundin Mikki og mynda­ tólið. Jógvan á Dul fekk sær Facebook í 2008 og síðani hevur hann trúliga lagt myndir út frá gongu­túrum sínum. Tað er tí Mikki, sum er at síggja á mynd­un­um har. Hvønn morgun hava teir báðir gingið teirra føstu rutu. Úr Dr. Jacobsens­ gøtu, oman á Skála­trøð og út á Tinganes. Har hava teir hugt at, meðan Birgar Johannesen hevur vundið Merkið á stong, áðrenn leiðin síðani gongur inn aftur í býin. – Vit plaga at siga, at vit lata býin upp, vit tríggir, Birgar, Mikki og eg, sigur Jógvan á Dul. Við tað, at rutan er hin sama, hittir hann yvirhøvur somu fólk á vegnum, sum ofta hava tíð til eitt prát við aldrandi havna­mannin. Og samstundis verður onkur mynd eisini tikin. Og er býurin nógv broyttur? – Ja, nógv er broytt hesi árini, serliga niðri í Vágsbotni. Kaféirnar og nú trappan hava skapað nógv lív har niðri. Tey siga, at einki lív er í miðbýnum. Tað passar, tí tey eru øll enda niðri í Vágs­botni, sigur Jógvan á Dul. Tað er tó ikki bara um morgunin, at hann er at síggja til gongu. Jógvan á Dul hevur í mong ár verið limur í Gongu­felagnum í Havn og er altíð við, tá felagið ger túrar, sum er hvønn sunnu­dag. Jógvan á Dul er farin um pensjóns­ aldur, men er kortini ikki givin heilt at arbeiða. Nú verður hann nýttur sum ferðaleiðari fyri útlendingar, sum koma til Føroya, fyrst og fremst týskarar. – Tað er úr at gera við at vera ferða­leiðari, tí ferðafólkini eru vorðin so nógv. Eg merki væl, at tað ikki eru líka nógv ferðafólkaskip komin í ár sum undan­farin ár. Hinvegin, so haldi eg, at nógv fleiri bussar eru komnir við Norrønu, og við teimum havi eg úr at gera, sigur Jógvan á Dul. Fert tú at fáa tær nýggjan hund? – Mikki er triðji hundurin og hvørja ferð, ein er farin, havi eg sagt, at hatta var tann seinasti. Men so ganga nakrar vikur… sigur Jógvan á Dul og letur orðini hanga í luftini. VIT LATA HAVNINA UPP