týsdagur 20. september 2016síða 4

Mikudagur 21. september 2016 · Nr. 108 4 Sosialurin Hugskot og viðmerkingar – send sms til 225000 Smá hýsa um allan landgrunnin Vilmund Jacobsen – Útlitini eru batnandi, bæði hvat viðvíkur hýsu og toski, men tað hevði verið skeivt at lopið framav. Tað sigur Petur Stein­ grund, fiski­frøðingur, eftir heyst yvir­lits­troling­ar­nar hjá Magnusi Heinason á Føroya­ banka. – Í fjør heyst stað­festu vit eisini, at munandi meira var av hýsu-og toska­yngli á bank­ an­um. Síðan troling­arnar í fjør heyst, er bio­massin av smáari hýsu vaksin sjey ferðir, tá vit rokna kilotalið fyri hvørt hálið. Fiskifrøðingurin sigur, at tað er fult av smáari - helst 1 ára gamlari - hýsu kring um allan bankan og kring um á landgrunninum í síni heild. Petur Steingrund vísir á, at kilotølini fyri hvørt hálið á Føroyabanka hesaferð nú byrja at líkjast tí, sum var tey góðu árini. Men, enn er eitt sindur eftir á mál fyri at røkka teimum góðu miðalárunum. – Taka vit tey góðu árini frá 1996-2004, eru vit enn í undirkanti av hesum, men soleiðis, sum gongdin tykist vera í løtuni, eru útlitini bjørt. Framrokningar Fiskifrøðingurin vísir á, at støðan hjá bæði hýsu-og toskastovninum meira at kalla hevur verið katastrofal seinastu 10 árini. – Heldur verandi gongd sær, siga okkara fram­ rokningar, at gýtingar­stovn­ urin á hýsu fer at koma upp á eini 40.000 tons í 2018. Nú eru útlitini góð, tó at nógv enn kann henda, meðan fiskurin veksur. Nú skulu vit bara vóna, at einki býtt hendir, so fisk­urin hvørv­ur. Petur Steingrund sigur, at royndirnar hjá Magnusi Heinasyni á Føroyabanka vístu, at tann stóra nøgdin av hýsu er fiskur, sum er millum 20 og 30 sentimetrar til longdar. – Smáa hýsan á bankan­ um stendur heilt niður á 200 metra dýpi, sigur fiski­ frøðingurin. – Tá Magnus Heinason herfyri var á Føroyabanka og gjørdi heyst yvirlitstrolingar, var sokallaði biomassin av smáari hýsu á bankanum vaksin sjey ferðir yvir eitt ár, sigur fiskifrøðingurin, Petur Steingrund – Sjey av toskunum vóru umleið 70 sentimetrar, og seks lógu um ein metur til longdar, sigur Petur Steingrund, fiskifrøðingur Tað er nógv 1-ára gomul hýsa um allan landgrunnin, og útlitin eru góð. – Men, vit eiga ikki at leypa framav, heldur fiskifrøðingurin, Petur Steingrund Fingu bert seks stórar toskar Vilmund Jacobsen Petur Steingrund, fiski­ frøð­ing­ur, letur ikki væl at toska­veiðini á Føroya­banka her­fyri, tá Magus Heinason gjørdi sínar reglu­ligu yvir­lits­ trolingar. – Vit fingu bert 17 toska­ fiskar hesaferð til­samans ímóti 30 seinast. Men, av tosk­un­um hesaferð vóru bert seks, sum vóru um­leið ein metur langir og sjey, sum vóru umleið 70 senti­metrar langir. Hann vísir á, at fýra toska­ fiskar eisini kunnu takast burtur av, tí hetta var meira at kalla greipingarfiskur í stødd. – Soleiðis fingu vit bert seks stórar toskar, sum vóru av kendu Føroyabanka- støddini, og tað er ógvuliga lítil veiða. Fiskifrøðingurin sigur sjálv­andi einki ilt um, at smærri toskur eisini var fingin í hesum yvir­lits­troling­ um, tí tað er í sær sjálvum einki ringt tekin. – Men, vit høvdu væntað og vónað at fingið meira av stórum toski. Hann sigur, at Magnus Heinason á hesum túri ikki fekk so mikið av toski, sum mat­stovan ynskti sær at fáa. – Ein stórur partur av veiðini var hýsa, og her vóru eisini stórar og vælvaksnar hýsur, tó at alt neyvan var sami árgangur, sigur Petur Steingrund. Johan Mortensen við stórum og vælvaksnum toski, Jákup Sumberg, høvuðs­ kokkur, við stórari hýsu og Ólavur Sjúrðarberg, eisini við stórum toski veiddur á Føroya­banka Mynd: Vilmund Jacobsen